Hanidabaa Odiya Koiro Maxaafaa 23:13 - Wolaytta Bible

¹³ Amiraama attuma naati Aaroonanne Muusa. Aarooninne a zerettai ubbaappe aaro geeshsha gidanaadan dummatidosona. Eti GODAA sinttan ixaanaa cuwayanau, GODAAYYO oottanaunne GODAA sunttan asaa anjjanau merinau dummatidosona.

Hanidabaa Odiya Koiro Maxaafaa 23:13 Iomraidhean Croise

Hanidabaa Odiya Koiro Maxaafaa 23:12

Qahaata naati oiddati Amiraama, Yixihaara, Kebroonanne Uzzi7eela.

Hanidabaa Odiya Koiro Maxaafaa 6:3

Amiraama naati Aaroona, Muusanne Miiriyaamo. Aaroona naati Nadaaba, Abiiha, El77aazaranne Itaamaara.

Hanidabaa Odiya Koiro Maxaafaa 6:34

Sameeli Elqqaana na7aa; Elqqaani Yirohaama na7aa; Yirohaami Eli7eela na7aa; Eli7eeli Tooha na7aa;

Mazamure Maxaafaa 106:16

Asati bazzon bantta dunkkaaniyan de7iiddi, Muusanne GODAASSI dummatida ashkkaraa Aaroona qanaatido wode,

Mazamure Maxaafaa 99:6

Muuseenne Aarooni a qeseta; Sameelikka a sunttan woossidaageetuppe issuwaa. Eti GODAASSI waassidosona; waassin i etau alliis.

Kessaabaa 28:36

Walahi bainna worqqaappe issi alleequwaa medhdhada maatafaa bolli woociyoogaadan, a bolli woocada, 'GODAASSI GEESHSHA GIDIDI DUMMATIIS' yaagada xaafa.

Kessaabaa 29:44

“Hegaa gishshau, taani Xoossaa Dunkkaaniyaanne yarshshiyoosaa dummayana; eti taayyo qeese gididi taayyo oottana mala, Aaroonanne a naata taani dummayana.

Kessaabaa 6:20

Amiraami ba aawaa michchiyo Yokebeedo machchiis. A Aaroonanne Muusa ayyo yelaasu. Amiraami xeetanne hasttamanne laappun laittaa de7iis.

Wogaabaa 10:10

Intte geeshshabaanne geeshsha gidennabaa qassi tunabaanne tuna gidennabaa shaakkidi erite.

Qoodaabaa 18:1

GODAI Aaroona, “Neeni, ne attuma naatinne Leewati geeshsha sohuwaa oosuwan polettiya nagaraa tookkana; neeninne ne attuma naatu xalaalai intte qeesetettaa oosuwan polettiya nagaraa tookkana.

Qoodaabaa 26:59

Amiraama keettaayee sunttai Yokebeedo; a Gibxxen Leewayyo yelettida na7iyo. A Amiraamayyo Aaroona, Muusanne eta michchiyo Miiriyaamo yelaasu.

Qoodaabaa 3:27

Amiraama yarati, Yixihaara yarati, Kebroona yaratinne Uzzi7eela yarati Qahaata zareta.

Yesuusi Kiittidoogeetu Oosuwaa 13:2

Eti Godaassi goinnishiininne xoomishin, Geeshsha Ayyaanai, “Taani xeesido oosuwaassi Barnnaabaasanne Saa7oola tau kessite” yaagiis.

Roome 1:1

Ba wonggeliyaa mishiraachchuwaa yootanau Xoossai dooridi xeesido Kiristtoos Yesuusa ashkkarai, Yesuus Kiristtoosi kiittido PHauloosi, taani ha dabddaabbiyaa xaafais.

Galaatiyaa 1:15

SHin Xoossai ba aaro kehatettan, taani biron ta aayee uluwan de7ishin, baayyo oottanau tana xeesiis; abaa yootiya wonggeliyaa mishiraachchuwaa Aihuda gidenna asaayyo taani yootana mala, Xoossai ba Na7aa tau qonccissanau koyido wode, zorettanau ookkonne babeikke.

Zaarettido Wogaa 10:8

He wode, GODAA Maachchaa Taabootaa tookkana mala, GODAU oottana mala, a sinttan eqqana malanne, hachchi gakkanaashinkka eti oottiyoogaadan GODAA sunttan anjjana mala, Leewa zareta GODAI baayyo dummayiis.

Zaarettido Wogaa 21:5

Yaatobare Leewa naati, qeeseti he sohuwaa issippe boona; aissi giikko, hagaa mala iita haiquwaanne mootuwaa shaakkidi pirddanau, GODAI intte Xoossai ba sinttan oottanau, ba sunttankka anjjanau eta dooriis.

Ibraawe 5:4

Xoossai Aaroona qeese ubbatu halaqa gidanau xeesidoogaadan, Xoossai xeesanaappe attin, ooninne qeese ubbatu halaqa gidiyo bonchchuwaa bau ekkanau danddayenna.

Ajjuutaa 8:3

Ixaanaa cuwayiyo worqqa miishshaa oiqqida hara kiitanchchai yiidi, yarshshiyoosaa matan eqqiis. Worqqaappe merettida yarshshiyoosai kawotaa araataa sinttan de7ees; he yarshshiyoosaa bolli geeshsha ubbatu woosaa gujjana mala, kiitanchchaayyo daro ixaanai imettiis.

Sameela Maxaafaa Koiruwaa 2:28

Qonccada Aarooni ta yarshshiyoosaa pude kiyana mala, ixaanaa cuwayana malanne ta sinttan eefuudiyaa maayana mala, taayyo qeese oottada Israa7eela zaretu ubbaappe a dooraas. Qassi Israa7eela asai taman yarshshiyo yarshsho ubbaa taani ne aawaa zariyaayyo immaas.