Sameela Maxaafaa Koiruwaa 20:41 - Wolaytta Bible

⁴¹ Na7ai biidoogaappe guyyiyan, Daawiti he zaallaa guyyeppe kiyiis; kiyidi Yonaataana sinttan gulbbatidi, ba som77uwaa biittaa boshissidi heezzutoo ziggiis. Hegaappe guyyiyan, issoi issuwaara yerettidi yeekkidosona; shin Daawiti Yonaataanappe aaruwaa yeekkiis.

Sameela Maxaafaa Koiruwaa 20:41 Iomraidhean Croise

Doomettaabaa 29:11

Yaaqoobi Raaheelo yeridi, ufaissau ba qaalaa xoqqissidi yeekkiis.

Doomettaabaa 29:13

Laabaani ba michchee na7aa Yaaqooba woriyaa siyidosaarakka, aara gaittanau woxxiis. A idimmi yeridi, ba soo efiis. Yan Yaaqoobi hanidabaa ubbaa Laabaanayyo yootiis.

Doomettaabaa 33:4

SHin Eesawi aara gaittanau woxxidi, a qooriyaa qoommidi yeriis. Eti yeekkidosona.

Doomettaabaa 42:6

He wode Yooseefi he biittaa aissiyaagaanne biittan de7iya asau ubbau kattaa baizziyaagaa; hegaa gishshau Yooseefa ishantti gakkido wode, bantta som77uwaa sa7aa gattidi ayyo ziggidosona.

Doomettaabaa 43:28

Yaagin eti, “Ee, ne ashkkarai, nu aawai ha77ikka paxa de7ees; i lo77o” yaagidi hokkidi ayyo ziggidosona.

Doomettaabaa 45:15

Yooseefi ba ishantta ubbaa yeridi, eta bollankka yeekkiis. Hegaappe guyyiyan, a ishantti aara haasayidosona.

Sameela Maxaafaa Naa77anttuwaa 1:2

Heezzantto gallassi issi bitanee kayyuwau ba maayuwaa pooshshidi, ba huuphiyan buhiyaa laalidi, Saa7oola qatuwaappe yiis. Daawitakko i yiido wode, sa7an lichchi giidi ziggiis.

Sameela Maxaafaa Naa77anttuwaa 1:26

Ta ishaa Yonaataanaa, taani neeyyo azzanais; ne taayyo daroppe al77o. Neeni tana siiqiyo siiqoi garamissiyaagaa, maccaasa siiqoppekka aadhdhidi garamissiyaagaa.

Sameela Maxaafaa Naa77anttuwaa 14:4

Taqo7a katamaa maccaasiyaa kawuwaakko biido wode, biittan lichchi gaada gufannada, “Kawuwau, tana maaddarkkii!” yaagaasu.

Sameela Maxaafaa Naa77anttuwaa 19:39

Hegaappe guyyiyan, asai ubbai Yorddaanoosa SHaafaa pinniis; kawoikka pinniis. Pinnidi Barzzillaaya yeridi anjjiis; yaatin, Barzzillaayi ba soo simmiis.

Sameela Maxaafaa Naa77anttuwaa 9:6

Saa7oola na7aa Yonaataana na7ai Mafibosheeti Daawitakko yiis; yi gakkidi, Daawita sinttan lichchi giidi zin77iis. Yaatin, Daawiti a, “Mafibosheetaa!” yaagidi xeesiis. Xeesin i, “Abe ta godau, taani ne ashkkaraa” yaagiis.

Kawotu Maxaafaa Koiruwaa 1:16

Berssaaba kawuwaa sinttan lichchi gaada gufannaasu. Gufannin kawoi, “Ai koyadii?” yaagidi oichchiis.

Kawotu Maxaafaa Koiruwaa 1:23

Gakkin kawuwaayyo, “Hananabaa yootiya Naataani yiis” yaagidi yootidosona. Yaatin, Naataani kawuwaa sintti aadhdhidi, ba som77uwaa sa7aa gattidi ziggiis.

Kawotu Maxaafaa Koiruwaa 1:31

Yaagin Berssaaba ba som77uwaa sa7aa gattada kawuwaa sinttan ziggaasu; ziggada kawuwaa, “Ta godai, Kawoi Daawiti merinau de7o!” yaagaasu.

Yesuusi Kiittidoogeetu Oosuwaa 20:37

Eti ubbaikka PHauloosa qoommidi, yeekkiiddi yeridosona.

Sameela Maxaafaa Koiruwaa 10:1

He wode Sameeli tigiyoobaara zaitiyaa ekkidi, Saa7oola huuphiyan tigiis; tigidi Saa7oola yeridi, hagaadan yaagiis; “Ba asaa Israa7eela haarana mala GODAI nena tiyiis gidennee? Neeni a asaa kaalettada, eta yuushuwan de7iya morkketu kushiyaappe eta ashshana. A asaa neeni haarana mala, GODAI nena tiyidoogau malaatai hagaa.

Sameela Maxaafaa Koiruwaa 18:3

Yonaataani Daawita ba huuphedan siiqiyo gishshau, aara maachchaa maacettiis.

Sameela Maxaafaa Koiruwaa 20:40

Yonaataani ba ola miishshaa na7aassi immidi, “Tookka ekkada katamaa efa” yaagiis.

Sameela Maxaafaa Koiruwaa 24:9

Yaatidi Daawiti Saa7oola, “ 'Daawiti nena qohanau koyees' giya asatu qaalaa neeni aibissi siyai?

Sameela Maxaafaa Koiruwaa 25:23

Abigaala Daawita be7ido wode, hariyaappe eesota wodhdhada, Daawita sinttan biittan gufannada ayyo ziggaasu.