Sameela Maxaafaa Koiruwaa 16:12 - Wolaytta Bible

¹² Yaagin Isseyi kiittidi, na7aa ehiissiis; he na7ai arssa; aifiyaara lo77iya puulanchcha. GODAI Sameela, “Dendda eqqada tiya; hagee a” yaagiis.

Sameela Maxaafaa Koiruwaa 16:12 Iomraidhean Croise

Doomettaabaa 39:6

Hegaa gishshau baayyo de7iya ubbabaa Yooseefau sheedhdhiis; i ba miyo qumaappe attin, ainne qoppenna. Yooseefi yallisanne puulanchcha asa.

Sameela Maxaafaa Naa77anttuwaa 23:1

Hageeti Daawiti wurssettan haasayido qaalata. Isseya na7ai Daawiti haasayees; Xoossai xoqqu xoqqu oottidoogee, Yaaqooba Xoossai tiyidi kawoyidoogee, Israa7eelan lo77o mazamuriyaa kessidaagee hagaadan yaagees;

Sameela Maxaafaa Naa77anttuwaa 7:8

“Hegaa gishshau, ha77ikka ta ashkkaraa Daawitassi oda; 'Ubbaappe Wolqqaama GODAI nena hagaadan yaagees; “Taani nena hentta gadeppe, dorssaa heemmiyoosaappe denttada, ta asaa Israa7eela kaalettanaadan ekkaas.

Kawotu Maxaafaa Koiruwaa 1:34

Efin qeesiyaa Xaadooqinne hananabaa yootiya Naataani a tiyidi Israa7eela asaa bollan kawoyona. Hegaappe guyyiyan malkkataa punnidi, intte qaalaa xoqqu oottidi, 'Kawoi Solomoni merinau de7o!' yaagite.

Mazamure Maxaafaa 2:2

Sa7aa kawotinne deriyaa haariyaageeti denddidosona; eti GODAA bollinne GODAI tiyidoogaa bolli issippe shiiqidosona.

Mazamure Maxaafaa 2:6

Godai, “Taani ta geeshsha deriyaa Xiyoone bolli ta kawuwaa kawoyaas” yaagees.

Mazamure Maxaafaa 78:70

Ba ashkkaraa Daawita dooridi, dorssaa wudiyaa heemmiyoosaappe ekkiis.

Kessaabaa 2:2

ekkin a abbe ixettada attuma na7aa yelaasu. Na7ai meraa lo77o na7a gidiyoogaa a be7ada, heezzu agina qosaasu.

Siiquwaa Sabaa 5:10

“Ta siiqoi daro lo77iyaagaanne mino; tammu sha7u attumaasaa giddon a mali baawa.

Ermmaasa Zilaassaa 4:7

A halaqati kase shachchaappe aadhdhida geeshshanne maattaappe aadhdhida bootta. Eta bollai zo7o inqquwaappe aadhdhida arssa; eta meraikka sampperiyaa giyo al77o inqquwaa mala.

Zakkaariyaasa 4:14

Yaagin i zaaridi, “Hageeti sa7a ubbaa Godaassi oottiya, naa77u tiyettida asata” yaagiis.

Yesuusi Kiittidoogeetu Oosuwaa 4:27

“Aissi giikko, Heeroodisinne PHenxxeniyaa PHilaaxoosi Aihuda gidenna asaaranne Israa7eela asaara, neeni tiyido Kiristtoosa ne geeshsha Na7aa Yesuusa bolli denddanau, ha kataman shiiqidoogee tuma.

Yesuusi Kiittidoogeetu Oosuwaa 7:20

“Muusee yelettidoi he wode; Xoossaa sinttan i daro lo77o na7a gidiis; ba aawaa keettan heezzu agina gakkanaas dicciis.

Ibraawe 11:23

Muusee yelettidoogaappe guyyiyan, aayyiyaanne aawai malaa lo77o na7a gididoogaa be7idi, heezzu agina qottidoogee ammanuwaana; eti kawuwaa awaajuwaukka yayyibookkona.

Sameela Maxaafaa Koiruwaa 16:18

Ashkkaratuppe issoi Saa7oola, “Be7a; Beetaliheemiyaa Isseyayyo diittaa loittidi diixxiya issi na7ai de7ees. He na7ai xalanne tooranchcha asa; haasayassi cinccanne puulanchcha asa; qassi GODAI aara issippe de7ees” yaagiis.

Sameela Maxaafaa Koiruwaa 17:42

I Daawita tishshi ootti xeellidi, Daawiti na7a gididoogaanne meraa lo77onne arssa gididoogaa be7idi kariis.

Sameela Maxaafaa Koiruwaa 17:55

Daawiti Pilisxxeemiyaakko biishin, Saa7ooli be7ido wode, olanchchatu halaqaa Abaneera, “Abaneeraa, ha wodallai o na7ee?” yaagidi oichchiis. Oichchin Abaneeri Saa7oola, “Kawuwau, ne shemppoi ero taani a erikke” yaagidi zaariis.

Sameela Maxaafaa Koiruwaa 9:17

Sameeli Saa7oola be7ido wode, GODAI Sameela, “Be7a! Taani neeyyo yootido bitanee hagaa; i ta asaa haarana” yaagiis.