Hanidabaa Odiya Koiro Maxaafaa 22:10 - Wolaytta Bible

¹⁰ I ta sunttaayyo Beeta Maqidasiyaa keexxana. I ta na7a gidana; taanikka ayyo aawa gidana. A kawotaa araataa Israa7eelan merinau mintta essana' yaagiis.

Hanidabaa Odiya Koiro Maxaafaa 22:10 Iomraidhean Croise

Kawotu Maxaafaa Koiruwaa 2:15

Yaagin i hagaadan yaagiis; “Kawotanau bessiyai tana gididoogaanne Israa7eela asai ubbai tana bantta kawodan xeellidoogaa neeni ne huuphen eraasa. SHin yohoti laamettin kawotettai ta ishaayyo yuuyiis; hegeenne, ayyo GODAAPPE yiis.

Kawotu Maxaafaa Koiruwaa 2:24

Ha77i simmi tana ta aawaa Daawita kawotaa araatan utissidi, ta kawotettaa mintti essidi, ta zareti de7i be7anaadan oottida GODAI ero! Adooniyaa hachchi worana!” yaagiis.

Kawotu Maxaafaa Koiruwaa 5:5

GODAI ta aawaa Daawitayyo, 'Taani ne sohuwan, ne kawotaa araatan kawoyiyo ne na7ai ta sunttaayyo Beeta Maqidasiyaa keexxana' giidoogaadankka, taani GODAA ta Xoossaa sunttaayyo Beeta Maqidasiyaa keexxanau halchchaas.

Kawotu Maxaafaa Koiruwaa 8:15

“GODAI Israa7eela Xoossai galatetto! Ta aawaa Daawitassi ba doonan odido ufaissaa ba kushiyan poliis. He i odido ufaissai,

Kawotu Maxaafaa Koiruwaa 9:5

taani ne aawaa Daawitayyo, 'Israa7eela kawotaa araatan uttiya asa neeni mulekka xayakka' giidoogaadan, ne kawotaa araataa Israa7eela bolli merinau minttada essana.

Hanidabaa Odiya Koiro Maxaafaa 28:5

GODAI taayyo cora naata immiis; ta naatu ubbaappe GODAA kawotaa araatan uttidi, Israa7eela bolli kawotanaadan ta na7aa Solomona dooriis.

Hanidabaa Odiya Naa77antto Maxaafaa 6:15

Ne ashkkaraayyo, ta aawaa Daawitayyo neeni oottana gaada haasayido qaalaa naagadasa; neeni kase ne doonan haasayidoogaa ne kushiyan hachchi poladasa.

Mazamure Maxaafaa 89:26

Daawiti tana, 'Neeni ta aawaa, ta Xoossaanne tana ashshiya zaallaa' yaagidi xeesana.

Isiyaasa 9:7

A kawotettaa daruwaunne a sarotettau zawai de7enna; hachchippe doommidi, merinaa gakkanaassi, suure pirddaaninne xillotettan minttanaunne essanau Daawita kawotaa araataaninne a kawotettan i kawotana; Ubbaappe Wolqqaama GODAA mishoi hegaa polana.

Ibraawe 1:5

Aissi giikko, Xoossai ba kiitanchchatuppe oona, “Neeni ta Na7aa; taani hachchi neeyyo aawa gidaas” giidee? Woi qassi oona, “Taani ayyo aawa gidana; ikka taayyo na7a gidana” giidee?