Hanidabaa Odiya Koiro Maxaafaa 22:16 - Wolaytta Bible

¹⁶ Eti oottiyo worqqau, birau, nahaasiyaunne biratau zawi baawa. Ha77i neeni oosuwaa doomma. GODAI nenaara gido” yaagiis.

Hanidabaa Odiya Koiro Maxaafaa 22:16 Iomraidhean Croise

Kawotu Maxaafaa Koiruwaa 2:2

“Taani haiqqiyo wodee matiis. Hegaa gishshau, minna; yeeqenna asa gida.

Kawotu Maxaafaa Koiruwaa 7:47

Nahaasiyaa birataappe merettida ha miishsha ubbai keehi daro gidido gishshau, Solomoni a mazzanissibeenna; hegaa gishshau, woisaa deexxiyaabaakko likkee erettibeenna.

Hanidabaa Odiya Koiro Maxaafaa 22:11

“Ha77ikka ta na7au, GODAI nenaara gido. GODAI kase nebaa haasayidoogaadan, GODAA ne Xoossaa Beeta Maqidasiyaa keexxanaagaa nena polisso.

Hanidabaa Odiya Koiro Maxaafaa 22:14

Taani daro tuggan GODAA Beeta Maqidasiyaa keexxanau heezzu sha7anne oiddu xeetu kilo giraame deexxiya worqqaanne hasttamanne oiddu sha7u kilo giraame deexxiya biraa shiishshaas; qassi zawi bainna nahaasiyaanne birataa shiishshaas; qassikka mittaanne shuchchaa giigissaas. Gidikkokka, neeni hegaa bolli haraa gujjanau koshshees.

Hanidabaa Odiya Koiro Maxaafaa 22:15

Ne matan daro oosanchchati de7oosona; shuchchaa qoo7iyaageetinne massiyaageeti, anaaxetinne ubba oosuwaa oottanau danddayiya eranchcha asati de7oosona.

Hanidabaa Odiya Koiro Maxaafaa 22:3

Daawiti penggiyaa sanqqaa oottanau misimaariyaayyoonne maaxafiyau haniya cora birataanne mazzananau danddayettenna, zawi bainna nahaasiyaa birataa giigissiis.

Hanidabaa Odiya Koiro Maxaafaa 28:10

Ha77ikka Beeta Maqidasiyaa keexxanau GODAI nena dooridoogaa dogoppa. Minnada oosuwaa ootta” yaagiis.

Hanidabaa Odiya Koiro Maxaafaa 29:2

Taani taayyo de7iya wolqqaa keenaa ta Xoossaa Beeta Maqidasiyaayyo worqqan oosettanabau worqqaa, biran oosettanabau biraa, nahaasiyan oosettanabau nahaasiyaa, biratan oosettanabau birataanne mittan oosettanabau mittaa giigissa wottaas. Qassi maragidiyaa, ibinabaradiyaa, dumma dumma meraara de7iya alleeqo shuchchata, al77o shuchchatanne inqqota giigissa wottaas.

Hanidabaa Odiya Naa77antto Maxaafaa 1:1

Daawita na7ai Kawoi Solomoni ba kawotettaa minttiis. GODAI a Xoossai aara gididi, a keehippe gitayiis.

Hanidabaa Odiya Naa77antto Maxaafaa 20:17

Ha olaa olettiyaageeti inttena gidekketa. Intte sohuwaa sohuwaa oiqqi eqqidi, GODAI inttena ashshiyoogaa be7eeta' yaagees. Yihudaa asau, Yerusalaame asau, yayyoppitenne dagammoppite! Etaara olettanau wontto kiyite. GODAI inttenaara gidana” yaagiis.

Koiro Qoronttoosa 15:58

Taani siiqiyo ta ishatoo, hegaa gishshau, qaaxxennan minnidi eqqite. Intte daafurai Godaa baggaara mela gidennaagaa eridi, ubba wode Godaa oosuwaa azallennan oottite.

Efisoona 5:14

Hegaa gishshau, “Xiskkiyaagoo, beegotta; haiquwaappekka dendda; Kiristtoosi neeyyo poo7issana” yaagees.

Piliphphisiyuusa 4:13

Kiristtoosi tau immido wolqqan, ubbabaa oottanau taani danddayais.

Yaasu Maxaafaa 1:2

“Ta ashkkarai Muusee haiqqiis. Hegaa gishshau neeninne ha asai ubbai denddite; denddidi taani Israa7eela asaayyo immiyo biittaa gelanau hagaa Yorddaanoosa SHaafaa pinnite.

Yaasu Maxaafaa 1:5

Neeni de7ido laitta ubban ai asinne nena olidi teqqenna. Taani Muuseera gididoogaadan, nenaarakka gidana; taani nena mulekka yeggikkenne aggikke.

Yaasu Maxaafaa 1:9

Minna; xala! Ne biyo soho ubban taani GODAI ne Xoossai nenaara de7iyo gishshau, yayyoppa! Hirggoppa! Hagaa ubbaa taani nena azazaas” yaagiis.

Yaasu Maxaafaa 7:10

Yaagin GODAI Yaasa, “Dendda eqqa! Hagaadan aissi gufannadii?

Daannatu Maxaafaa 4:14

Yaatin, Deboora Baaraaqa, “Dendda! Hachchi GODAI ne kushiyan Sisaara aattidi immiyo gallassa. Be7a, GODAI neeppe sinttatidi biis” yaagaasu. Yaagin Baaraaqi tammu sha7u asaa kaalettidi, Taaboora Deriyaappe wodhdhiis.

Sameela Maxaafaa Koiruwaa 17:37

Gaammuwaanne beeriyaa xugunttaappe tana ashshida GODAI ha Pilisxxeemiyaa kushiyaappekka ashshana” yaagiis. Saa7ooli Daawita, “Ba; Xoossai nenaara gido” yaagiis.

Sameela Maxaafaa Koiruwaa 20:13

SHin ta aawai nena qohanau koyidabaa gidikko, qassi hegaa taani nena erissennan aggikkonne nena saron moissa yeddennan aggikko, GODAI taayyo iito! GODAI ta aawaara issippe gididoogaadan nenaarakka issippe gido.