Sameela Maxaafaa Koiruwaa 1:23 - Wolaytta Bible

²³ I keettaawai Elqqaani, “Nena lo77abaa ootta; a neeni xanttaa duuttana gakkanaassi son takkashsha; yaaninkka GODAI ba qaalaa polo bain” yaagiis. Yaagin Haanna xanttaa duuttana gakkanaassi ba na7aa xanttaidda son takkaasu.

Sameela Maxaafaa Koiruwaa 1:23 Iomraidhean Croise

Sameela Maxaafaa Naa77anttuwaa 7:25

“GODAU Xoossau, simmi ha77i neeni ne ashkkaraayyoonne a zerettaayyo oottana giidoogaa merinau naaga; neeni oottana giidoogaadankka ootta.

Kawotu Maxaafaa Koiruwaa 3:21

Wonttin guuran taani ta na7aa xanttanau denddido wode, haiqqiichchiis! SHin taani maallado poo7uwan tishshi oottada xeelliyo wode, hekko taani yelido na7aa gidenna” yaagaasu.

Mazamure Maxaafaa 22:9

Gidikkonne, tana ta aayee uluwaappe suure yeletissidaagee nena; ta aayee xanttaa xammiyo wodekka taani nenan ammanettanaadan oottadasa.

Isiyaasa 44:26

Taani ta ashkkaraa qaalaa minttais; ta kiittidoogeeti hanana giidobaakka polais. Taani Yerusalaame katamaa, 'Neeni asi de7iyo soho gidana' yaagais; Yihudaa katamatakka, 'Intte simmidi keexettana; intte gimbbiyaakka ooraxissana' yaagais.

Qoodaabaa 30:12

SHin i azinai hegaa siyidi phalqqikko, i gefai woikko a agganau caaqqido caaqoi aibinne polettoppo. I azinai diggido gishshau, GODAI iyyo atto gaana.

Maatiyoosa 24:19

He wode shahaara maccaasatuyyoonne xanttiya maccaasatuyyo aayye7ana.

Luqaasa 11:27

Yesuusi hagaa gin, asaa giddoppe issi maccaasiyaa qaalaa xoqqu oottada, “Nena tookkida uloinne neeni xammido xanttai anjjettidaageeta” yaagaasu.

Sameela Maxaafaa Koiruwaa 1:17

Yaagin Eeli iyyo zaaridi, “Sarotettan ba; neeni a woossidobaa Israa7eela Xoossai neeyyo immo” yaagiis.

Sameela Maxaafaa Koiruwaa 14:36

Saa7ooli, “Ha qammaara duge Pilisxxeemata kaallidi ane boos; biidi sa7ai wonttana gakkanaashin, etabaa ubbaa bonqqoos; etakka issuwaanne ashshennan woroos” yaagiis. Yaagin eti, “Eeno, nena lo77idabaa ubbaa ootta” yaagidi zaaridosona. SHin qeesee, “Ane hagan Xoossaa oichchoos” yaagiis.

Sameela Maxaafaa Koiruwaa 14:40

Hegaappe guyyiyan, Saa7ooli Israa7eela asaa ubbaa, “Intte ubbaikka ya baggan eqqite; taaninne ta na7aa Yonaataani ha baggan eqqana” yaagiis. Yaagin asati, “Eeno, nena lo77abaa ootta” yaagidosona.