Sameela Maxaafaa Koiruwaa 10:16 - Wolaytta Bible

¹⁶ Yaagin Saa7ooli ba aawaa ishaayyo, “Hareti beettidoogaa Sameeli nuuyyo geeshshidi yootiis” yaagiis; shin Sameeli, “Kawo gidaasa” giidi ayyo odidoogaa yootibeenna.

Sameela Maxaafaa Koiruwaa 10:16 Iomraidhean Croise

Kessaabaa 4:18

Hegaappe guyyiyan Muusee ba bolluwaa Yatirokko simmi biidi, “Hanno gakkanaassi paxa de7iya asi de7ikko be7anau, taani guyye ta asaakko Gibxxe boo?” yaagiis. Yaagin Yatiroi Muusa, “Ee ba; saro gakka” yaagiis.

Leemiso Maxaafaa 12:23

Cincca asi ba eraa qottees; shin eeyyati bantta eeyyatettaa yootoosona.

Leemiso Maxaafaa 29:11

Eeyya asi ba hanqquwaa yeddi bessees; shin aadhdhida era asi ba hanqquwaa mittees.

Eranchchaa Maxaafaa 3:7

Peeranau wodee de7ees; sikkanaukka wodee de7ees. Co77u gaanau wodee de7ees; qassi haasayanaukka wodee de7ees.

Daannatu Maxaafaa 14:6

Kiyin GODAA Ayyaanai Samssoona bollan wolqqappe wodhdhiis; wodhdhin deeshsha maraa duuterettiyoogaadan, ba kushiyan aibanne oikkennan gaammuwaa duuteretti yeggiis. He ba oottidoogaa ba aawaassinne ba aayeessi odibeenna.

Daannatu Maxaafaa 14:9

Be7idi eessaappe amaridaagaa kaashi ekkidi, ogiyan miiddi biis. Ba aawaakkonne ba aayeekko gakkidi, ba oikkido eessaappe amaridaagaa immin, etikka miidosona; shin Samssooni he eessaa gaammuwaa gauxaa giddoppe ekkidoogaa etau odibeenna.

Sameela Maxaafaa Koiruwaa 10:15

Saa7oola aawaa ishai, “Hayyanaa Sameeli neeyyo giidobaa taayyo yootarkkii” yaagiis.

Sameela Maxaafaa Koiruwaa 9:20

Heezzu gallassaappe kase bayida ne haretubaa gidikko, eti beettido gishshau, hirggoppa. Israa7eela asai ubbai amottiyoi oonee? Nenanne ne aawaa so asaa gidennee?” yaagiis.

Sameela Maxaafaa Koiruwaa 9:27

Eti katamaa gaxaa wodhdhishin, Sameeli Saa7oola, “Ashkkarai nuuppe sinttau aadhdhana mala yoota” yaagiis; yaagin ashkkarai sinttau aadhdhiis. Aadhdhin Sameeli Saa7oola, “Taani neeyyo Xoossai giidobaa odana mala, hagan guuttaa takkashsha” yaagiis.