Hanidabaa Odiya Koiro Maxaafaa 16:3 - Wolaytta Bible

³ Israa7eela asau ubbau, maccaunne attumau, huuphiyan huuphiyan issi issi komppo oittaa, issi issi muxo ashuwaanne woiniyaa teeraa melaappe issi issi lichchakkuwaa gishiis.

Hanidabaa Odiya Koiro Maxaafaa 16:3 Iomraidhean Croise

Kawotu Maxaafaa Koiruwaa 3:15

Hegaappe guyyiyan Solomoni beegottiis; beegottidi hegee aimo gidiyoogaa akeekiis. I Yerusalaame simmidi biidi, GODAA Maachchaa Taabootaa sinttan eqqiis; eqqidi xuuggiyo yarshshuwaanne issippetettaa yarshshuwaa yarshshiis. Yaatidi ba oosanchchatu ubbaayyo gibiraa kessiis.

Hanidabaa Odiya Koiro Maxaafaa 16:2

Daawiti xuuggiyo yarshshuwaanne issippetettaa yarshshuwaa yarshshidi polidoogaappe guyyiyan, GODAA sunttan asaa anjjiis.

Hanidabaa Odiya Koiro Maxaafaa 16:4

GODAA Taabootaa sinttan oottanaadaaninne GODAA Israa7eela Xoossaa sabbanaadan, galatanaadaaninne bonchchanaadan, amarida Leewata Daawiti sunttiis.

Hanidabaa Odiya Naa77antto Maxaafaa 30:24

Aissi giikko, Yihudaa Kawoi Hizqqiyaasi yarshshuwaa yarshshanau, sha7u korimata, laappun sha7u dorssatanne deeshshata yaa7aassi immiis; qassi halaqati sha7u korimatanne tammu sha7u dorssata yaa7aassi immidosona. Keehippe daro qeesetikka bantta huuphiyau geeyidosona.

Nahimiyaa Maxaafaa 8:10

Qassi Nahimee gujjidikka hagaadan yaagiis; “Biite, modhdhuwaa miite; mal77iyaabaakka uyite; qassi bainnaageetussikka intteegaappe shaakkidi immite. Aissi giikko, hachchi gallassai nu GODAASSI geeshsha gallassa. GODAA ufaissai intteyyo wolqqa gidiyo gishshau azzanoppite” yaagiis.

Siiquwaa Sabaa 2:5

Taani a siiquwan ohettada harggido gishshau, zabiibiyaa aifiyaa tana mizidi gasttissite; appiliyaa tana mizidi, ta wolqqaa kunttite.

Isiyaasa 16:7

Hegaa gishshau, Moo7aabi yeekko; asi ubbikka Moo7aabassi yeekko; Qiirihereesa kataman intte de7iyo wode miido lo77o qumaa hassayidikka yeekkite.

Hizqqeela 45:17

Halaqai oottanau bessiya oosoi, Israa7eela asai bonchchiyo baalatun, aginai xeeriyo gallassatuuninne Sambbatatun xuuggiyo yarshshota, kattaa yarshshotanne ushshaa yarshshota shiishshiyoogaa. Israa7eela asaa nagaraa atto giissanau, nagaraa yarshshota, kattaa yarshshota, xuuggiyo yarshshotanne issippetettaa yarshshota ubbaa i shiishsho” yaagees.

Hoose7a 3:1

GODAI tana, “Israa7eela asai hara xoossatukko simmidi, woiniyaa teeraa melaa lichchakkuwaa siiqishinkka GODAI eta siiqiyoogaadan, ba; baada laggettuwaa siiqada, shaaramuxaidda de7iya beni ne machchiyo neenikka zaarettada siiqa” yaagiis.

Koiro PHeexiroosa 4:9

Zuuzummennan issoi issuwaa imattatettan mokkite.