Kawotu Maxaafaa Naa77anttuwaa 1:16 - Wolaytta Bible

¹⁶ Wodhdhidi i kawuwaayyo, “GODAI nena hagaadan yaagees; 'Neeyyo oichchanau Israa7eelan Xoossi xayiinee, neeni Eqiroona xoossaa Bi7eeli-Zeebula oichchanau asaa kiittidoogee? Neeni hagaa oottido gishshau, haiqqana! Ne zin77ido hiixaappekka denddakka' yaagees” yaagiis.

Kawotu Maxaafaa Naa77anttuwaa 1:16 Iomraidhean Croise

Kawotu Maxaafaa Koiruwaa 22:28

Yaagin Mikaayi a, “Tumu neeni saro simmiyaabaa gidikko, GODAI tanan haasayibeenna” yaagiis. Qassikka Mikaayi, “Asau ubbau, taani yootidobaa akeekite” yaagiis.

Kawotu Maxaafaa Naa77anttuwaa 1:6

Oichchin eti ayyo hagaadan yaagidi zaaridosona, “Issi bitanee nunaara gaittanau yiidi, 'Inttena kiittida kawuwaakko simmidi biite. Biidi ayyo hagaadan yaagite; “GODAI nena, 'Eqiroona xoossaa Bi7eeli-Zeebula oishissanau neeni asaa kiittiyoogee, Israa7eelan Xoossi xayiineeyye? Hegaa gishshau, neeni haiqqanaappe attin, ha zin77ido hiixaappe denddakka' yaagees” yaagite' yaagiis” yaagidosona.

Kawotu Maxaafaa Naa77anttuwaa 20:1

He wode Kawoi Hizqqiyaasi harggidi, haiqqana matiis. Yaanidaashin Amoxa na7ai hananabaa yootiya Isiyaasi akko biidi, “GODAI nena, 'Neeni haiqqaasappe attin paxakka; hegaa gishshau, ne keettaa giigissa' yaagees” yaagiis.

Kawotu Maxaafaa Naa77anttuwaa 5:21

Hegaa gishshau, Gehaazi Naa7imaana kaalliis. Ba geeduwaa woxxiyoogaa Naa7imaani be7idi, aara gaittanau paraa gaariyaappe wodhdhidi, “Aibeeshsha, saro gidennee?” yaagidi oichchiis.

Kawotu Maxaafaa Naa77anttuwaa 8:10

Yaagin Elssaa7i Hazaa7eelayyo, “Neeni baada ayyo, 'Tuma neeni paxana' yaaga. SHin i tuma haiqqanaagaa tana GODAI bessiis” yaagiis.

Kawotu Maxaafaa Naa77anttuwaa 8:8

Odin kawoi Hazaa7eela, “Immiyoobaa oiqqada, Xoossaa asaara gaittanau ba. Baada a baggaara, 'Taani ha harggiyaappe paxanee?' yaagada GODAA oichcha” yaagiis.

Mazamure Maxaafaa 132:3

“Hagaappe sinttan taani ta soo gelikke, woikko ta hiixan zin77ikke.

Leemiso Maxaafaa 11:19

Xillotettan minnidi de7iya uri paxa de7ana; shin iitatettaa kaalliya uri haiqqana.

Hizqqeela 14:4

Hegaa gishshau, neeni etayyo hagaadan yaagada yoota; 'Ubbaa Haariya GODAI hagaadan yaagees; “Israa7eela asaappe ooninne eeqaa ba wozanan wottikko, a nagarai ayyo xubbiya shuchcha mala gidikko, qassi hananabaa yootiyaagaakko i biikko, taani GODAI ta huuphen a eeqatu coratettaadan ayyo zaarana.