Hanidabaa Odiya Koiro Maxaafaa 18:12 - Wolaytta Bible

¹² Xaruuyi na7ai Abishaayi Eedooma asaappe tammanne hosppun sha7ata Maxine Wombban woriis.

Hanidabaa Odiya Koiro Maxaafaa 18:12 Iomraidhean Croise

Sameela Maxaafaa Naa77anttuwaa 10:10

Attida asata ba ishai Abishaayi azazana mala oottidi, Amoona asatu sinttan salppissiis.

Sameela Maxaafaa Naa77anttuwaa 10:14

Sooriyaa asati baqatidoogaa Amoona asati be7ido wode, etikka Abishaaya sinttappe baqatidi, katamaa gelidosona. Gelin Yoo7aabi Amoona asatuura olettiyoogaa aggidi, Yerusalaame simmiis.

Sameela Maxaafaa Naa77anttuwaa 20:6

Daawiti Abishaaya, “Ha77i Biikira na7aa SHebaa7i Abeseloomaagaappekka aattidi nuna qohana. Ne godaa ashkkarata ekkada neeni a paanaa kaalla. Hegee xayikko, i gimbbettida katamata demmidi nuuppe kessi ekkana” yaagiis.

Sameela Maxaafaa Naa77anttuwaa 21:17

shin Xaruuyi na7ai Abishaayi Daawita ashshiis; Pilisxxeemiyaa shocidi woriis. Hegaappe guyyiyan Daawita asati Daawita, “Israa7eela xomppee to7ennaadan neeni naa77antto mulekka nunaara olau baakka” yaagidi caaqqidosona.

Sameela Maxaafaa Naa77anttuwaa 23:18

Xaruuyi na7aa Yoo7aaba ishai Abishaayi hasttamatuyyo halaqa; i heezzu xeetu asata ba tooran olidi woriis; yaatidi ikka hara heezzatudan erettiis.

Sameela Maxaafaa Naa77anttuwaa 3:30

Hegaadan oottidi, Gabaa7oona kataman kiyida olan bantta ishaa Asaaheela Abaneeri worido gishshau, Yoo7aabinne a ishaa Abishaayi Abaneera woridosona.

Sameela Maxaafaa Naa77anttuwaa 7:13

Ta sunttaayyo keettaa keexxanai a; taani a kawotaa araataa merinau mintta essana.

Kawotu Maxaafaa Koiruwaa 11:15

Hagaappe kase baggan Daawiti Eedooma asatuura olettido wode, haiqqidaageeta moogissanau pude biida ola gadaawai Yoo7aabi, Eedooman de7iya attumaasa ubbaa wori wurssiis.

Kawotu Maxaafaa Naa77anttuwaa 14:7

Amesiyaasi Maxine Zanggaaraa giyo sohuwan tammu sha7u Eedooma biittaa asaa woriis; woridi Selaa7a giyo katamaakka olan oiqqiis. Oiqqidi Yoqiti7eela yaagidi sunttiis; sunttin hachchi gakkanaashin ha sunttan xeesettees.

Hanidabaa Odiya Koiro Maxaafaa 11:20

Yoo7aaba ishai Abishaayi hasttamatuyyo halaqa. I ba tooran heezzu xeetu asata olidi woriis. Yaatidi ikka hara heezzatudan erettiis.

Hanidabaa Odiya Koiro Maxaafaa 18:11

Kawoi Daawiti Eedoomappe, Moo7aabappe, Amoona asatuppe, Pilisxxeematuppenne Amaaleeqa asatuppe omooddi ekkido biraanne worqqa ha miishshatuura issippe gattidi, GODAU dummayidi wottiis.

Hanidabaa Odiya Koiro Maxaafaa 18:13

Hegaappe guyyiyan, Daawiti Eedooman olanchchatu qatota medhdhiis; yaatin, he biittaa asai ubbai Daawitayyo haarettiis. Daawiti biido soho ubban GODAI ayyo xoonuwaa immiis.

Hanidabaa Odiya Koiro Maxaafaa 19:11

Attida asatuppe ba ishai Abishaayi azazana mala oottidi, Amoona asatu sinttan salppidosona.

Hanidabaa Odiya Koiro Maxaafaa 2:16

Isseya macca naati Xaruuyonne Abigaalo. Xaruuyi naati heezzati Abishaaya, Yoo7aabanne Asaaheela.

Hanidabaa Odiya Naa77antto Maxaafaa 25:11

Hegaappe guyyiyan, Amesiyaasi bana minttidi, ba olanchchata kaalettidi, Maxine Wombbaa biis; bin a olanchchati Se7iira asaappe tammu sha7aa woridosona.

Mazamure Maxaafaa 60:1

Abeet Xoossau, neeni nuna aggadasa; nu miixaa menttadasa. Neeni nuna hanqqettadasa; shin ha77i nuukko simma.

Mazamure Maxaafaa 60:2

Neeni biittaa qaattadasanne za7issadasa; biittai kokkoriyo gishshau, neeni a za7uwaa bara.

Sameela Maxaafaa Koiruwaa 26:6

Daawiti Hiitiyaa Abimelekanne Xaruuya na7aa Yoo7aaba ishaa Abishaaya, “Saa7ooli galchchidosaa tanaara baanai oonee?” yaagidi oichchiis. Oichchin Abishaayi, “Taani nenaara baana” yaagiis.

Sameela Maxaafaa Koiruwaa 26:8

Abishaayi Daawita, “Xoossai ne morkkiyaa hachchi ne kushiyan aatti immiis; taani ta tooran a issitoo biittaara gattada sikkais; taani a naa77utoo caddanau koshshenna” yaagiis.