Hanidabaa Odiya Koiro Maxaafaa 14:12 - Wolaytta Bible

¹² Pilisxxeemati bantta eeqata he sohuwan yeggidi biidosona. Yaatin Daawiti azazidi, eta eeqata taman xuugissiis.

Hanidabaa Odiya Koiro Maxaafaa 14:12 Iomraidhean Croise

Sameela Maxaafaa Naa77anttuwaa 5:21

Pilisxxeemati bantta eeqata he sohuwan yeggidi biidosona. Yaatin Daawitinne a asai he eeqata ekkidi efiidosona.

Kawotu Maxaafaa Naa77anttuwaa 10:26

Gelidi Ba7aala Eeqa Keettaappe eeqa tuussata kessidi xuuggidosona.

Kawotu Maxaafaa Naa77anttuwaa 19:18

Eta xoossata taman xuuggi xaissidosona; aissi giikko, eta xoossati wonikka asa kushee massidi kessido mittanne shuchchanne gidiyo gishshau, tumu xoossata gidokkona; hegaa gishshau, eti eta xaissidosona.

Hanidabaa Odiya Koiro Maxaafaa 14:11

Yaagin Daawitinne a asai Ba7aali-Paraaxiima giyoosaa biidi, yan eta xoonidosona. Xoonin Daawiti, “Haattaa di7oi xuussi kanttiyoogaadan Xoossai ta morkketu giddoora tana kanttissiis” yaagiis. Hegaa gishshau, he sohuwaa sunttai Ba7aali-Paraaxiima geetettiis.

Hanidabaa Odiya Koiro Maxaafaa 14:13

Pilisxxeema asati naa77anttuwaakka ha wombbaa simmi yiidi bonqqidosona.

Kessaabaa 12:12

“Taani he gallassi qammi Gibxxeera kanttana; kanttaidda baira yelettida ubbaa, asaakka mehiyaakka worana; Gibxxe eeqatu ubbaa bollikka taani pirddana; taani GODAATTENNE.

Kessaabaa 32:20

Eti medhdhido maraakka ekkidi, taman xuuggiis; hegaappe guyyiyan, liiqana gakkanaashin gaacciis; gaaccidi haattaa bolli laalidi, Israa7eela asai uyanaadan oottiis.

Zaarettido Wogaa 7:25

“Masettida eta xoossatu misileta taman xuuggite. He misiletu bollan de7iya biraa woikko worqqaa amottoppite. Hegee GODAASSI, intte Xoossaassi, tuna gidiyo gishshau, intte a piriyan ohettennaadan, a intteyyo ekkoppite.

Zaarettido Wogaa 7:5

Hegaa gishshau, eti yarshshiyoosaa kolite. Eti goinniyo shuchchata mentterettite. Asheero giyo macca xoossee misiliyaa kinchcherettite; eta masettida misiletakka taman xuuggite.