Kawotu Maxaafaa Naa77anttuwaa 1:8 - Wolaytta Bible

⁸ Oichchin eti, “Mehiyaa ikisiyan dadettida kaabbaa maayidi, ba xeessan dafuwaa gixxees” yaagidi zaaridosona. Yaagin i, “Hegee Tishbbiyaa Eelaasa” yaagiis.

Kawotu Maxaafaa Naa77anttuwaa 1:8 Iomraidhean Croise

Kawotu Maxaafaa Koiruwaa 18:46

GODAA wolqqai Eelaasa bolli wodhdhiis; Eelaasi kaabbaa qabattuwan pude sirqqidi, Iziraa7eela katamaa gakkanaashin Akaabappe sinttatidi woxxiis.

Kawotu Maxaafaa Naa77anttuwaa 1:7

Yaagin kawoi eta, “Inttenaara gaittanau yiidi, ha yohuwaa intteyyo yootida bitanee ai mala asee?” yaagidi oichchiis.

Isiyaasa 20:2

he wode GODAI Amoxa na7aa Isiyaasa hagaadan yaagiis; “Ba; baada ne shayaappe waaruwaa qaara; ne tohuwaappekka ne caammaa kessa” yaagiis; yaagin Isiyaasi GODAI giidoogaadan hanidi, kallo xiirenne mela tohuwan hemettiis.

Zakkaariyaasa 13:4

He gallassi ooninne hananabaa yootiyo wode, ba be7ido ajjuutaa gaasuwan yeellatana; qassi cimmanau ikisiyaara de7iya waaruwaakka maayenna.

Maatiyoosa 11:8

Yaatin, ai be7anau kiyidetii? Lo77iya maayuwaa maayida bitaniyaa be7anau kiyidetiiyye? Lo77iya maayuwaa maayiyaageeti kawotu keettan de7oosona.

Maatiyoosa 3:4

Yohaannisau gaameelaa ikisiyan dadettida afalai de7ees; qassi ba xeessan dafuwaa gixxees; i miyo qumaikka boolenne degeera eessa.

Marqqoosa 1:6

Yohaannisi gaameelaa ikisiyan daddido afalaa maayidi, ba xeessan dafuwaa gixxees; qassi booliyaanne degeeraa eessaa mees.

Luqaasa 1:17

Godaassi asaa giigissanau, aawatu wozanaa naatukko zaaranau, azazettennaageetakka xillotettaa eraassi zaaranau, Eelaasa ayyaanaaninne wolqqan Godaappe sinttaara bees” yaagiis.

Ajjuutaa 11:3

Taani waaruwaa maayida ta naa77u markkata kiittana; eti issi sha7anne naa77u xeetanne usuppun tammu gallassan Xoossaa kiitaa yootana” yaagiis.