Sameela Maxaafaa Koiruwaa 3:1 - Wolaytta Bible

¹ Na7ai Sameeli Eelappe garssaara GODAAYYO oottees; GODAA qaalai he wode keehi al77o; ajjuutinne darenna.

Sameela Maxaafaa Koiruwaa 3:1 Iomraidhean Croise

Mazamure Maxaafaa 74:9

He wode malaatai nuussi imettennan ixxiis; hananabaa yootiyaabai issoinne baawa. Hagaadan hanidi, woisa wodiyaa de7anaakko, eriya asi nu giddon issoinne baawa.

Leemiso Maxaafaa 29:18

GODAI kaalettiyo kaaletuwaa ekkenna deree yeda; shin higgiyaa naagiya uri anjjettidaagaa.

Isiyaasa 13:12

He bashsha ubbaappe attidaageeti walahi bainna worqqaappekka aadhdhidi be7anau al77ana; asa na7ai Ofiira walahi bainna worqqaappekka aadhdhidi be7anau al77ana.

Hizqqeela 7:26

Bashshai bashshaa bolli, qassi iita odoi iita oduwaa bolli yaana. Eti hananabaa yootiyaagaa, “Ne ajjuutaa yoota” yaagana. Qeesetussi tamaarissiyo timirttee xayana; cimatussikka zoriyoobi xayana.

Sameela Maxaafaa Koiruwaa 2:11

Hegaappe guyyiyan, Elqqaani Raaman de7iya ba soo biis; shin na7ai Sameeli qeesiyaa Eelappe garssaara GODAAYYO oottees.

Sameela Maxaafaa Koiruwaa 2:18

SHin Sameeli na7atettan de7iiddi, liinuwaa giyo kiriyaappe dadettida eefuude giyo maayuwaa maayidi, GODAAYYO oottees.

Sameela Maxaafaa Koiruwaa 2:35

Taani taayyo ammanettiya qeesiyaa, ta wozanaadaaninne ta qofaadan oottiyaagaa denttana; taani a zareti de7i be7anaadan oottana; taani doorido kawuwaa sinttan eti ubba wode oottana.

Sameela Maxaafaa Koiruwaa 2:36

Ne zariyan attida ubbai guutta miishsha woikko baso oitta woossanau yiidi, a sinttan gufannidi, “Taani oitta maana mala, qeesetuppe issuwaa sohuwaa malan tana wottarkkii” yaagana' yaagees” yaagiis.

Sameela Maxaafaa Koiruwaa 3:15

Sameeli sa7ai wonttana gakkanaashin zin77iis; wonttin denddidi, GODAA keettaa penggiyaa dooyiis. Sameeli ajjuutaabaa Eelayyo yootanau yayyiis.

Sameela Maxaafaa Koiruwaa 3:21

GODAI Seelon qonccees; yan ba qaalan banatettaa Sameelayyo qonccissees. Sameeli haasayido qaalai Israa7eela ubbaa gakkiis.