Sameela Maxaafaa Koiruwaa 23:12 - Wolaytta Bible

¹² Daawiti, “Qa7iila katamaa asati tananne ta asaa Saa7oolayyo aattidi immaneeshsha?” yaagidi zaarettidikka GODAA oichchiis. Oichchin GODAI, “Ee; eti inttena aattidi immana” yaagiis.

Sameela Maxaafaa Koiruwaa 23:12 Iomraidhean Croise

Mazamure Maxaafaa 118:8

Asan ammanettiyoogaappe GODAAKKO baqatiyoogee lo77o.

Mazamure Maxaafaa 143:8

Taani nena ammanettiyo gishshau, maallado aggenna ne siiquwaabaa tana sissa. Taani ta shemppuwaappe nena woossiyo gishshau, taani baanau bessiya ogiyaa tana tamaarissa.

Mazamure Maxaafaa 31:8

Neeni tana morkkiyaa kushiyan aattada immabaakka; ta tohotakka aaho sohuwan essadasa.

Mazamure Maxaafaa 62:1

Xoossaa xalaalan taani shemppuwaa demmaas; ta atotettai appe yees.

Isiyaasa 29:15

Bantta halchchuwaa ciimmayidi, GODAAPPE qottiyaageetussi, bantta oosuwaa xuman oottiiddi, “Nuna ooni be7ii? Nuna ooni erii?” yaagiyaageetussi aayye7ana!

Ermmaasa 11:18

GODAI eta maqquwaa taayyo qonccissido gishshau, taani eraas. He wode eti iitaa oottiyoogaa i tana bessiis.

Ibraawe 4:13

Nuuni oottiyoobaa wochchiya Xoossaa sinttan ubbabaikka beettiyoogaappenne qoncciyan de7iyoogaappe attin, a aifiyan geemmiya mereti aibinne baawa.

Daannatu Maxaafaa 15:10

Yihudaa asai eta, “Aibissi nuna olanau yiidetii?” yaagidi oichchiis. Oichchin eti, “Nuuni Samssoona oikki qachchanaunne i nu bolli oottidoogaadan a bolli oottanau yiida” yaagidi zaaridosona.

Sameela Maxaafaa Koiruwaa 23:11

Qa7iila katamaa asai tana Saa7oolayyo aattidi immaneeshsha? Taani ne ashkkarai siyidoogaadan Saa7ooli tumukka haa yaaneeshsha? Abeet GODAU, Israa7eela Xoossau, taayyo ne ashkkaraayyo yootarkkii” yaagiis. Yaagin GODAI Daawita, “Ee; Saa7ooli yaana” yaagidi zaariis.

Sameela Maxaafaa Koiruwaa 23:20

Nu kawuwau, ha77ikka neeni dosido wode haa duge wodhdha; yaatikko, nuuni a ne kushiyan aatti immana” yaagidosona.

Sameela Maxaafaa Koiruwaa 23:7

Daawiti Qa7iila katamaa biidoogaa Saa7ooli siyiis; siyidi, “Xoossai Daawita ta kushiyan aatti immiis; aissi giikko, ifittainne hiraaqoi de7iyo katamaa gelidi, barkka qashettiis” yaagiis.