Sameela Maxaafaa Koiruwaa 26:21 - Wolaytta Bible

²¹ Yaagin Saa7ooli Daawita, “Taani nagaraa oottaas. Ta na7au Daawitaa, haa simma! Hachchi qammi neeni tana haiquwaappe ashshido gishshau, taani nena naa77antto genikke. Tumuppe taani eeyabaa hanaas; gita balaa balaas” yaagiis.

Sameela Maxaafaa Koiruwaa 26:21 Iomraidhean Croise

Kawotu Maxaafaa Naa77anttuwaa 1:13

Qassikka kawoi ishatamu olanchchatuura hara heezzantto hamssaalaqaa kiittiis. Kiittin hamssaalaqai pude kiyidi, Eelaasa sinttan gulbbatidi, “Xoossaa asoo, hayyanaa, tananne tanaara de7iya ha ishatamu asata maara! Nu shemppuwaakka haiquwaappe ashsha!

Kawotu Maxaafaa Naa77anttuwaa 1:14

Tamai saluwaappe wodhdhidi, kase hamssaalaqata naa77aanne eta ishatamata ubbaanne miis. SHin ha77i tana maara!” yaagidi woossiis.

Mazamure Maxaafaa 116:15

Geeshshatu haiqoi GODAA sinttan keehi daroppe bonchchettidaagaa.

Mazamure Maxaafaa 49:8

Aissi giikko, asa shemppo waagai al77o. Ai waagaa qanxxinkka, i merinau de7anaadan, woikko i haiqqennaadan oottanau gakkenna.

Mazamure Maxaafaa 72:14

Eta naaquwaappenne makkalaappe i wozees. Eta suuttai a sinttan al77o.

Kessaabaa 9:27

Kawoi kiittidi Muusanne Aaroona xeesissiis; xeesissidi, “Ha77i simmi, taani nagaraa oottaas; GODAI tumanchcha; taaninne ta asai mooranchcha.

Qoodaabaa 22:34

Yaagin Balaami GODAA kiitanchchaa zaaridi, “Taani nagaraa oottaas. Neeni tana teqqanau ogiyaa bollan eqqidoogaa taani erabeikke. Neeni dosabeennabaa gidikko, taani ha77i guyye simmana” yaagiis.

Maatiyoosa 27:4

“Taani geeshsha asa oittada nagaraa oottaas” yaagiis. SHin eti a, “Hegee nuuyyo ai metoo? Hegee ne shene” yaagidosona.

Sameela Maxaafaa Koiruwaa 13:13

Sameeli Saa7oola, “Neeni eeyabaa oottadasa; GODAI ne Xoossai neeyyo immido azazuwaa naagabaakka. Naagidaakko GODAI hachchi ne kawotettaa Israa7eela bolli merinau minttanaagaashin.

Sameela Maxaafaa Koiruwaa 15:24

Saa7ooli Sameela, “Taani nagaraa oottaas; GODAA azazuwaanne ne qaalaa toochchaas. Taani asaayyo yayyido gishshau, eti giidobaa oottaas.

Sameela Maxaafaa Koiruwaa 15:30

Yaagin Saa7ooli Sameela, “Taani nagaraa oottaas; shin ta biittaa cimatu sinttaaninne Israa7eela asaa sinttan hai tana kaushshopparkkii; taani GODAAYYO, ne Xoossaayyo goinnanaadan, neeni tanaara hinddarkkii” yaagidi zaariis.

Sameela Maxaafaa Koiruwaa 18:30

Pilisxxeeme halaqati olettanau kiyiyoogaa aggibookkona; shin olau kiyido paido ubban Saa7oola gadaawatu ubbaappe xoonoi haniyoi Daawitassa; hegaa gishshau, i erettida asa gidiis.

Sameela Maxaafaa Koiruwaa 24:17

Qassikka Daawita, “Neeni taappe aadhdhida xillo; aissi giikko, taani neeyyo iitabaa oottin, neeni taayyo lo77obaa oottadasa.

Sameela Maxaafaa Koiruwaa 26:22

Yaagin Daawiti, “Kawuwau, ne toorai hageeho; ne asatuppe issi asi yiidi ekko.

Sameela Maxaafaa Koiruwaa 26:24

Taani tumu hachchi nena ashshidoogaadan GODAI tanakka ashsho; qassi meto ubbaappekka tana wotti ekko” yaagiis.

Sameela Maxaafaa Koiruwaa 27:4

“Daawiti Gaate baqatiis” giyoogaa siyidi, Saa7ooli naa77antto a koyiyoogaa aggi bayiis.