Hanidabaa Odiya Koiro Maxaafaa 5:20 - Wolaytta Bible

²⁰ Eti he asatuura olettiiddi, Xoossaakko waassido gishshau, maaduwaa demmidosona. Eti Xoossan ammanettido gishshau, i etau woosettiis. Hegaa gishshau, Aggaari yaratinne etaara de7iya harati eta kushiyan gelidosona.

Hanidabaa Odiya Koiro Maxaafaa 5:20 Iomraidhean Croise

Doomettaabaa 25:21

Yisaaqi ba keettaayyiyaa maine gidido gishshau, iyyo GODAA woossiis; woossin GODAI a woosaa siyiis. Yaatin a keettaayyiyaa Ribiqa shahaaraasu.

Doomettaabaa 49:19

“Gaadi bonqqiyaageetun deshettana; shin ikka eta paanaa kaallidi eta bonqqana.

Kawotu Maxaafaa Koiruwaa 22:32

Paraa gaariyaa azaziyaageeti Yoosaafixa be7ido wode, “Tuma hagee Israa7eela kawuwaa” yaagidosona. Yaagidi aara olettanau simmidosona; simmin Yoosaafixi waassiis.

Hanidabaa Odiya Koiro Maxaafaa 5:21

Bantta morkketuppe ishatamu sha7u gaameelata, naa77u xeetanne ishatamu sha7u dorssata, naa77u sha7u haretanne xeetu sha7u asata omooddidi efiidosona.

Hanidabaa Odiya Koiro Maxaafaa 5:22

Olai Xoossaagaa gidido gishshau, daroti haiqqidosona. Xoonidaageeti omooduwaa wodee gakkanaashinkka he asatu sohuwan uttidosona.

Hanidabaa Odiya Naa77antto Maxaafaa 13:18

Israa7eela asai he wode xoonettiis; Yihudaa asai GODAN, bantta aawatu Xoossan ammanettido gishshau, eta xoonidosona.

Hanidabaa Odiya Naa77antto Maxaafaa 18:31

Paraa gaareta azaziyaageeti Yoosaafixa be7ido wode, “Hagee Israa7eela kawuwaa” yaagidosona. Yaagidi aara olettanau simmidosona. Simmin Yoosaafixi waassiis; waassin GODAI Xoossai a maaddidi, eta guyye zaariis.

Hanidabaa Odiya Naa77antto Maxaafaa 20:12

Abeet nu Xoossau, neeni eta bolli pirddikkii? Aissi giikko, nuna olanau yiida ha daro olanchchatuura olettanau nuuyyo wolqqi baawa. Nuuni oottanabaakka erokko; shin nu aifeti nena xeelloosona” yaagiis.

Hanidabaa Odiya Naa77antto Maxaafaa 26:7

Ooziyaani Pilisxxeemata, Gurbba7aalan de7iya Arabatanne Ma7uunata xoonanaadan Xoossai a maaddiis.

Hanidabaa Odiya Naa77antto Maxaafaa 33:13

Minaasee Xoossaa woossido wode, Xoossai ayyo woosettiis; a watwatuwaakka siyiis. Siyidi Yerusalaamen a kawotettan zaaretti wottiis. GODAI Xoossaa gididoogaa Minaasee hegan eriis.

Izira Maxaafaa 8:23

Hegaa gishshau, nuuni xoomidi, Xoossaa woossida; woossin, i nu woosaa siyiis.

Mazamure Maxaafaa 37:39

Xillotu atotettai GODAAPPE yees; metuwaa wode i etayyo naagetti attiyo soho.

Mazamure Maxaafaa 37:40

GODAI xillota maaddeesinne ashshees. Eti akko baqatido gishshau, i eta iitatuppe wotti ekkeesinne ashshees.

Mazamure Maxaafaa 46:1

Xoossai nuuni naagetti attiyo sohonne nuuyyo wolqqa. Nuna metoi gakkiyo wode, maaddanau i ubbaton matan de7ees.

Mazamure Maxaafaa 9:10

Ne sunttaa eriyaageeti nenan ammanettoosona; aissi giikko, GODAU, neeni nena koyiyaageeta yegga bayakka.

Kessaabaa 17:11

Muusee ba kushiyaa dentti gam77ido keenan ubban Israa7eelati xoonoosona; shin i ba kushiyaa ziqqissido wode Amaaleeqati xoonoosona.

Leemiso Maxaafaa 29:25

Asassi yayyiyoobi he aawussi pire gidees; shin GODAN ammanettiya asi saro de7ees.

Ermmaasa 39:18

Taani nena ashshana; neeni olan haiqqakka; neeni tanan ammanettido gishshau, haiquwaappe attana. Taani GODAI hagaa odais” yaagees' yaaga” yaagiis.

Daaneela 6:23

Yaagin kawoi keehippe ufaittiis; ufaittidi Daaneela ollaappe kessanaadan azaziis. Daaneeli ollaappe kiyiis; ba Xoossan i ammanettido gishshau, a bollan aiba deshettikka beettibeenna.

Naahooma 1:7

GODAI keha; metuwaa gallassikka baqati attiyo soho; i banan ammanettiyaageeta erees.

Efisoona 1:12

Nuuni kasetidi, Kiristtoosa baggaara ekkana giidi ufaissan naagiyaageeti, Xoossaa bonchchuwaa galatoos.

Yaasu Maxaafaa 10:14

GODAI asi yootidobaa siyido he gallassaa mala gallassi hegaappe kase gidinkka, hegaappe haa simminkka mulekka de7ibeenna. Tumukka GODAI Israa7eela asaassi olettiis.

Yaasu Maxaafaa 10:42

GODAI, Israa7eela Xoossai Israa7eela asaassi olettido gaasuwan, Yaasu he kawota ubbaa eta biittaarakka issi dentta olan xooniis.

Yaasu Maxaafaa 23:10

GODAI intte Xoossai intteyyo giidoogaadan, i ba huuphen intteyyo olettiyo gishshau, intteppe issi asi sha7u asaa yedettees.

Sameela Maxaafaa Koiruwaa 19:15

Hegaappe guyyiyan, Daawita be7ana mala, Saa7ooli he asata guyye kiittidi, hagaadan yaagiis; “Taani Daawita woranaadan a arssaara tookkidi ekki ehiite” yaagiis.

Sameela Maxaafaa Koiruwaa 7:12

Hegaappe guyyiyan, Sameeli issi shuchchaa ekkidi, Mixiphphappenne SHenappe gidduwan essiis; essidi, “GODAI ha77i gakkanaassi nuna maaddiis” yaagiiddi he sohuwaa Eben77eezera sunttiis.