Sameela Maxaafaa Koiruwaa 16:19 - Wolaytta Bible

¹⁹ Yaatin, Saa7ooli Isseyakko kiittidi, “Ne dorssaa heemmiya ne na7aa Daawita taayyo yedda” yaagiis.

Sameela Maxaafaa Koiruwaa 16:19 Iomraidhean Croise

Kawotu Maxaafaa Koiruwaa 19:19

Eelaasi he sohuwaappe denddidi biidi, SHafaaxa na7ai Elssaa7i tammanne naa77u waaxa booran gadiyaa goyiyaagaa demmiis; tammanne naa77antta waaxaa Elssaa7i ba huuphen oiqqidi goyees. Goyishin Eelaasi a achchaara aadhdhiiddi, ba kaabbaa a maizziis.

Mazamure Maxaafaa 113:8

Denttidi ba asaa halaqatuura utissees.

Amoxa 1:1

Ooziyaani Yihudaa biittan kawo, qassi Yo7aasha na7ai Iyorbbaami Israa7eela biittan kawo gididi de7ido laittan Taqo7a biittan dorssaa heemmiyaageetuppe issoi Amoxi, biittai qaaxxanaappe naa77u laittappe kase Israa7eelabaa be7ido ajjuutai hagaa.

Sameela Maxaafaa Koiruwaa 16:11

Hegaa gishshau, i Isseya, “Neeyyo de7iya naati hageetu xalaaleeyye?” yaagidi oichchiis. Oichchin Isseyi, “Ubbaappe kaalo na7ai attiis; shin i dorssata heemmees” yaagiis. Yaagin Sameeli, “Kiittada a ehiissa; i yaana gakkanaashin nuuni yarshshokko” yaagiis.

Sameela Maxaafaa Koiruwaa 16:18

Ashkkaratuppe issoi Saa7oola, “Be7a; Beetaliheemiyaa Isseyayyo diittaa loittidi diixxiya issi na7ai de7ees. He na7ai xalanne tooranchcha asa; haasayassi cinccanne puulanchcha asa; qassi GODAI aara issippe de7ees” yaagiis.

Sameela Maxaafaa Koiruwaa 16:20

Yaagin Isseyi oittaa, ogoro woine eessaanne galo dorssa mara issuwaa hariyan caanidi, ba na7aa Daawitaara Saa7oolayyo yeddiis.

Sameela Maxaafaa Koiruwaa 17:15

shin Daawiti ba aawaa dorssata heemmanau Saa7oola mataappe Beetaliheeme simerettees.