Hanidabaa Odiya Naa77antto Maxaafaa 7:8 - Wolaytta Bible

⁸ He wode Solomoninne Israa7eela asai ubbai Daase Baalaa laappun gallassau bonchchidosona; Israa7eela zawan Hamaata Pinuwaappe biidi, Gibxxe SHaafaa gakkanaashin de7iya cora asai he sohuwaa shiiqiis.

Hanidabaa Odiya Naa77antto Maxaafaa 7:8 Iomraidhean Croise

Doomettaabaa 15:18

He gallassi GODAI Abraamaara hagaadan yaagidi maachchaa maacettiis; “Gibxxe SHaafaappe doommidi Efiraaxiisa giyo gita shaafaa gakkanaassi, ha biittaa taani ne zerettaassi immaas;

Kawotu Maxaafaa Koiruwaa 8:2

Etaaniima giyo laappuntta aginan, Daase Baalai bonchchettiyo wode, Israa7eela asai ubbai Kawuwaa Solomonakko shiiqiis.

Kawotu Maxaafaa Koiruwaa 8:65

He wode Solomoninne Israa7eela asai ubbai laappun gallassaayyo Daase Baalaa bonchchiis; Israa7eela zawan Hamaata Pinuwaappe biidi Gibxxe SHaafaa gakkanaashin de7iya cora asai GODAA Xoossaa sinttan baalaa bonchchanau shiiqiis.

Hanidabaa Odiya Naa77antto Maxaafaa 30:13

Naa77antto aginan Oittaa Baalaa bonchchanau keehi daro asai Yerusalaamen shiiqiis.

Hanidabaa Odiya Naa77antto Maxaafaa 30:26

Daawita na7aa, Israa7eela Kawuwaa Solomona wodiyaasappe doommin, hachchi gakkanaassi, Yerusalaamen hagaa milatiya baali bonchchetti erenna gishshau, Yerusalaamen asai keehippe ufaittiis.

Hanidabaa Odiya Naa77antto Maxaafaa 5:3

Israa7eela asai ubbai laappuntta aginan, Daase Baalai bonchchettiyo wode, kawuwaakko shiiqiis.

Hizqqeela 45:25

“'“Laappuntta aginan, tammanne ichchashantta gallassan doommiya laappun gallassa baalaa wodiyan ubban, nagaraa yarshshuwaa, xuuggiyo yarshshuwaa, kattaa yarshshuwaanne zaitiyaa kaseegaappe dummayennan halaqai shiishsho” yaagees.

Hizqqeela 47:20

“Arggo bagga zawai Meediteraane Abbaa gididi, huuphessa baggaara Hamaata Pinuwaappe arggo baggaa gakkees.

Amoxa 6:14

GODAI, Ubbaappe Wolqqaama Xoossai hagaadan yaagees; “Inttenoo, Israa7eela asatoo, taani intte bolli issi kawotettaa denttana; denttin eti inttena Hamaata Pinuwaappe doommidi, Araba Wombbaa gakkanaassi tuggayana” yaagees.

Yohaannisa 7:2

Aihudati bonchchiyo Daase Baalai gakki uttiis.