Sameela Maxaafaa Koiruwaa 1:19 - Wolaytta Bible

¹⁹ Wonttetta gallassi guuraara denddidi, Elqqaaninne a so asai GODAAYYO goinnidoogaappe guyyiyan, bantta soo, Raama katamaa simmidosona. Elqqaani ba maccaasee Haanniira aqiis; GODAI o qoppiis;

Sameela Maxaafaa Koiruwaa 1:19 Iomraidhean Croise

Doomettaabaa 21:1

Xoossai ba yootidoogaadan Saarikko yiis; yiidi Xoossai Saariyyo ba giidoogaadan oottiis.

Doomettaabaa 30:22

Xoossai Raaheelo hassayiis; i woosaa siyidi i yeliyo uluwaa dooyiis.

Doomettaabaa 4:1

Addaamee ba keettaayee Hewaaniira aqiis; a abbe ixettada attuma na7a yelaasu; “GODAI tana maaddin, attuma na7a demmaas” gaada a Qaayeela sunttaasu.

Doomettaabaa 8:1

SHin Xoossai Noha, aara markkabiyaa giddon de7iya do7a ubbaanne mehe ubbaa qoppiis; qoppidi sa7aa bollan carkkuwaa carkkissiis; carkkissin he haattai wodhdhi wodhdhi biis.

Kawotu Maxaafaa Naa77anttuwaa 4:17

SHin maccaasiyaa shahaaraasu; Elssaa7i iyyo yootidoogaadan laitti he wode attuma na7aa yelaasu.

Mazamure Maxaafaa 119:147

Xalqqee dolenna guuran denddada, “Tana maadda” gaada neeyyo waassais. Neeni taayyo giido qaalan ufaissaa oottais.

Mazamure Maxaafaa 136:23

I nuuni kauyyido wodekka nuna qoppiis; aggenna a siiqoi merinaagaa.

Mazamure Maxaafaa 25:7

Ta yelagatettaa nagaraanne mooruwaa hassayoppa. Abeet GODAU, neeni keha gidiyo gishshau, aggenna ne siiquwaadan tana hassaya.

Mazamure Maxaafaa 5:3

Abeet GODAU, maallado maallado guuran neeni ta qaalaa siyaasa. Maallado maallado guuran taani ta woosaa ne sintti shiishshada, neeni taayyo immiyo zaaruwaa ekkana gaada naagais.

Mazamure Maxaafaa 55:17

Maallado, gallassinne omarssi taani waassananne ta metuwaa ayyo yootana; yootin i tabaa siyana.

Marqqoosa 1:35

Yesuusi maallado wonttimaattan denddidi, sooppe kiyidi, asi bainnasaa biis; biidi yaani Xoossaa woossiis.

Luqaasa 23:42

I Yesuusa, “Yesuusaa, neeni ne kawotettaa wolqqan yiyo wode, tana dogoppa” yaagiis.

Yaasu Maxaafaa 18:25

Qassi Gabaa7oona, Raama, Ba7eroota,

Sameela Maxaafaa Koiruwaa 1:1

Efireema gezziyan, Raama giyo kataman de7iya, Efireema zarenne Xufa yara gidiya, Elqqaana giyo issi bitanee de7ees; i Yirohaama na7aa; Yirohaami Eelihu na7aa; Eelihu Toohu na7aa; Toohu Xufa na7aa.

Sameela Maxaafaa Koiruwaa 1:11

A hagaadan yaagada shiiquwaa shiiqettaasu; “Ubbaappe Wolqqaama GODAU, tana ne ashkkariyo xeella! Ta mishuwaa be7ada, tana hassaya; tana ne ashkkariyo dogoppa. Neeni taayyo ne ashkkareeyyo attuma na7a immikko, a de7o laitta ubban taani a neeyyo immana; a huuphee mulekka meedettenna” yaagaasu.

Sameela Maxaafaa Koiruwaa 15:34

Hegaappe guyyiyan, Sameeli denddidi, Raama katamaa biis; Saa7oolikka ba soo Gib77aa biis.

Sameela Maxaafaa Koiruwaa 16:13

Yaagin Sameeli kaciyaa zaitiyaa ekkidi, a ishatu sinttan Daawita tiyiis. He gallassappe doommidi, GODAA Ayyaanai Daawita bollan wolqqappe wodhdhiis. Hegaappe guyyiyan, Sameeli denddidi, Raama katamaa biis.

Sameela Maxaafaa Koiruwaa 19:18

Daawiti baqati attidi, Raaman de7iya Sameelakko biis; biidi Saa7ooli bana oottido ubbabaa Sameelayyo yootiis. Inne Sameeli Raaman de7iya Naayoota giyoosan biidi uttidosona.

Sameela Maxaafaa Koiruwaa 2:11

Hegaappe guyyiyan, Elqqaani Raaman de7iya ba soo biis; shin na7ai Sameeli qeesiyaa Eelappe garssaara GODAAYYO oottees.

Sameela Maxaafaa Koiruwaa 25:1

Sameeli haiqqiis; haiqqin Israa7eela asati ubbai shiiqidi, ayyo yeekkidosona; Raama kataman de7iya a son moogidosona. Hegaappe guyyiyan, Daawiti Paaraana bazzuwaa biis.

Sameela Maxaafaa Koiruwaa 7:17

A keettai Raaman de7iyo gishshau, yaa simmees; simmidi he sohuwankka Israa7eela bollan daannatees. I he sohuwan GODAAYYO yarshshiyoosaa keexxiis.

Sameela Maxaafaa Koiruwaa 8:4

Hegaa gishshau, Israa7eela cimati ubbai issippe shiiqidi, Sameelakko Raama katamaa yiidi,

Sameela Maxaafaa Koiruwaa 9:26

Eti guuraara denddidosona; sa7ai wonttin, Sameeli Saa7oola he keettaa bollaappe xeesidi, “Giiga; taani nena moissana” yaagiis. Saa7ooli giigin, inne Sameelinne naa77ai issippe ogiyaa kiyidosona.