Hanidabaa Odiya Koiro Maxaafaa 29:11 - Wolaytta Bible

¹¹ Abeet GODAU, saluwaaninne sa7an de7iya ubbabai nebaa! Gitatettai, wolqqai, bonchchoi, xoonoinne anggai nebaa! Abeet GODAU, maatai nebaa; neeni ubbaappe bollanne huuphe.

Hanidabaa Odiya Koiro Maxaafaa 29:11 Iomraidhean Croise

Doomettaabaa 1:1

Xoossai salotanne sa7aa koiro medhdhiis.

Doomettaabaa 14:19

I Abraama hagaadan yaagidi anjjiis; “Ubbaappe Xoqqiya Xoossai, saluwaanne sa7aa medhdhidaagee Abraama anjjo;

Doomettaabaa 14:22

SHin Abraami Sadooma kawuwaa, “Taani GODAASSI, Ubbaappe Xoqqiya Xoossaassi, saluwaanne sa7aa medhdhidaagaassi, ta kushiyaa denttada caaqqaichchaas.

Hanidabaa Odiya Koiro Maxaafaa 29:10

Hegaa gishshau, Daawiti yaa7aa ubbaa sinttan hagaadan yaagidi, GODAA galatiis; “Abeet GODAU, nu aawaa Israa7eela Xoossau, neeni merinaappe merinau galatetta.

Hanidabaa Odiya Naa77antto Maxaafaa 20:6

Eqqidi hagaadan yaagiis, “Abeet GODAU, nu aawatu Xoossau, saluwan de7iya Xoossai nena! Sa7an de7iya kawotettata ubbaa haariyaagee nena! Gitatettainne wolqqai ne kushiyan de7iyo gishshau, nenaara eqettanau danddayidabi baawa.

Nahimiyaa Maxaafaa 9:5

Leewatuppe Yaasu, Qaadimi7eeli, Baani, Hashaabanee, SHerebee Hodee, SHabaaneenne Pataahee Israa7eela asaa hagaadan yaagidosona; “Denddi eqqidi, merinaappe merinau de7iya GODAA intte Xoossaa galatite! Galata ubbaappenne saba ubbaappe bollaara xoqqu xoqqu giidanne bonchchettida Xoossaa sunttaa sabbite” yaagidosona.

Iyyooba Maxaafaa 37:22

Huuphessa baggaara worqqaa milatiya poo7oi beettees; Xoossaikka yashshiya anggan qonccees.

Mazamure Maxaafaa 10:16

GODAI meri merinau kawotidi de7ees; kawotettati a biittaappe xayana.

Mazamure Maxaafaa 103:19

GODAI salotun ba kawotaa araataa essiis; a kawotettai ubbaa haarees.

Mazamure Maxaafaa 104:1

Tanooshsho, GODAA galata! Abeet GODAU ta Xoossau, neeni ai keena gitee! Neeni bonchchuwaanne anggaa maayadasa.

Mazamure Maxaafaa 145:1

Abeet ta Xoossau, ta kawuwau, taani nena gitayananne ne sunttaa meri merinau galatana.

Mazamure Maxaafaa 145:6

Asai, “Hoola!” giissiya ne oosuwaa wolqqaabaa haasayana; taanikka ne gitatettaa awaajjana.

Mazamure Maxaafaa 21:13

Abeet GODAU, ne minotettan xoqqu xoqqu ga; ne wolqqaassi nena sabboosinne galatoos.

Mazamure Maxaafaa 29:4

GODAA gunttai wolqqaama; GODAA gunttai, “Hoola!” giissiyaabaa.

Mazamure Maxaafaa 46:10

Co77u giite; taani Xoossaa gidiyoogaa erite. Taani kawotettatu giddon xoqqais. Qassi biittaa bollankka xoqqais.

Mazamure Maxaafaa 47:9

Kawotettatu halaqati Abrahaama Xoossaa asatuura issippe shiiqoosona. Aissi giikko, sa7an de7iya wolqqaamati ubbai Xoossaassa; i keehippe xoqqu giis.

Mazamure Maxaafaa 57:11

Abeet Xoossau, salotuppe bollaara xoqqu xoqqu ga! Ne bonchchoi sa7a ubbaa bolli gido.

Mazamure Maxaafaa 57:5

Abeet Xoossau, neeni salotuppe bollaara xoqqu xoqqu ga; ne bonchchoi sa7a ubbaa bollaara de7o.

Mazamure Maxaafaa 57:6

Eti ta gediyaassi piriyaa wottidosona; taani metootada hokkaas. Eti ta ogiyan ollaa bookkidosona; shin he ollan banttau kunddidosona.

Mazamure Maxaafaa 89:11

Saloti neegeeta; sa7aikka nebaa; biittaanne an kumida ubbabaa neeni oottadasa.

Mazamure Maxaafaa 97:1

GODAI kawotiis sa7an de7iya asai ufaitto; haaho haruurotun de7iya asatikka ufaittona.

Mazamure Maxaafaa 97:9

Abeet GODAU, neeni sa7aa ubbaappe xoqqiyaagaa; xoossatu ubbaappe neeni xoqqu giidaagaa.

Mazamure Maxaafaa 98:1

GODAAYYO ooratta yettaa yexxite; aissi giikko, i maalaalissiyaabaa oottiis. A ushachcha kusheenne a geeshsha qesee ayyo xoonuwaa immiis.

Mazamure Maxaafaa 99:1

GODAI kawotiis! Hegaassi asati kokkorona. Kiruubeta giyo kiitanchchatuppe bollaara kawotaa araatan uttees; hegaassi biittai qaaxxo;

Isiyaasa 12:4

He gallassi qassi intte hagaadan yaagana; “GODAA galatite! A sunttaakka xeesite. A oosota kawotettatu ubbaa giddon erissite. A sunttai xoqqu xoqqu giidoogaa awaajjite.

Isiyaasa 42:5

Xoossai GODAI, salota medhdhidi miccidaagee, sa7aanne sa7aappe kiyiyaabaa ubbaa oottidaagee, sa7an de7iya asau shemppuwaa immiyaagee, an hemettiya ubbau de7uwaa immiyaagee hagaadan yaagees;

Isiyaasa 66:1

GODAI hagaadan yaagees; “Saloi ta kawotaa araata; sa7aikka ta tohoi yedhdhiyo soho. Yaatin intte taayyo keexxana keettai ai mala keettee? Taani shemppana sohoinne awaanee?

Ermmaasa 27:5

“Ta gita wolqqaaninne ta yeddido kushiyan ha sa7aa, sa7an de7iya asaa, mehiyaanne do7aa taani medhdhaas. A taani ta dosiyo urau immais.

Daaneela 2:20

“Aadhdhida eratettainne wolqqai Xoossaassa gidiyo gishshau, a sunttai merinaappe merinaa gakkanaassi galatettidaagaa gido.

Daaneela 4:3

“A malaatai aiba gitee! I oottiyo oorattabai aiba minoo! A kawotettai merinaa kawotetta; a maataikka yeletaappe yeletaa gakkanaashiina.

Daaneela 4:30

hagaadan yaagiis; 'Hagee ta kawo keettai an de7ana mala, taani ta gita wolqqan, ta gitatettaa bonchchuwaassi gimbbissido Baabiloone katamaa gitaa gidennee?' yaagiis.

Daaneela 4:32

Neeni asaa giddoppe goodettada, bazzo do7aara daana; neeni booradan maataa maana. Ubbaappe Xoqqiya Xoossai asaa naatu kawotetta ubbaa haariyoogaanne kawotettaa i ba koyido uraassi immiyoogaa neeni erana gakkanaashin, laappun laittai ne bolli aadhdhana' yaagiis.

Maatiyoosa 6:13

Nuna iitabaappe ashshanaappe attin, paacen gelissoppa. Kawotettai, wolqqainne bonchchoi merinaukka neessa. Amin77i’ yaagite.

Koiro Ximootiyoosa 1:17

Aifiyan beettenna merinaa Xoossau issuwau, merinaa Kawuwau, merinaappe merinaa gakkanaassi galatainne bonchchoi gido.

Ibraawe 1:3

Na7ai Xoossaa bonchcho poo7uwaa phoolees; qassi muleerakka a meretaa ekkidi, ba wolqqaama qaalan ha sa7aa naagees; yaatidi asaa nagaraappe geeshshidi, Ubbaappe Bolla Xoossaappe ushachcha baggaara saluwan uttiis.

Yaasu Maxaafaa 3:11

sa7aa ubbaa Godaa Maachchaa Taabootai intteppe sinttatidi, Yorddaanoosa SHaafaa pinniyo wodiyaana.

Yaasu Maxaafaa 3:13

Sa7aa ubbaa Godaa, GODAA Maachchaa Taabootaa tookkida qeesetu tohoi Yorddaanoosa haattaa bochchiyo wode, qommoppe duge goggiya Yorddaanoosa haattai eqqana; eqqidi issisaa shiiqidi doorettana” yaagiis.

Ajjuutaa 11:15

Hegaappe guyyiyan, laappuntta kiitanchchaikka ba malkkataa punniis. Saluwan, “Sa7aa kawotettai ha77i nu Godaassanne a Kiristtoosassa; qassi merinaappe merinaa gakkanaassi i haarana” yaagiya wolqqaama cenggurssai siyettiis.

Ajjuutaa 19:1

Hegaappe guyyiyan, saluwan daro asaa wocamadan wocamiya wolqqaama cenggurssai hagaadan yaagiyaagaa taani siyaas; “Xoossaa galatai gakko. Atotettai, bonchchoinne wolqqai nu Xoossaassa.

Sameela Maxaafaa Koiruwaa 15:29

Israa7eela Bonchchoi worddotenna, woikko ba qofaa laammenna; aissi giikko, ba qaalaa laammanau i asa gidenna” yaagiis.