Sameela Maxaafaa Koiruwaa 23:13 - Wolaytta Bible

¹³ Daawitinne usuppun xeetu gidiya asai Qa7iila katamaappe kiyidi, issisaappe issisaa hemetaa oiqqidosona. Daawiti Qa7iila katamaappe baqatidoogaa Saa7ooli siyido wode, baanau qoppidoogaa aggi bayiis.

Sameela Maxaafaa Koiruwaa 23:13 Iomraidhean Croise

Sameela Maxaafaa Naa77anttuwaa 15:18

A oosanchchati ubbai appe sinttaara salppidi aadhdhidosona; eta kaallidi kawuwaa naagiyaageeti salppidosona; qassi eta kaallidi Gaate katamaappe yiida usuppun xeetu asati, kawuwaa sinttaara salppidi aadhdhidosona.

Sameela Maxaafaa Naa77anttuwaa 15:20

Neeni sa7a zino yaadasa; taani ta huuphessi biyoosaa erennan de7aidda, nena hachchi waatada tanaara yuushshoo? Guyye simma; ne dere biittaa asatakka nenaara efa. GODAI neeyyo kehonne ammanetto!” yaagiis.

Iyyooba Maxaafaa 5:12

Genanchchatu halchchuwaakka halissees; hegaa gishshau, eta kushiyaa oosoi polettenna.

Mazamure Maxaafaa 34:5

Naaqettidaageeti akko xeellidi ufaittoosona; eta som77oi mulekka yeellatenna.

Sameela Maxaafaa Koiruwaa 22:2

Metootidaageeti, woikko acuwan gelidaageeti, woikko sa7ai iitidoogeeti ubbati Daawitakko shiiqidosona; shiiqin i etayyo halaqa gidiis. Issi oiddu xeetaa gidiya asai aara de7ees.

Sameela Maxaafaa Koiruwaa 25:13

Daawiti ba asata, “Intte bisuwaa bisuwaa gixxite” yaagiis; yaagin ubbatikka bantta bisuwaa bisuwaa gixxidosona; Daawitikka ba bisuwaa gixxiis. Daawiti oiddu xeetaa gidiya asatuura pude biis; naa77u xeetu asai etabaa naagiiddi attiis.