Sameela Maxaafaa Koiruwaa 17:33 - Wolaytta Bible

³³ Yaagin Saa7ooli Daawita, “Ha Pilisxxeemiyaara neeni olettanau danddayakka; aissi giikko, neeni na7a; shin naatettaappe doommidi, i olettiiddi diccida asa” yaagiis.

Sameela Maxaafaa Koiruwaa 17:33 Iomraidhean Croise

Mazamure Maxaafaa 11:1

Taani GODAA giddon baqata qosetta attais. Yaatin, intte tana aissi, “Kafodan ne deriyaa baqata” yaageetii?

Qoodaabaa 13:31

SHin Kaaleebaara pude biida asati, “He biittaa asai nuuppe minniyo gishshau, nuuni eta xoonanau danddayokko” yaagidosona.

Zaarettido Wogaa 9:2

He biittan de7iya asai minonne adussa; eti, 'Ooninne etaara eqettanau danddayenna Anaaqe zareta' giishin, intte siyideta.

Ajjuutaa 13:4

Miimminttee ba maataa do7aayyo immido gishshau, asai ubbai miimminttiyaayyo goinniis. Qassi he asai, “Do7aa malai oonee? Aara olettanau ooni danddayii?” yaagiiddi, do7aayyo goinniis.

Sameela Maxaafaa Koiruwaa 17:34

SHin Daawiti Saa7oola, “Taani ne ashkkarai ta aawaa dorssata heemmais; gaammoi woikko beere giyo do7ai yiidi wudiyaappe dorssaa oiqqiyo wode,

Sameela Maxaafaa Koiruwaa 17:42

I Daawita tishshi ootti xeellidi, Daawiti na7a gididoogaanne meraa lo77onne arssa gididoogaa be7idi kariis.

Sameela Maxaafaa Koiruwaa 17:56

Kawoi zaaridi, “Yaanikko ha wodallai o na7akkonne ane oichchada gakka” yaagiis.