Hanidabaa Odiya Koiro Maxaafaa 15:16 - Wolaytta Bible

¹⁶ Hegaappe guyyiyan, diittaanne maazinqqiyaa diixxiiddi, daalaa qaattiiddi, ufaissiya yettaa yexxana mala, Leewata kaalettiyaageeti bantta dabbota sunttanaadan Daawiti azaziis.

Hanidabaa Odiya Koiro Maxaafaa 15:16 Iomraidhean Croise

Hanidabaa Odiya Koiro Maxaafaa 13:8

Daawitinne Israa7eela asai ubbai diittaanne maazinqqiyaa diixxiiddi, karaabiyaa baqqiiddi, daalaa qaattiiddinne xurumbbaa punniiddi, bantta kumetta wolqqan Xoossaa sinttan ufaittidi bonchchidosona.

Hanidabaa Odiya Koiro Maxaafaa 15:12

Xeesissidi eta, “Intte Leewatu zaretuyyo halaqata. GODAA Israa7eela Xoossaa Taabootaa taani giigissa wottido sohuwaa ehaanau inttenne intte dabboti geeyite.

Hanidabaa Odiya Koiro Maxaafaa 16:42

Hemaaninne Yidutuuni xurumbbaa punnoosona, daalaa qaattoosonanne galataa mazamuriyaa yexxiiddi kaa7iyo hara miishshata kaa7oosona. Yidutuuna attuma naati penggiyaa naaganau sunttettidosona.

Hanidabaa Odiya Koiro Maxaafaa 16:5

Leewatu halaqai Asaafa; Asaafa kaallidi naa77antto halaqai Zakkaariyaasa. Zakkaariyaasa kaallidi de7iyaageeti Yi7i7eela, SHamiraamoota, Yihi7eela, Matiitiyaa, Eli7aaba, Banaayanne Obeedi-Eedooma. Eti maazinqqiyaanne diittaa diixxanau sunttettidosona; shin Asaafi daalaa qaattanau sunttettiis.

Hanidabaa Odiya Koiro Maxaafaa 23:5

Penggiyaa naagiyaageeta oiddu sha7ata wottiis. GODAA galatanau Daawiti medhdhido yetta miishshan GODAA galatiyaageeta oiddu sha7ata wottiis.

Hanidabaa Odiya Koiro Maxaafaa 6:16

Leewa naati Gershshoona, Qahaatanne Maraara.

Hanidabaa Odiya Naa77antto Maxaafaa 20:19

Qahaata yaraappenne Qoraaha yaraappe amarida Leewati eqqidi, bantta qaalaa xoqqu oottidi, GODAA Israa7eela Xoossaa galatidosona.

Hanidabaa Odiya Naa77antto Maxaafaa 30:12

Kawoinne kawuwaa oosanchchati GODAA qaalaa maaran azazidobaa, Yihudaa asai issi wozanan azazettanaadan, Xoossaa kushee Yihudaa asaa bolli de7ees.

Hanidabaa Odiya Naa77antto Maxaafaa 7:6

Qeeseti banttau giigida sohuwan eqqin, Leewati qassi Kawoi Daawiti GODAA sabbanau kase oottido, mazamuriyaa yexxiyo miishshaa oiqqidi, eta sinttan eqqidi, “Aggenna a siiqoi merinaagaa” yaagidi yexxiiddi, GODAA galatidosona. Qeeseti Leewatu sinttan eqqidi, xurumbbata punnidosona; punnishin Israa7eela asai ubbai eqqiis.

Nahimiyaa Maxaafaa 12:27

Yerusalaame gimbbee gimbbettidi wurido baalaa bonchchiyo wode, Leewati bantta de7iyo sohuwaappe sohuwaappe koyettidi, Yerusalaame yiidosona; yiidi daalan, diittaaninne maazinqqiyan galataa mazamuriyaa ufaissan yexxiiddi, baalaa puulayidosona.

Nahimiyaa Maxaafaa 12:36

Zakkaariyaasa yara gidiya SHamaa7ee, Azaari7eeli, Milalaayi, Gilalaayi, Ma7aayi, Nataani7eeli, Yihudainne Hanaani Xoossaa asa gidiya Daawiti Xoossaassi yexxiyo wode go7ettiyo yetta miishsha ubbaa ekkidi, Zakkaariyaasappe guyyeera kaallidosona. Eta citaa kaalettiyaagee xaafiyaa Izira.

Nahimiyaa Maxaafaa 12:43

He gallassi daro yarshshuwaa asai Xoossaassi yarshshiis; aissi giikko, Xoossai eta gita ufaissan ufaissiis; macca asaikka naatikka ufaittidosona. Hegaa gishshau, Yerusalaame asai ufaittiyo ufaissai haahuwan siyettiis.

Nahimiyaa Maxaafaa 12:46

Kase Daawitanne Asaafa wodiyaappe doommidikka mazamuriyaa yexxiyaageetu citaa kaalettiyaageeti Xoossaa yettan galatanaunne bonchchanau de7iyoogee erettidi de7iyaabaa.

Mazamure Maxaafaa 100:1

Sa7an de7iya asau ubbau, GODAAYYO intte qaalaa xoqqu oottidi yexxite.

Mazamure Maxaafaa 149:3

Duriiddi, karaabiyaa baqqiiddinne diittaa diixxiiddi, a sunttaa sabbona.

Mazamure Maxaafaa 150:5

Daalaa qaattiiddi, a galatite; daalaa shociiddi, a galatite.

Mazamure Maxaafaa 81:1

Nuuyyo wolqqa gidiya Xoossaassi intte qaalaa xoqqu oottidi yexxite; Yaaqooba Xoossaa sabbite.

Mazamure Maxaafaa 81:3

Aginai xeeriyo wode, goobanaa uttiyo wodenne ayyaana gallassan malkkataa punnite.

Mazamure Maxaafaa 87:7

Eti yexxidi kaa7iiddi, “Nu anjjoi ubbai Xiyooneppe pulttees” yaagana.

Mazamure Maxaafaa 95:1

Haayite; ane GODAA sabboos. Nuna ashshiya zaallaassi ufaissau yexxoos.

Kessaabaa 15:20

Aaroona michchiyaa, hananabaa yootiya Miiriyaama karaabiyaa ekkaasu; maccaasai ubbai karaabiyaa baqqiiddinne yexxiiddi o kaallidosona.

Isiyaasa 49:23

Kawoti nena dichchiya aawata gidana; eta macca kawotikka nena xanttiyaageeta gidana. Eti gufannidi, neessi goinnana; qassi ne tohuwaa baanaakka laaccana. Taani GODAA gididoogaa neeni hegan erana; tanan ammanettidi naagiyaageeti yeellatokkona” yaagees.

Amoxa 6:5

Daawitadan yettaa miishshaa intteyyo giigissidi, maazinqqiyan dumma dumma yettaa yexxiyaageetoo,

Yesuusi Kiittidoogeetu Oosuwaa 14:23

Qassi woosa keettatussi huuphiyan huuphiyan cimata dooridi, xoomidoogaappenne woossidoogaappe guyyiyan, eti ammanido Godaassi eta hadaraa immidosona.

Naa77antto Ximootiyoosa 2:2

Qassi daro markkati de7iyoosan taappe neeni siyido yohota harata tamaarissanau danddayiya ammanettida asatuyyo hadaraa imma.

Tiitu 1:5

Taani nena Qarxxeesen aggada yiidoogee, neeni attidabaa giigissanaassanne, taani azazidoogaadan, katama ubban woosa keetta cimata dooranaassa.