Sameela Maxaafaa Koiruwaa 15:17 - Wolaytta Bible

¹⁷ Sameeli Saa7oola yaagiis; “Neeni nena xeellin guutta gidikkokka, Israa7eela zaretuyyo kawo gidabeikkii? Israa7eela bolli kawotana mala, GODAI nena tiyiis.

Sameela Maxaafaa Koiruwaa 15:17 Iomraidhean Croise

Hoose7a 13:1

Efireema asai haasayido wode, siyida asai yashshau kokkoriis; Israa7eela biittan eti bonchchettida asa. SHin Ba7aala giyo eeqaayyo goinnidosona; he mooruwaa gaasuwan haiqqidosona.

Maatiyoosa 18:4

Simmi ha guutta na7aadan, bana kaushshiya ooninne saluwaa kawotettan ubbaappe aadhdhiyaagaa.

Daannatu Maxaafaa 6:15

Yaagin Geedooni, “Abeet Godau, taani Israa7eela asaa waatada ashshoo? Ta yarai Minaase zaretu ubbaappe aadhdhida laafa; taanikka ta aawaa so asaa ubbaappe guutta” yaagidi zaariis.

Sameela Maxaafaa Koiruwaa 10:1

He wode Sameeli tigiyoobaara zaitiyaa ekkidi, Saa7oola huuphiyan tigiis; tigidi Saa7oola yeridi, hagaadan yaagiis; “Ba asaa Israa7eela haarana mala GODAI nena tiyiis gidennee? Neeni a asaa kaalettada, eta yuushuwan de7iya morkketu kushiyaappe eta ashshana. A asaa neeni haarana mala, GODAI nena tiyidoogau malaatai hagaa.

Sameela Maxaafaa Koiruwaa 10:22

Hegaa gishshau eti GODAA, “Biron ha sohuwaa yaana asi de7ii?” yaagidi oichchidosona. Oichchin GODAI, “Ee! Saa7ooli miishshatu giddon qosetti uttiis” yaagiis.

Sameela Maxaafaa Koiruwaa 15:16

Sameeli Saa7oola, “Ane nangga; GODAI zino qammi taayyo yootidobaa taani neeyyo odais” yaagiis. Yaagin Saa7ooli, “Oda” yaagiis.

Sameela Maxaafaa Koiruwaa 9:21

Saa7ooli zaaridi, “SHin taani Israa7eela zare ubbaappe laafiya Biniyaama zare gidikkinaa? Ta so asaikka Biniyaama zariyaa giddon guuxxiyaagaa gidennee? Neeni aissi taayyo hagaa malabaa haasayai?” yaagiis.