Hanidabaa Odiya Koiro Maxaafaa 4:9 - Wolaytta Bible

⁹ Yaabeexi ba ishanttu ubbaappe aadhdhi bonchchettees. A aayyiyaa, “Taani a iita maaretan yelido gishshau, a sunttai Yaabeexa” gaada sunttaasu.

Hanidabaa Odiya Koiro Maxaafaa 4:9 Iomraidhean Croise

Doomettaabaa 3:16

Maccaasiyookka GODAI Xoossai, “Ne abbe ixetaa aginan neeni daro tuggatana; qassi neeni wolqqaama leessuwan naata yelana. Gidikkonne neeni ne azinaara de7anau amottana; i nena haarana” yaagiis.

Doomettaabaa 34:19

He wodallai, ba aawaa keettan de7iya ubbaappe aadhdhi bonchchettidaagee, Yaaqooba na7en ufaittido gishshau, eti giidobaa oottanau takkibeenna.

Doomettaabaa 35:18

SHin a haiqqaidda, shemppoi kiyishin, ba na7aa Ben77ona sunttaasu; shin a aawai a Biniyaama sunttiis.

Hanidabaa Odiya Koiro Maxaafaa 4:10

Yaabeexi Israa7eela Xoossaa xeesidi, “Abeet Xoossau, hai tana neeni anjja; ta gadiyaakka aassa. Tanaara issippe gida; tana sakkennaadan tana qohiyaabaappe neeni naaga” yaagidi woossiis. Woossin Xoossai a woosaa siyiis.

Hanidabaa Odiya Koiro Maxaafaa 4:8

Qooxi Anuuba, Xobeebanne Haruuma na7aa Ahariheela yarata yeliis.

Hanidabaa Odiya Koiro Maxaafaa 7:23

Hegaappe guyyiyan, i ba keettaayeera gaittiis; gaittin a shahaarada attuma na7aa yelaasu. Efireema soo gakkida iita metuwaa gishshau, i ba na7aa Barii7a sunttiis.

Leemiso Maxaafaa 23:25

Ne aawainne ne aayyiyaa ufaittona; nena yelidaarakka poccu gu.

Isiyaasa 43:4

Neeni ta sinttan al77onne bonchcho gidiyo gishshaunne, taanikka nena siiqiyo gishshau, ne laamiyau asaa, ne shemppuwaa laamiyaukka kawotettata immana.

Yesuusi Kiittidoogeetu Oosuwaa 17:11

Beeriyaa asati Tasalonqqen de7iya asatuppekka aadhdhiya akeekanchcha gidido gishshau, “PHauloosi giidoogee tumakkonne” yaagidi, ubba gallassi Xoossaa maxaafata tamaariiddi, qaalaa kumetta laamotan ekkidosona.

Sameela Maxaafaa Koiruwaa 4:21

A ba na7aa Ikaabooda sunttaasu; Xoossaa Taabootai omoodettido gishshaunne ba bolloinne ba keettaawai haiqqido gishshau, “Bonchchoi Israa7eelatuppe shaahettiis” yaagaasu.