Hanidabaa Odiya Koiro Maxaafaa 28:5 - Wolaytta Bible

⁵ GODAI taayyo cora naata immiis; ta naatu ubbaappe GODAA kawotaa araatan uttidi, Israa7eela bolli kawotanaadan ta na7aa Solomona dooriis.

Hanidabaa Odiya Koiro Maxaafaa 28:5 Iomraidhean Croise

Kawotu Maxaafaa Koiruwaa 1:13

Kawuwaa Daawitakko gelada hagaadan yaaga; 'Ta godau kawuwau, taassi ne ashkkareessi, “Tuma, taappe guyyiyan ne na7ai Solomoni kawotana; ta kawotaa araatan i uttana” yaagada caaqqabeikkii? Yaatin, Adoonee aibissi kawotidee?' yaaga.

Kawotu Maxaafaa Koiruwaa 1:20

Ta godau kawuwau, ta godaappe kawuwaappe guyyiyan ooni ne kawotaa araatan uttanaakko eranau Israa7eela asaa ubbaa aifee nena xeelli uttiis.

Kawotu Maxaafaa Koiruwaa 1:30

GODAN, Israa7eela Xoossan taani neeyyo caaqqido caaquwaa tumu hachchi polana; taappe guyyiyan ne na7ai Solomoni kawotana; ta kawotaa araatan, ta sohuwan i uttana” yaagiis.

Kawotu Maxaafaa Koiruwaa 1:35

Hegaappe guyyiyan intte a ajabidi aara pude biite; bin i yiidi ta kawotaa araatan uttidi, ta sohuwan kawoto. Taani Israa7eelanne Yihudaa haariyaagaa oottada a sunttaas” yaagiis.

Kawotu Maxaafaa Koiruwaa 2:15

Yaagin i hagaadan yaagiis; “Kawotanau bessiyai tana gididoogaanne Israa7eela asai ubbai tana bantta kawodan xeellidoogaa neeni ne huuphen eraasa. SHin yohoti laamettin kawotettai ta ishaayyo yuuyiis; hegeenne, ayyo GODAAPPE yiis.

Kawotu Maxaafaa Koiruwaa 8:20

“Ha77ikka GODAI ba immana giido ufaissaa qaalaa poliis. GODAI kase immido ufaissaadankka taani ta aawaa Daawita sohuwan kawotaasinne ha77i Israa7eela kawotaa araatan uttaas. Qassi GODAA Israa7eela Xoossaa sunttaayyo Beeta Maqidasiyaa keexxaas.

Hanidabaa Odiya Koiro Maxaafaa 17:14

Taani a ta asaa bollinne ta kawotettaa bolli merinau sunttana; a kawotaa araataikka merinau minni eqqana” yaagees' yaaga” yaagiis.

Hanidabaa Odiya Koiro Maxaafaa 23:1

Daawiti ceeggido wode, ba na7aa Solomona Israa7eela bolli kawoyiis.

Hanidabaa Odiya Koiro Maxaafaa 29:1

Hegaappe guyyiyan, Kawoi Daawiti shiiqida asau ubbau hagaadan yaagiis; “Xoossai dooridoi ta na7aa Solomona; i yelaganne oosuwaayyookka lammachcha. Ha keexettana keettai asa keetta gidennan GODAA Xoossaa Beeta Maqidasiyaa gidiyo gishshau, oosoi gita.

Hanidabaa Odiya Koiro Maxaafaa 29:23

Hegaappe guyyiyan, Solomoni ba aawaa Daawita sohuwan GODAA kawotaa araatan uttiis. Au ubbabai haniis; Israa7eela ubbaikka ayyo azazettiis.

Hanidabaa Odiya Koiro Maxaafaa 29:28

Daawiti daro laittaa de7idi, duretidi, bonchchettidi, lo77o cimidi haiqqiis. A sohuwan a na7ai Solomoni kawotiis.

Hanidabaa Odiya Naa77antto Maxaafaa 9:8

Nenan ufaittidi, nena ba kawotaa araatan utissida GODAI ne Xoossai galatetto! Ne Xoossai Israa7eela asaa siiqido gishshaunne merinau mintti essanau koyido gishshau, neeni suure pirddaanne xillotettaa oottana mala, i nena eta bolli kawoyiis” yaagaasu.

Zaarettido Wogaa 17:15

intte kawoyanaagee GODAI intte Xoossai intteyyo dooridoogaa gidiyoogaa erite. Hegeekka intte asaa giddoppe doorettidaagaa gidoppe attin, hara biittaa asa intte bolli kawoyoppite.