Hanidabaa Odiya Koiro Maxaafaa 29:20 - Wolaytta Bible

²⁰ Hegaappe guyyiyan, Daawiti yaa7au ubbau, “GODAA intte Xoossaa galatite” yaagiis. Yaagin yaa7ai ubbai GODAA bantta aawatu Xoossaa galatidosona. Galatidi GODAAYYO gufannidi goinnidosonanne kawuwaayyookka lichchi giidi gufannidosona.

Hanidabaa Odiya Koiro Maxaafaa 29:20 Iomraidhean Croise

Doomettaabaa 24:26

Bitanee gulbbati GODAAYYO goinnidi,

Doomettaabaa 24:48

Hegaappe guyyiyan taani gulbbatada, GODAAYYO goinnaas; taani GODAA, ta godaa Abrahaama Xoossaa, ta godaa ishaa na7aa na7iyo a na7aassi ekkanau tana likke ogiyaa kaalettidaagaa galatais.

Kawotu Maxaafaa Koiruwaa 8:15

“GODAI Israa7eela Xoossai galatetto! Ta aawaa Daawitassi ba doonan odido ufaissaa ba kushiyan poliis. He i odido ufaissai,

Hanidabaa Odiya Koiro Maxaafaa 16:36

GODAI Israa7eela Xoossai merinaappe merinaa gakkanaayyo galatetto! Hegaappe guyyiyan asai ubbai, “Amin77i” giidi, GODAA galatiis.

Hanidabaa Odiya Naa77antto Maxaafaa 20:21

Yoosaafixi asaara zorettidoogaappe guyyiyan, mazamuriyaa yexxiyaageetanne GODAA galatiyaageeta sunttiis. Sunttin eti ba7aala gallassa maayuwaa maayidi, olanchchatu sinttaara kanttiiddi, “GODAA galatite! Aggenna a siiqoi merinaagaa” yaagi yaagidi yexxanaadan azaziis.

Nahimiyaa Maxaafaa 8:6

Denddi eqqin, Iziri GODAA, gita Xoossaa galatiis. Asai ubbai bantta kushiyaa pude denttidi, “Amin77i, Amin77i” yaagidosona. Qassi eta som77oi sa7aa bochchana gakkanaashin gufannidi, GODAASSI goinnidosona.

Nahimiyaa Maxaafaa 9:5

Leewatuppe Yaasu, Qaadimi7eeli, Baani, Hashaabanee, SHerebee Hodee, SHabaaneenne Pataahee Israa7eela asaa hagaadan yaagidosona; “Denddi eqqidi, merinaappe merinau de7iya GODAA intte Xoossaa galatite! Galata ubbaappenne saba ubbaappe bollaara xoqqu xoqqu giidanne bonchchettida Xoossaa sunttaa sabbite” yaagidosona.

Mazamure Maxaafaa 134:2

Beeta Maqidasiyan intte kushiyaa miccidi, GODAA galatite.

Mazamure Maxaafaa 95:6

Haayite; hokkidi ane ayyo goinnoos; nuna medhdhida GODAA sinttan gulbbatoos.

Kessaabaa 14:31

Israa7eelatikka GODAI Gibxxetu bolli bessido gita wolqqaa be7ido wode, asai GODAAYYO yayyiis; yayyidi akka a ashkkaraa Muusakka ammaniis.

Kessaabaa 4:31

Etikka ammanidosona. GODAI etau qoppidoogaanne eta tuggaa be7idoogaa siyido wode, eti gufannidi goinnidosona.

Leemiso Maxaafaa 24:21

Ta na7au, GODAAYYOONNE kawuwaayyo yayya; etayyo makkaliyaageetuurakka zuppetoppa.

Hizqqeela 46:10

Eti geliyo wode, halaqai etaara gelo; eti kiyiyo wodekka, etaara kiyo.

Yaasu Maxaafaa 22:33

Yootidobai Israa7eela asaa ufaissin, Xoossaa galatidosona. Qassi Roobeela asatinne Gaada asati de7iyo biittaa olidi bashshanau baanau haasayiyoogaakka aggi bayidosona.

Koiro PHeexiroosa 2:17

Asa ubbaa bonchchite. Intte ishantta siiqite. Xoossau yayyite. Kawo bonchchite.

Sameela Maxaafaa Koiruwaa 12:18

Sameeli GODAAYYO waassiis; GODAI he gallassi dadaanne iraa yeddiis; hegaa gishshau, asai ubbai GODAANNE Sameela keehippe yayyiis.