Sameela Maxaafaa Koiruwaa 23:28 - Wolaytta Bible

²⁸ Saa7ooli Daawita koyiyoogaa aggidi, Pilisxxeema asatuura olettanau biis. Hegaa gishshau, he sohoi “SHaakkiya zaallaa” geetettiis.

Sameela Maxaafaa Koiruwaa 23:28 Iomraidhean Croise

Mazamure Maxaafaa 124:7

Nuuni shankkanchchatu piriyaappe kafoi kessi ekkiyoogaadan kessi ekkida. Pireenne meqqiis, nuuninne kessi ekkidi attida!

Sameela Maxaafaa Koiruwaa 23:25

Saa7oolinne a asai Daawita koyanau biidosona. Daawiti hegaa siyido wode, zaallaakko wodhdhidi, Maa7oona bazzuwan uttiis. Saa7ooli hegaa siyido wode Maa7oona bazzuwaa Daawita koyiiddi biis.

Sameela Maxaafaa Koiruwaa 23:27

SHin kiitettidaagee Saa7oolakko yiidi, “Haaya! Pilisxxeema asati biittaa bolli woraajjidosona” yaagiis.

Sameela Maxaafaa Koiruwaa 23:29

Daawiti he sohuwaappe kiyidi, Enggaada katamaa matan de7iya qatotun uttiis.

Sameela Maxaafaa Koiruwaa 24:1

Saa7ooli Pilisxxeema asata yedettiyoosaappe simmin, “Daawiti Enggaada katamaa matan de7iya bazzuwan de7ees” giidi ayyo yootidosona.

Sameela Maxaafaa Koiruwaa 24:2

Israa7eela ubbaa giddoppe doorettida heezzu sha7u asaa Saa7ooli ekkidi, Daawitanne a asaa koyanau, “Wora Deeshshati Geessiyo Zaallaa” giyoosaa mati biis.