Hanidabaa Odiya Koiro Maxaafaa 22:9 - Wolaytta Bible

⁹ Be7a; neeyyo issi saro na7i yelettana. A yuushuwan de7iya morkketu ubbaara taani a saro oottana. A sunttai Solomona; taani i kawotido laittan Israa7eela asaayyo sarotettaanne woppaa immana.

Hanidabaa Odiya Koiro Maxaafaa 22:9 Iomraidhean Croise

Kawotu Maxaafaa Koiruwaa 1:13

Kawuwaa Daawitakko gelada hagaadan yaaga; 'Ta godau kawuwau, taassi ne ashkkareessi, “Tuma, taappe guyyiyan ne na7ai Solomoni kawotana; ta kawotaa araatan i uttana” yaagada caaqqabeikkii? Yaatin, Adoonee aibissi kawotidee?' yaaga.

Kawotu Maxaafaa Koiruwaa 2:15

Yaagin i hagaadan yaagiis; “Kawotanau bessiyai tana gididoogaanne Israa7eela asai ubbai tana bantta kawodan xeellidoogaa neeni ne huuphen eraasa. SHin yohoti laamettin kawotettai ta ishaayyo yuuyiis; hegeenne, ayyo GODAAPPE yiis.

Kawotu Maxaafaa Koiruwaa 3:7

“Ha77ikka abeet GODAU, ta Xoossau, neeni tana ne ashkkaraa, ta aawaa Daawita sohuwan kawoyadasa. SHin taani guutta na7a gidiyo gishshau, asaa waata kaalettanaakko taani erikke.

Kawotu Maxaafaa Koiruwaa 4:20

Yihudaa asainne Israa7eela asai abbaa doona shafiyaadan corattidosona; eti miiddinne uyiiddi ufaittidi de7idosona.

Kawotu Maxaafaa Koiruwaa 4:24

Solomoni Efiraaxiisa SHaafaappe arggo baggaara de7iya kawotettata ubbaa Tifisaaha katamaappe doommidi Gaaza katamaa gakkanaashin haariis; ba yuushuwan de7iya biitta ubbaarakka saro de7iis.

Kawotu Maxaafaa Koiruwaa 4:25

A de7o laitta ubban Yihudaa asainne Israa7eela asai Daanappe biidi Berssaabeha gakkanaashin, ubbai ba woiniyaa turaa kuwaaninne ba ettaa kuwan saro de7iis.

Kawotu Maxaafaa Koiruwaa 5:4

SHin ha77i GODAI ta Xoossai taayyo ubbasaara shemppuwaa immiis; immin taayyo aiba morkkeekka woikko iitabikka baawa.

Kawotu Maxaafaa Koiruwaa 8:56

“I kase haasayido ba qaalaadan ba asaa Israa7eela shemppissida GODAI galatetto; i ba ashkkaraa Muuse baggaara immido lo77o ufaissai ubbai polettiis.

Hanidabaa Odiya Koiro Maxaafaa 17:11

Ne baree wurin, haiqqada ne maizza aawatun gaittiyo wode, taani neeppe guyyiyan ne zariyaa, ne naatuppe issuwaa denttada, a kawotettaa minttana.

Hanidabaa Odiya Koiro Maxaafaa 22:18

“GODAI intte Xoossai inttenaara de7enneeyye? I inttena ubbasaara shemppissibeennee? Ha biittan de7iyaageeta i ta kushiyan aatti immido gishshau, ha biittai GODAAYYONNE a asaayyo haarettiis.

Hanidabaa Odiya Naa77antto Maxaafaa 6:15

Ne ashkkaraayyo, ta aawaa Daawitayyo neeni oottana gaada haasayido qaalaa naagadasa; neeni kase ne doonan haasayidoogaa ne kushiyan hachchi poladasa.

Iyyooba Maxaafaa 34:29

Xoossai co77u giikko, a pirddanai oonee? I ba som77uwaa wora zaarikko, asa maaddiyaabi baawa.

Mazamure Maxaafaa 72:1

Abeet Xoossau, kawoi ne suuretettan pirddanaadan, neeni a tamaarissa; nu kawuwaayyo ne xillotettaa imma.

Mazamure Maxaafaa 72:7

I de7iyo laitta ubban xillotettai daayo; aginai xayana gakkanaassi sarotettai daro.

Isiyaasa 26:12

Abeet GODAU, neeni nuuyyo sarotettaa minttadasa; nu ooso ubbaa neeni nuuyyo oottadasa.

Isiyaasa 45:7

Taani poo7uwaa oottais; xumaakka medhdhais. Sarotettaa oottais; bashshaakka ehais. Taani GODAI, ha ubba yohota oottiyaagaa.

Isiyaasa 57:19

Israa7eela biittan yeekkiyaageetu menttershshan galataa wottana. Haahuwaaninne matan de7iyaageetussi saroi gido. Taani eta pattana” yaagees.

Isiyaasa 66:12

GODAI hagaadan yaagees; “Be7ite, taani iyyo sarotettaa shaafadan darissana; kawotettatu duretettaakka kumidi goggiya pulttuwaadan, iyyo ehaana. Yaatobare intte hegaa xammana; i hashiyan intte toohettana; i kiyuwan uttidi, intte baalotana.

Hagge 2:9

Koiroogaa bonchchuwaappe ha naa77antto Beeta Maqidasiyaa bonchchoi darana; taani Ubbaappe Wolqqaama GODAI ha sohuwan sarotettaakka immana' yaagada yoota” yaagiiddi yiis.

Daannatu Maxaafaa 6:24

Yaagin Geedooni GODAAYYO yarshshiyoosaa yan giigissidi, he sohuwaa GODAI Saro Xoossaa yaagidi sunttiis. He yarshshiyoosai Abi7eezera yaratubaa gidiya Oofiran hachchi gakkanaashin eqqidi de7ees.