Sameela Maxaafaa Koiruwaa 9:27 - Wolaytta Bible

²⁷ Eti katamaa gaxaa wodhdhishin, Sameeli Saa7oola, “Ashkkarai nuuppe sinttau aadhdhana mala yoota” yaagiis; yaagin ashkkarai sinttau aadhdhiis. Aadhdhin Sameeli Saa7oola, “Taani neeyyo Xoossai giidobaa odana mala, hagan guuttaa takkashsha” yaagiis.

Sameela Maxaafaa Koiruwaa 9:27 Iomraidhean Croise

Kawotu Maxaafaa Naa77anttuwaa 20:16

Hegaappe guyyiyan, Isiyaasi Hizqqiyaasa, “GODAI giyoobaa siya.

Sameela Maxaafaa Koiruwaa 10:1

He wode Sameeli tigiyoobaara zaitiyaa ekkidi, Saa7oola huuphiyan tigiis; tigidi Saa7oola yeridi, hagaadan yaagiis; “Ba asaa Israa7eela haarana mala GODAI nena tiyiis gidennee? Neeni a asaa kaalettada, eta yuushuwan de7iya morkketu kushiyaappe eta ashshana. A asaa neeni haarana mala, GODAI nena tiyidoogau malaatai hagaa.

Sameela Maxaafaa Koiruwaa 15:16

Sameeli Saa7oola, “Ane nangga; GODAI zino qammi taayyo yootidobaa taani neeyyo odais” yaagiis. Yaagin Saa7ooli, “Oda” yaagiis.

Sameela Maxaafaa Koiruwaa 9:26

Eti guuraara denddidosona; sa7ai wonttin, Sameeli Saa7oola he keettaa bollaappe xeesidi, “Giiga; taani nena moissana” yaagiis. Saa7ooli giigin, inne Sameelinne naa77ai issippe ogiyaa kiyidosona.