Hanidabaa Odiya Koiro Maxaafaa 16:25 - Wolaytta Bible

²⁵ Aissi giikko, GODAI gita; aaro galatai ayyo bessees. Xoossatu ubbaappe aadhdhidi, i yayettanau bessees.

Hanidabaa Odiya Koiro Maxaafaa 16:25 Iomraidhean Croise

Hanidabaa Odiya Koiro Maxaafaa 16:24

Kawotettatu giddon a bonchchuwaabaa, asaa ubbaa giddon a maalaalissiya oosuwaabaa awaajjite.

Hanidabaa Odiya Naa77antto Maxaafaa 2:5

“Nu Xoossai hara xoossatu ubbaappe gita gidiyo gishshau, taani keexxanau haniyo Beeta Maqidasee gita.

Mazamure Maxaafaa 145:3

GODAI gita; aaro galatai ayyo bessees. A gitatettai asa qofaappe aadhdhees.

Mazamure Maxaafaa 48:1

GODAI gita. Nu Xoossaa kataman a geeshsha deriyan aaro galatai ayyo bessees.

Mazamure Maxaafaa 76:7

SHin abeet Xoossau, neeni yashshaasa! Ne hanqqoi suullido wode, ne sinttan oonee eqqanai?

Mazamure Maxaafaa 76:8

Neeni pirddaa saluwaappe sissadasa. Neeni sa7an qohettidaageeta ashshanau pirddaayyo denddido wode, sa7an de7iya asai yayyidi, co77u giis.

Mazamure Maxaafaa 89:7

Geeshshatu yaa7aa giddon Xoossai yayettidaagaa. Bana dooddidaageetu ubbaappe aadhdhidi, keehi daganttiyaagaa.

Kessaabaa 15:11

Abeet GODAU, Xoossatu giddon ne malai oonee? Geeshshatettan bonchchettiyaabi, bonchchuwan yayettiyaabi, garamiyaabaa oottiyaabi ne malai oonee?

Ermmaasa 5:22

Laa intte taayyo aissi yayyekketii? Intte ta sinttan aissi kokkorekketii? Aissi giikko, taani shaahetaa abbaayyo zawa, merinau a pinttenna dirssa oottaas. Beetati pushakettikkokka xoonanau danddayokkona. Eti guummikkokka pinnanau danddayokkona.

Milkkiyaasa 1:11

Qassikka Ubbaappe Wolqqaama GODAI hagaadan yaagees; “Awai mokkiyoosaappe biidi wulliyoosaa gakkanaashin, ta sunttai kawotettatu giddon gita. Soho ubban asati taayyo ixaanaa cuwayoosona; geeshsha yarshshuwaakka yarshshoosona; aissi giikko, ta sunttai kawotettatu giddon gita” yaagees.