Sameela Maxaafaa Koiruwaa 26:10 - Wolaytta Bible

¹⁰ Qassikka i Abishaaya, “De7o GODAI ero! GODAI a shocanaagaa taani erais; ba gallassai gakkin i haiqqana, woikko olettanau biidi i xayana.

Sameela Maxaafaa Koiruwaa 26:10 Iomraidhean Croise

Doomettaabaa 47:29

Israa7eelayyo haiqqiyo wodee matattin, ba na7aa Yooseefa xeesissidi hagaadan yaagiis; “Taani ne sinttan sabettidabaa gidikko, ne kushiyaa ta gulbbatan wottada, neeni taayyo kehanaunne ammanettanau ane geppa. Tana Gibxxen moogoppa;

Iyyooba Maxaafaa 14:14

Issi asi haiqqikko, simmidi paxanee? Ta laamee yaana gakkanaashin, ha tugga wodiyaa ubbaa danddayan naagana.

Iyyooba Maxaafaa 14:5

Asi de7ana laittati zawati uttidosona; i de7ana aginaakka neeni qooda wottadasa; neeni wottido zawaappe aadhdhiyaabi baawa.

Iyyooba Maxaafaa 7:1

“Asa de7oi sa7aa bollan wolqqaama baaxe gidenneeyye? A de7o laittai keraa oottiya asa de7o laittaa mala gidenneeyye?

Mazamure Maxaafaa 37:10

Iitaa oottiyaageeti guutta wodiyaappe guyyiyan de7okkona; neeni eta koyiyaakkokka eti beettokkona.

Mazamure Maxaafaa 37:13

SHin Godai iitatu bollan miiccees; aissi giikko, eta gallassai yiyoogaa i erees.

Mazamure Maxaafaa 94:23

Eta iitatettaa gishshau, i eta qaxxayana; eta nagaraa gishshau, i eta xaissana; ee, GODAI nu Xoossai eta xaissana.

Eranchchaa Maxaafaa 3:2

Hegaa gishshau, yelettanau wodee de7ees; haiqqanaukka wodee de7ees. Tokkanau wodee de7ees; tokkidoogaa shoddanaukka wodee de7ees.

Luqaasa 18:7

Yaatin bana maaddana mala, gallassinne qammi baakko waassiya doorettida asaassi Xoossai pirddennee? I etassi eesuwan zaarennee?

Roome 12:19

Ta ishatoo, intte intte huuphen asau halo kessoppite. Xoossai a hanqquwaassi a aggiigite. Aissi giikko, Xoossaa maxaafai, “Godai, ‘Taani haluwaa kessana; taani kushiyaa zaarana’ yaagees” yaagees.

Zaarettido Wogaa 31:14

Hegaappe guyyiyan, GODAI Muusa hagaadan yaagiis; “Be7a, neeni haiqqiyo gallassai matiis. I kaaletettiyo azazuwaa ayyo taani immana mala, Yaasa xeegada, neeni aara issippe Dunkkaaniyaa giddo gelite” yaagin, Muuseenne Yaasu Dunkkaaniyaakko shiiqidosona.

Zaarettido Wogaa 32:35

Eta bashshaa gallassai matattiis; eta bolli gakkanabai eesotees. He wode eta gedee xubettana. Taani etau haluwaa kessananne kushiyaa zaarana' yaagiis.

Ibraawe 10:30

Aissi giikko, “Taani haluwaa kessananne kushiyaa zaarana” giidaagaa nuuni eroos; qassikka, “Godai ba asaa pirddana” yaagiis.

Ibraawe 9:27

Asai ubbai issitoo haiqqanau bessees; hegaappe guyyiyan Xoossai asaa pirddana.

Ajjuutaa 18:8

Hegaa gishshau, i bosha ubbai harggee, kayyoinne koshai o issi gallassi oiqqana. Qassi a taman xuugettana; aissi giikko, i bolli pirddiya Xoossai wolqqaama” yaagiis.

Sameela Maxaafaa Koiruwaa 24:12

Nebaanne tabaa GODAI pirddo; GODAI neeni tana qohidoogaa haluwaa kesso; shin taani ne bolli ta kushiyaa denttikke.

Sameela Maxaafaa Koiruwaa 24:15

GODAI nu giddon daannato; nebaanne tabaa i pirddo; ta yohuwaa xeellidi, ta gishshau i mootetto; ne kushiyaappe tana i ashsho” yaagiis.

Sameela Maxaafaa Koiruwaa 25:26

“De7o GODAI ero! Ne shemppoi ero! Neeni suutta gussennaadaaninne ne kushen ne halo kessennaadan, nena ta godaa teqqidaagee GODAA. Ne morkketinne nena ta godaa qohanau koyiyaageeti Naabaaladan hanona.

Sameela Maxaafaa Koiruwaa 25:38

Tammu gallassaappe simmin, GODAI Naabaala shocin, i haiqqiis.

Sameela Maxaafaa Koiruwaa 25:39

Naabaali haiqqidoogaa Daawiti siyido wode, “GODAI galatetto! Naabaali tana cayidoogaa haluwaa GODAI kessiis; taani a ashkkarai iitabaa oottennaadan teqqiis; Naabaali oottido iitatettaa GODAI a huuphiyan zaariis” yaagiis. Hegaappe guyyiyan, Daawiti Abigaalo ekkanau kiitaa yeddidi oishissiis.

Sameela Maxaafaa Koiruwaa 31:4

Mazunxxissin Saa7ooli ba ola miishshaa tookkiyaagaa, “Ha qaxxarettibeennaageeti yiidi, tana caddidi kaa7ennaadan, ne bisuwan caddada, tana neeni wora” yaagiis. SHin a ola miishshaa tookkiyaagee keehippe yayyido gishshau ixxiis; ixxin Saa7ooli ba bisuwaa sa7an essidi, a bolli kunddiis.

Sameela Maxaafaa Koiruwaa 31:6

Hagaadan hanidi, Saa7oolinne a naati heezzati, a ola miishshaa tookkiyaageenne a asati ubbai he gallassi issippe haiqqidosona.