Sameela Maxaafaa Koiruwaa 2:8 - Wolaytta Bible

⁸ I hiyyeesata buhiyaappe denttees. Metootanchchatakka bidinttaa pituwaappe denttees; denttidi eta halaqatuura utissees; eta bonchcho araataa laatissees. “Aissi giikko, biittaa baasoti GODAASSA; i eta bollan sa7aa essiis.

Sameela Maxaafaa Koiruwaa 2:8 Iomraidhean Croise

Doomettaabaa 41:14

Yaagin Gibxxe kawoi Yooseefayyo kiittidi xeesissiis. Eti a qasho keettaappe eesuwan ehiidosona. I meedettidi ba maayuwaa laammidi, kawuwaakko geliis.

Doomettaabaa 41:40

Taani nena ta keettan sunttais; ta asai ubbai neeyyo azazettana; taani neeppe aadhdhanai ta kawotaa araataa xalaalaana gidana” yaagiis.

Sameela Maxaafaa Naa77anttuwaa 7:8

“Hegaa gishshau, ha77ikka ta ashkkaraa Daawitassi oda; 'Ubbaappe Wolqqaama GODAI nena hagaadan yaagees; “Taani nena hentta gadeppe, dorssaa heemmiyoosaappe denttada, ta asaa Israa7eela kaalettanaadan ekkaas.

Kawotu Maxaafaa Koiruwaa 16:2

“Taani nena buhiyaappe denttada ta asaa Israa7eela bolli halaqa kessaas; shin neeni Iyorbbaama ogiyan hemettadasa. Qassi ta asaa Israa7eela nagaraa ootissada, eta nagaran tana hanqqetissadasa.

Kawotu Maxaafaa Naa77anttuwaa 9:6

Yeehu denddidi soo gelin, hananabaa yootiyaagee a huuphiyan zaitiyaa tigidi, “GODAI Israa7eela Xoossai nena hagaadan yaagees, 'Neeni GODAA asaa bolli, Israa7eela bolli kawotanaadan taani nena tiyais.

Iyyooba Maxaafaa 1:21

hagaadan yaagiis; “Taani ta aayee uluwaappe kallo yelettaas; haiqqiyoodekka taani ekkada biyoobi baawa. GODAI immiis; GODAI zaaridi ekkiis. GODAA sunttai galatetto” yaagiis.

Iyyooba Maxaafaa 2:8

Yaatin, Iyyoobi bidinttaa bolli uttidi, kon77an bana goodiis.

Mazamure Maxaafaa 102:25

Neeni beni sa7aa medhdhadasa; saloikka ne kushe ooso.

Mazamure Maxaafaa 104:5

Neeni sa7aa a baasuwaa bolli essadasa; i meri merinaukka qaaxxenna.

Mazamure Maxaafaa 107:41

SHin i hiyyeesata tuggaappe kessidi, eta keettaa asaa corayees.

Mazamure Maxaafaa 24:2

Aissi giikko, sa7aa gita abbaa bollan i hiixxiis; ciimma haattaa bollan minttidi essiis.

Mazamure Maxaafaa 75:3

Sa7ainne an de7iyaageeti ubbai qaaxxinkka, a mintta essiyaagee tana.

Mazamure Maxaafaa 75:4

Taani otoranchchata, 'Otorettoppite' yaagais; iitatakka, 'Intte kaciyaa bessoppite.

Mazamure Maxaafaa 75:7

SHin pirddiyaagee Xoossaa; i issuwaa bolli pirddees; issuwaa shatinttees.

Eranchchaa Maxaafaa 4:14

Aissi giikko, i he hiyyeesa gidiyo sohuwaappe denddidi, woikko qasho keettaappe kiyidi, ba biittan kawo gidiyo sohuwaa gakkanau danddayees.

Isiyaasa 22:23

Taani a ammanttiya sohuwan xishedan xishana; i ba aawaa keettaassi bonchcho kawotaa araata gidana.

Daaneela 2:48

Hegaappe guyyiyan, kawoi Daaneela keehi bonchchiis; daronne al77o imotatakka ayyo immiis; Baabiloone biittaa haariyaagaa oottiis. Qassi Baabiloonen de7iya aadhdhida eranchchatu ubbaa bolli halaqa oottidi, a sunttiis.

Daaneela 4:17

Ubbaappe Xoqqiya Xoossai asaa naatu kawotetta ubbaa haariyoogaa, kawotettaa i ba koyiyo uraassi immiyoogaanne harai atto, asa ubbaappe karettidaageetakka i sunttiyoogaa paxa de7iya asai ubbai erana mala, qasho qofaa kiitanchchati awaajjidosona. Pirddaakka geeshshati odidosona” yaagiis.

Daaneela 6:3

Daaneeli oosuwaa oottanau bau de7iya dumma eran hara halaqatuppenne biittaa haariyaageetuppe aadhdhidi beettiis. Hegaa gishshau, kawoi a ba kumetta kawotettaa bolli bolla oottidi sunttanau halchchiis.

Ibraawe 1:3

Na7ai Xoossaa bonchcho poo7uwaa phoolees; qassi muleerakka a meretaa ekkidi, ba wolqqaama qaalan ha sa7aa naagees; yaatidi asaa nagaraappe geeshshidi, Ubbaappe Bolla Xoossaappe ushachcha baggaara saluwan uttiis.

Yaaqooba 2:5

Ta siiqo ishatoo, siyite; Xoossai ha sa7an de7iya hiyyeesa asai ammanuwan duretanaunne bana siiqiyaageetuyyo immana giido saluwaa kawotettaa laattanau dooribeenneeyye?

Ajjuutaa 1:6

Nuuni ba Xoossaayyoonne Aawaayyo oottana mala, i nuna kawotettanne qeeseta oottiis; ayyo merinaappe merinaa gakkanaassi bonchchoinne wolqqai gido. Amin77i.

Ajjuutaa 22:5

Hegaappe sinttau hara qammi de7enna. Etayyo xomppe woi awa poo7o koshshenna; aissi giikko, Godai Xoossai etayyo xomppe gidana. Eti meri merinau kawotana.

Ajjuutaa 3:21

Qassi taani xoonada ta Aawaara a kawotaa araatan uttidoogaadan, xoonida urau tanaara ta kawotaa araatan uttiyo alaafetettaa immana.

Ajjuutaa 5:10

Nu Xoossaayyo oottana mala, eta neeni kawotettanne qeeseta oottadasa. Qassi eti sa7an haarana” yaagidi ooratta mazamuriyaa yexxoosona.

Sameela Maxaafaa Koiruwaa 15:17

Sameeli Saa7oola yaagiis; “Neeni nena xeellin guutta gidikkokka, Israa7eela zaretuyyo kawo gidabeikkii? Israa7eela bolli kawotana mala, GODAI nena tiyiis.