Hanidabaa Odiya Koiro Maxaafaa 16:30 - Wolaytta Bible

³⁰ Biittan de7iya asau ubbau, a sinttan kokkorite. Sa7ai minni eqqiis; mulekka qaaxxenna.

Hanidabaa Odiya Koiro Maxaafaa 16:30 Iomraidhean Croise

Hanidabaa Odiya Koiro Maxaafaa 16:23

Sa7an de7iya asau, ubbaikka GODAASSI yexxite; i ashshiyo mishiraachchuwaa hachchi hachchi yootite.

Hanidabaa Odiya Koiro Maxaafaa 16:25

Aissi giikko, GODAI gita; aaro galatai ayyo bessees. Xoossatu ubbaappe aadhdhidi, i yayettanau bessees.

Hanidabaa Odiya Koiro Maxaafaa 16:29

“Bonchchoi a sunttaassa” giidi GODAABAA yootite. Yarshshuwaa ekkidi, a sintti yiite. A geeshshatettaa puulan GODAAYYO goinnite.

Hanidabaa Odiya Koiro Maxaafaa 16:31

Saloti ufaittona; sa7aikka hashshu go! Kawotettatu giddon eti, “GODAI kawotiis!” yaagona.

Mazamure Maxaafaa 33:9

Aissi giikko, i haasayin haniis; i azazin, minnidi eqqiis.

Mazamure Maxaafaa 76:8

Neeni pirddaa saluwaappe sissadasa. Neeni sa7an qohettidaageeta ashshanau pirddaayyo denddido wode, sa7an de7iya asai yayyidi, co77u giis.

Mazamure Maxaafaa 93:1

GODAI kawotiis! Bonchchuwaa maayiis; wolqqaa gixxiis. Sa7ai minnidi eqqiis; mulekka qaaxxenna.

Mazamure Maxaafaa 96:9

A geeshshatettaa puulan GODAAYYO goinnite; biittan de7iya asau ubbau, a sinttan kokkorite.

Mazamure Maxaafaa 99:1

GODAI kawotiis! Hegaassi asati kokkorona. Kiruubeta giyo kiitanchchatuppe bollaara kawotaa araatan uttees; hegaassi biittai qaaxxo;

Isiyaasa 49:8

GODAI hagaadan yaagees; “Taani doorido wodiyan ne oishaa zaaraas. Atotettaa gallassi taani nena maaddaas. Taani nena naagana; neeni biittaa zaarettada essana mala, asi de7enna biittatakka neeni laatissana mala, taani nena asaayyo maachcha oottada immaas.

Ermmaasa 10:12

Ba wolqqan sa7aa medhdhidaagee, ba aadhdhida eran sa7aa essidaagee, ba akeekan salota miccidaagee a.

Qolasiyaasa 1:17

I ubbabaappe kase de7iis; ubbabaikka aani ba sohuwaa sohuwaa oiqqidi de7ees.

Ibraawe 1:3

Na7ai Xoossaa bonchcho poo7uwaa phoolees; qassi muleerakka a meretaa ekkidi, ba wolqqaama qaalan ha sa7aa naagees; yaatidi asaa nagaraappe geeshshidi, Ubbaappe Bolla Xoossaappe ushachcha baggaara saluwan uttiis.

Ajjuutaa 11:15

Hegaappe guyyiyan, laappuntta kiitanchchaikka ba malkkataa punniis. Saluwan, “Sa7aa kawotettai ha77i nu Godaassanne a Kiristtoosassa; qassi merinaappe merinaa gakkanaassi i haarana” yaagiya wolqqaama cenggurssai siyettiis.