Hanidabaa Odiya Koiro Maxaafaa 21:23 - Wolaytta Bible

²³ Yaagin Ornni Daawita, “Neeyyo ekka; ta godai kawoi bana ufaissiyaabaa ootto. Be7a, xuuggiyo yarshshuwau booraa, eettanau kattaa qoxxiyo miishshaanne kattaa yarshshuwau gisttiyaa taani immana. Taani ha ubbaakka neeyyo immana” yaagiis.

Hanidabaa Odiya Koiro Maxaafaa 21:23 Iomraidhean Croise

Kawotu Maxaafaa Koiruwaa 19:21

Hegaa gishshau, Elssaa7i aggidi guyye simmiis. Simmidi waaxa boorata shukkiis; boora miishshaa qeri eettidi ashuwaa doissiis; doissido ashuwaa aattin asai miis. Hegaappe guyyiyan denddidi biidi, Eelaasassi oottiis.

Hanidabaa Odiya Koiro Maxaafaa 21:22

Hegaappe guyyiyan, Daawiti Ornna, “Boshai asaa bollappe kichchana mala, taani GODAAYYO yarshshuwaa yarshshiyoosaa keexxanau ne audiyaa taayyo baizzarkkii. Taani neeyyo kumetta waagaa qanxxana” yaagiis.

Hanidabaa Odiya Koiro Maxaafaa 21:24

SHin Kawoi Daawiti Ornna, “CHii, chii! Taani kumetta waagaa qanxxada shammana. Aissi giikko, taani nebaa GODAAYYO ekkikke; qassi taani miishshaa kessabeennabaa xuuggiyo yarshsho oottada yarshshikke” yaagiis.

Ermmaasa 32:8

“GODAI giidoogaadan, ta aawaa ishaa na7ai Hanaami7eeli taakko naagiyaageetu dabaabaa yiidi, 'Biniyaama biittan Anatootan de7iya ta gadiyaa shamma; gadiyaa shammanaunne buzottanau gattiyoi nena' yaagiis. Yaagin taani hegan GODAA qaala gidiyoogaa eraas.

Sameela Maxaafaa Koiruwaa 6:14

Gaaree Beeti-SHemeshiyaa Yaasu gade gakkidi, issi gita zaallaa matan eqqiis; eti gaariyaa mittaa qeridi, xuuggiyo yarshshodan he miizzata GODAASSI yarshshidosona.