Sameela Maxaafaa Koiruwaa 26:18 - Wolaytta Bible

¹⁸ Qassikka i Saa7oola, “Ta godau, tana ne ashkkaraa neeni aibissi kaallai? Taani ai oottidanaa? Taani ai mooridanaa?

Sameela Maxaafaa Koiruwaa 26:18 Iomraidhean Croise

Mazamure Maxaafaa 119:161

Halaqati tana coo yedettoosona; shin ta wozanai ne qaalau yayyees.

Mazamure Maxaafaa 35:7

Coo tana oiqqanau bantta piriyaa wottidosona; qassikka coo tana oogganau ollaa bookkidosona.

Mazamure Maxaafaa 69:4

Tana coo ixxiyaageeti ta huuphiyaa binnaanaappe daro. Wordduwan tana morkkiyaageetinne xaissanau koyiyaageeti daridosona. Taani mabeenna miishshaa tana qanxxissoosona.

Ermmaasa 37:18

Qassikka Ermmaasi Kawuwaa Sedeqiyaasa hagaadan yaagidi oichchiis; “Tana intte qasho keettan yegganau taani ne bollan, neeyyo oottiya halaqatu bollan woikko ha asaa bollan aiba mooro oottidanaa?

Yohaannisa 10:32

Yesuusi eta, “Taani oottanau ta Aawai taayyo immido daro lo77o oosuwaa inttena bessaas; hegeetuppe augeetu gishshau, tana shuchchan caddanau koyeetii?” yaagiis.

Yohaannisa 18:23

Yesuusi zaaridi, “Taani balabaa haasayidabaa gidikko, hagan de7iya asa ubbau oda; shin taani tumaa haasayidabaa gidikko, tana aissi baqqai?” yaagiis.

Yohaannisa 8:46

Intteppe tana nagara oottishin be7aas gaanau danddayiyai oonee? Taani tumaa haasayiyaabaa gidikko, tana aissi ammanekketii?

Sameela Maxaafaa Koiruwaa 17:29

Yaagin Daawiti, “Taani ha77i ai oottidanaa? Harai attikko haasayanaukka danddayikkinaa?” yaagiis.

Sameela Maxaafaa Koiruwaa 20:1

Hegaappe guyyiyan, Daawiti Raaman de7iya Naayootappe baqatidi, Yonaataanakko biis; biidi Yonaataana, “Taani ai oottidanaa? Ta mooroi aibee? Ne aawai tana woranau koyiyoogee, taani a waata qohiinee?” yaagidi oichchiis.

Sameela Maxaafaa Koiruwaa 24:9

Yaatidi Daawiti Saa7oola, “ 'Daawiti nena qohanau koyees' giya asatu qaalaa neeni aibissi siyai?