Sameela Maxaafaa Koiruwaa 18:8 - Wolaytta Bible

⁸ Saa7ooli ha yettai iitin, keehippe hanqqettiis; Saa7ooli ba qofan, “Daawita, 'Tammu sha7aa woriis' giidi, tana, 'Issi sha7aa woriis' giidosona; yaatin, kawotettappe attin ayyo aibee attidai?” yaagiis.

Sameela Maxaafaa Koiruwaa 18:8 Iomraidhean Croise

Doomettaabaa 37:11

A ishantti a qanaatidosona; shin a aawai ha yohuwaa ba wozanan wottiis.

Doomettaabaa 37:8

Yaagin a ishantti a, “Neeni nu bollan kawotana hanaiyye? Woikko nuna tumu haarana hanaiyye?” yaagidosona. Eti a aimuwaa gishshaunne a oduwaa gishshau, yaa darissidi ixxidosona.

Kawotu Maxaafaa Koiruwaa 2:22

Yaagin Kawoi Solomoni zaaridi ba aayyiyo, “SHuneema katamaappe yiida Abishaago neeni Adooniyaayyo aissi oichchai? I ta bairaa gidennee? Neeni ayyo kawotettaakka oichchanaagaa shin aggadasa! Ee, neeni ayyo, qeesiyaa Abiyaataarayyoonne Xaruuyi na7aa Yoo7aabayyo kawotettaakka oichchanaagaa aggadasa!” yaagiis.

Asttiri Maxaafaa 3:5

Marddikiyoosi baayyo gulbbatennaagaanne bana bonchchennaagaa Hamaani erido wode, hanqquwaa tamaadan eexxi kiyiis.

Leemiso Maxaafaa 13:10

Otoroi ooshshaa yelees; shin zoriyaa ekkiyaageeti aadhdhida eranchcha.

Leemiso Maxaafaa 27:4

Hanqqossi qareti baawa; yiilloikka bashshiya di7o mala; shin qanaatiyan ubba gattoppo.

Eranchchaa Maxaafaa 4:4

Asai ba amottidobaa demmanau keehi daafuridi oottees; shin he daafurai ba laggiyaa bollan qanaatiyo qofaappe denddidaagaana gidiyoogaa taani akeekaas. Hegeekka qassi hada; carkkuwaa oiqqanau yedettiyoogaa mala.

Qoodaabaa 11:1

Asai ba metuwaayyo GODAA bolli zuuzummiis; eti zuuzummishin GODAI siyidi, hanqquwaa eexxi kiyiis. Yaatin GODAA tamai eta gidduwan eexxidi, eti dunkkaanidosaayyo issi issi gaxaa baggaa miis.

Qoodaabaa 22:34

Yaagin Balaami GODAA kiitanchchaa zaaridi, “Taani nagaraa oottaas. Neeni tana teqqanau ogiyaa bollan eqqidoogaa taani erabeikke. Neeni dosabeennabaa gidikko, taani ha77i guyye simmana” yaagiis.

Yaaqooba 4:5

Woi Xoossaa maxaafai, “Xoossai nunan wottido Ayyaanai wolqqaama amuwaa amottees” giyoogaa intteyyo coo giyoobaa milatii?

Sameela Maxaafaa Koiruwaa 13:14

Simmi ha77i ne kawotettai gam77enna; neeni GODAA azazuwaa naagabeenna gishshau, GODAI ba wozanaadan oottiya asa koyiis; koyidi a ba asaa haaranaadan sunttiis” yaagiis.

Sameela Maxaafaa Koiruwaa 15:28

Sameeli Saa7oola, “GODAI hachchi Israa7eela kawotettaa neeppe pooshshiis; pooshshidi neeppe lo77iya ne shooruwaayyo immiis.

Sameela Maxaafaa Koiruwaa 16:13

Yaagin Sameeli kaciyaa zaitiyaa ekkidi, a ishatu sinttan Daawita tiyiis. He gallassappe doommidi, GODAA Ayyaanai Daawita bollan wolqqappe wodhdhiis. Hegaappe guyyiyan, Sameeli denddidi, Raama katamaa biis.

Sameela Maxaafaa Koiruwaa 18:9

He gallassaappe doommidi, Saa7ooli Daawita qanaate aifiyan xeelliis.

Sameela Maxaafaa Koiruwaa 19:1

Saa7ooli ba na7aa Yonaataanayyoonne ba ashkkaratu ubbaayyo, “Daawita worite” yaagidi yootiis; shin Saa7oola na7ai Yonaataani Daawita keehippe siiqiis.

Sameela Maxaafaa Koiruwaa 20:31

Isseya na7ai ha sa7aa bollan de7ido peeshan ubban neeni woikko ne kawotettai eqqenna. Ha77i kiittada taayyo a ehiissa; aissi giikko, i haiqqanau bessees” yaagiis.