Sameela Maxaafaa Koiruwaa 17:54 - Wolaytta Bible

⁵⁴ Daawiti Pilisxxeemiyaa qooriyaa Yerusalaame ehiis; shin Pilisxxeemiyaa ola miishshaa ba dunkkaaniyaa giddon wottiis.

Sameela Maxaafaa Koiruwaa 17:54 Iomraidhean Croise

Kessaabaa 16:33

Yaagin Muusee Aaroona, “Issi xaaro ekkada naa77u litiro kumetta mannaa an qola; yaatada yaana yeletaassi minjjettana mala, GODAA sinttan wotta” yaagiis.

Sameela Maxaafaa Koiruwaa 17:53

Israa7eela asai Pilisxxeema asata yedetti simmidi, eti galchchidosaa bonqqidosona.

Sameela Maxaafaa Koiruwaa 17:55

Daawiti Pilisxxeemiyaakko biishin, Saa7ooli be7ido wode, olanchchatu halaqaa Abaneera, “Abaneeraa, ha wodallai o na7ee?” yaagidi oichchiis. Oichchin Abaneeri Saa7oola, “Kawuwau, ne shemppoi ero taani a erikke” yaagidi zaariis.

Sameela Maxaafaa Koiruwaa 17:57

Daawiti Pilisxxeemiyaa woridi simmidoogaappe guyyiyan, muucido Pilisxxeemiyaa huuphiyaa oiqqidosaara, Abaneeri a Saa7oola sintti ekki efiis.

Sameela Maxaafaa Koiruwaa 21:9

Oichchin Abimeleki, “Neeni Eela Zanggaaran worido Pilisxxeemiyaa Gooliyaada bisoi hagan de7ees; curqqan i xaaxettidi, eefuudiyaa giyo maayuwaappe guyye baggaara de7ees. Neeni koyiyaabaa gidikko a ekka; appe attin, hara bisoi hagan baawa” yaagidi zaariis. Yaagin Daawiti, “Hegaa mala hara bisoi baawa; a taayyo hamma” yaagiis.