Sameela Maxaafaa Koiruwaa 26:16 - Wolaytta Bible

¹⁶ Neeni oottidobi lo77o gidenna. De7o GODAI ero! Neeninne ne olanchchati GODAI tiyido intte godaa naagibeenna gishshau, intte haiqqanau bessees. Kawuwaa tooraanne a huuphessan de7iya haattaa otuwaa be7ai?” yaagiis.

Sameela Maxaafaa Koiruwaa 26:16 Iomraidhean Croise

Sameela Maxaafaa Naa77anttuwaa 12:5

Daawiti he dure bitaniyaa bolli hanqquwaa eexxi kiyidi Naataana, “GODAI ero! Hagaa oottida bitanee haiqqanau bessees.

Sameela Maxaafaa Naa77anttuwaa 19:28

Ta aawaa aawaa asai ubbai harabaa gidennan, ta godai kawoi beni woranau bessiyo asa; shin taani ne ashkkarai ne masoofiyaappe miyaageetuura maanaadan neeni taayyo sohuwaa immadasa. Yaatin, taani hagaappe aadhdhiyaabaa kawuwaa oichchanau taayyo aiba maati de7ii?” yaagiis.

Kawotu Maxaafaa Koiruwaa 2:26

Hegaappe guyyiyan, Kawoi Solomoni qeesiyaa Abiyaataara hagaadan yaagiis; “Neeni Anatootan de7iya ne gade guyye ba. Neeni haiqqanau bessaasa; shin nena taani ha77i worikke. Aissi giikko, neeni ta aawaa Daawita sinttan Ubbaa Haariya GODAA Taabootaa tookkadasa; qassi ta aawaa metuwaa ubbaa aara metootadasa” yaagiis.

Mazamure Maxaafaa 102:20

Hegeenne, qashettida asatu ooliyaa siyanaassanne haiquwaassi pirddettida asata birshshanaassa.

Mazamure Maxaafaa 79:11

Qasho asatu oolee ne sintti gakko. Haiquwau pirddettidaageeta ne wolqqaa gitatettaadan ashsha.

Efisoona 2:3

Nuunikka qassi ubbai he asaa mala; qassi nuuni nu meretettaa amuwaadan de7ida; nu asatettainne nu wozanai koyidobaa oottida. Nuunikka haratuugaadan, nu meretan Xoossaa hanqquwaa ekkanau de7oos.

Sameela Maxaafaa Koiruwaa 20:31

Isseya na7ai ha sa7aa bollan de7ido peeshan ubban neeni woikko ne kawotettai eqqenna. Ha77i kiittada taayyo a ehiissa; aissi giikko, i haiqqanau bessees” yaagiis.

Sameela Maxaafaa Koiruwaa 24:6

Azzanidi Daawiti ba asata, “GODAI tiyidi kawoyido ta godaa taani hegaa oottanaagaa woikko a bolli ta kushiyaa denttanaagaa GODAI taappe haasso; aissi giikko, GODAI tiyidi kawoyidoogee a” yaagiis.

Sameela Maxaafaa Koiruwaa 26:11

GODAI tiyido kawuwaa bolli taani kushiyaa denttennaadan tana GODAI teqqo. Ane a huuphessan de7iya tooraanne haattaa otuwaa ekkada hindda” yaagiis.

Sameela Maxaafaa Koiruwaa 26:15

Yaagin Daawiti, “Neeni wozannaama asa gidikkiiyye? Israa7eela giddon ne mali ooni de7ii? Yaatin, kawuwaa ne godaa aibissi naagikkii? Aissi giikko, issi asi kawuwaa ne godaa woranau yaa biis.

Sameela Maxaafaa Koiruwaa 26:9

SHin Daawiti Abishaaya, “Neeni a woroppa; GODAI tiyido kawuwaa bolli ba kushiyaa denttiya oonanne GODAI qaxxayana” yaagiis.