Sameela Maxaafaa Koiruwaa 2:25 - Wolaytta Bible

²⁵ Issi asi asa naaqqikko, Xoossai au gaannatana; shin asi GODAA naaqqikko, oonee ayyo gaannatanai?” yaagiis. GODAI, “Taani eta worana” giido gishshau, eti bantta aawaa seeraa siyennan ixxidosona.

Sameela Maxaafaa Koiruwaa 2:25 Iomraidhean Croise

Doomettaabaa 38:10

I oottidobai GODAA sinttan iitabaa gidido gishshau, GODAI akka woriis.

Doomettaabaa 38:7

Yihudaa baira na7ai, Eeri, GODAA sinttan iita asa gidiyo gishshau, GODAI a woriis.

Kawotu Maxaafaa Koiruwaa 8:31

“Issi asi ba shooruwaa naaqqidi kashi gin, a caaqettanau ha Beeta Maqidasiyaa ehin, a giddon de7iya yarshshiyo sohuwaa sinttan i caaqqikko,

Kawotu Maxaafaa Koiruwaa 8:32

neeni saluwan siya; siyada ootta. Ne ashkkaratu gidduwan pirdda. Mooranchchaa bolli pirddada, i oottidobaa a bolli zaara; xilluwaa shatinttada, ayyo a xillotettaadan zaara.

Hanidabaa Odiya Naa77antto Maxaafaa 10:15

Kawoi asai giyoogaa siyennan ixxiis; aissi giikko, GODAI Seeloppe yiida Akiiya baggaara kase Nabaaxa na7aa Iyorbbaamayyo yootido qaalai polettanaadan hagee Xoossaappe haniis.

Hanidabaa Odiya Naa77antto Maxaafaa 25:16

Hananabaa yootiyaagee haasayishin, kawoi, “Neeni kawuwaara zorettanaadan nuuni nena sunttidooyye? Agga! Neeni aibissi haiqqanau koyai?” yaagiis. Yaagin hananabaa yootiyaagee aggi ekkidi, “Neeni hagaa oottido gishshaunne taani nena zoridoogaa siyabeenna gishshau, Xoossai nena xaissanau qachchidoogaa ha77i taani eraas” yaagiis.

Iyyooba Maxaafaa 9:33

shin ba kushiyaa nu naa77aa bolli wottidi, nuna sigettiya asi nu giddon de7eerenneeshsha!

Mazamure Maxaafaa 51:16

Neeni yarshshuwan ufaittakka. Taani neeyyo xuuggiyo yarshshuwaa yarshshiyaakkokka, neeni ufaittakka.

Mazamure Maxaafaa 51:4

Taani nena, ne xalaalaa naaqqadis; ne aifiyaa sinttan iitabaa oottaas. Hegaa gishshau, haasayaiddakka neeni likke; pirddaiddakka neeni xillo.

Leemiso Maxaafaa 13:1

Eranchcha na7ai ba aawaa seeraa siyees; shin qilliicciyaagee seeraa siyenna.

Leemiso Maxaafaa 15:10

Likke ogiyaa aggida asa iita boshai naagees; seeriyoogaa ixxiya asi haiqqees.

Leemiso Maxaafaa 29:1

Daroton seerin ixxidi, morgge zozzida urai hassayennan meqqana; he urau paxoikka baawa.

Eranchchaa Maxaafaa 3:3

Woranau wodee de7ees; pattanaukka wodee de7ees. Qolanau wodee de7ees; qassi keexxanaukka wodee de7ees.

Qoodaabaa 15:30

“'SHin yeletan Israa7eela asa gidinkka bete asa gidinkka eriiddi otoruwan nagara oottiya uri GODAA cayees. He aawu haiqqidi, ba asaa giddoppe xayo.

Zaarettido Wogaa 1:17

Intte pirddan issi baggaa maaddoppite; gitaagaa siyiyoogaadan, guuttaagaakka hegaadan siyite; asa som77uwaassi yayyoppite; aissi giikko, pirddi Xoossaabaa. Qassi intteyyo daro deexo gidida mootuwaa taakko ehiite; hegaa taani pirddana' yaagaas.

Zaarettido Wogaa 2:30

“SHin Haseboona Kawoi Sihooni nuna kanttissennan diggiis. Aissi giikko, GODAI intte Xoossai hachchi intte be7iyoogaadan, a intte kushiyan aattidi immanau a wozanaa minttidi, a morgge zozza oottiis.

Koiro Ximootiyoosa 2:5

Aissi giikko, issi Xoossai de7ees; Xoossaappenne asaappe gidduwan gididi gaannatiya issoi de7ees. Hegeekka Kiristtoos Yesuusa giyo asa.

Ibraawe 10:26

Nuuni tumatettaa eratettaa ekkirggidi, eriiddi nagara oottiyaabaa gidikko, hagaappe sinttau nagara xaissiya yarshshoi issibinne baawa.

Ibraawe 10:27

SHin yashshiya pirddaa naagiyoogeenne Xoossaa ixxiya ubbaa maanau wolqqaama tamai de7ees.

Ibraawe 7:25

Hegaa gishshau, i eta gishshaa gaannatanau merinau de7iyo gishshau, Xoossaakko ba baggaara yiyaageeta muleera ashshanau danddayees.

Yaasu Maxaafaa 11:20

GODAI Muusa azazidoogaadan, Yaasu eta qareti bainnan issuwaanne ashshennan wurssi woriis. Aissi giikko, eti Israa7eelatuura olettanaadan GODAI ba huuphen eta wozanaa muumissiis.

Sameela Maxaafaa Koiruwaa 3:14

Hegaa gishshau, 'Eela so asaa nagarai yarshshuwaaninne imuwan mulekka atto geetettoppo' yaagada taani a so asaassi caaqqaas” yaagiis.