Hanidabaa Odiya Koiro Maxaafaa 12:8 - Wolaytta Bible

⁸ Daawiti bazzuwan de7iya baqati attiyo sohuwan uttidaashin, Gaada zariyaappe asati akko yiidosona. Eti mino asatanne olau giigidaageeta; qassi gonddalliyaanne tooraa oiqqanau danddayiyaageeta. Eta som77oi gaammuwaa som77uwaa milatees; eti deretu huuphiyan guppiya genessaadan eesotoosona.

Hanidabaa Odiya Koiro Maxaafaa 12:8 Iomraidhean Croise

Sameela Maxaafaa Naa77anttuwaa 1:23

“Saa7oolinne Yonaataani asi siiqiyoogeetanne lo77iyaageeta; bantta haiquwankka bantta paxankka shaahettibookkona. Eti argganttaappekka aadhdhida eeso; gaammuwaappekka aadhdhida mino.

Sameela Maxaafaa Naa77anttuwaa 17:10

Ne aawai toora qara gidiyoogaanne aara de7iya asatikka mino gidiyoogaa Israa7eela asai ubbai eriyo gishshau, harai atto gaammodan xaliya minotu wozanaikka maashana.

Sameela Maxaafaa Naa77anttuwaa 2:18

Xaruuyi naati heezzai Yoo7aabi, Abishaayinne Asaaheeli he sohuwan de7oosona; Asaaheeli wushadan eesotidi woxxees.

Sameela Maxaafaa Naa77anttuwaa 23:20

Qassi Qabxxi7eelappe yiida Yoodaahe na7ai Banaayikka mino asa. I mino oosota oottiis. I naa77u erettida Moo7aaba asata woriis. Qassi shachchai dariyo issi gallassi ollaa duge gelidi, gaammuwaa woriis.

Hanidabaa Odiya Koiro Maxaafaa 11:16

He wode Daawiti qatuwaa giddon de7ees; Pilisxxeema olanchchatu citai Beetaliheemen de7ees.

Hanidabaa Odiya Koiro Maxaafaa 11:22

Qabxxi7eelappe yiida Yoodaahe na7ai Banaayi mino asa; mino oosota oottiis. I naa77u erettida Moo7aaba biittaa asata woriis. Qassi shachchai darido issi gallassi ollaa giddo gelidi, gaammuwaa woriis.

Hanidabaa Odiya Koiro Maxaafaa 12:16

Biniyaama zaretuppenne Yihudaa zaretuppe amarida asati Daawitakko qatuwaa yiidosona.

Hanidabaa Odiya Koiro Maxaafaa 12:7

Gadoorappe yiida Yirohaama naata Yo7eelanne Zabaadiyaa.

Hanidabaa Odiya Koiro Maxaafaa 12:9

Eta halaqai Exeera; naa77anttoi Obaadiyaa; heezzanttoi Eli7aaba;

Hanidabaa Odiya Naa77antto Maxaafaa 25:5

Amesiyaasi Yihudaa asaa shiishshidi, bantta aawatu keettan keettan shaalaqatunne mato halaqatu sunttatettaa giddon wottiis. I laatamu laittanne laatamu laittaappe bollaara de7iya Yihudaa zaretanne Biniyaama zareta ubbaa qoodiis; qoodidi gonddalliyaanne tooraa oiqqidi, olau giigida heezzu xeetu sha7u doorettida asata demmiis.

Leemiso Maxaafaa 28:1

Iitati ooninne yedettennan baqatoosona; shin xilloti gaammo mala xala.

Leemiso Maxaafaa 6:5

SHankkaappe genessiyaa kessa ekkiyoogaadan, gitiyaappe kafiyaa attiyoogaadan, ne huuphiyaa ashsha.

Siiquwaa Sabaa 8:14

“Ta siiquwau, taakko eesuwan haaya! Sawo maatai mokkiyo deretu bollaara, guppiya genessaa woikko wushaa marata milata” yaagaasu.

Ermmaasa 46:9

Paratoo, piriixite! Paraa gaareta laaggiyaageetoo, eesuwan laaggite! Gonddalliyaa oiqqida Toophphiyaappenne Liibiyaappe yiida olanchchatoo, kiyite! Lidiyaappe yiida wonddafiyaa dukettan loohida olanchchatoo, woraajjite!' yaagees” yaagiis.

Sameela Maxaafaa Koiruwaa 23:14

Daawiti bazzo qatotuuninne Ziifa bazzuwan de7iya keratun de7iis. Saa7ooli a demmanau ubba gallassi koyees; shin Xoossai a Saa7oola kushiyan aatti immibeenna.

Sameela Maxaafaa Koiruwaa 23:29

Daawiti he sohuwaappe kiyidi, Enggaada katamaa matan de7iya qatotun uttiis.

Sameela Maxaafaa Koiruwaa 24:22

Yaagin Daawiti Saa7oolayyo caaqqiis. Hegaappe guyyiyan, Saa7ooli ba soo simmidi biis; Daawitinne a asai pude qatuwaa biidosona.