Hanidabaa Odiya Koiro Maxaafaa 12:32 - Wolaytta Bible

³² Qassi Israa7eela asai ai oottanau bessiyaakko, wodiyaabaa shaakki eriya akeekanchcha asati, Yisaakoora zariyaayyo halaqati naa77u xeeta; eta dabboti ubbai etayyo azazettoosona.

Hanidabaa Odiya Koiro Maxaafaa 12:32 Iomraidhean Croise

Doomettaabaa 49:14

“Yisaakoori mino hare; caaniyo naa77u joinetuppe gidduwan zin77i bayees.

Hanidabaa Odiya Koiro Maxaafaa 12:31

Daawita kawoyanau baanau doorettida Minaase zariyaappe baggati tammanne hosppun sha7a.

Hanidabaa Odiya Koiro Maxaafaa 7:4

Bantta aawatu so asaa yeletaadan Uzza yaratuppe olau giigida olanchchati hasttamanne usuppun sha7a; aissi giikko, etayyo cora maccaasainne cora naati de7oosona.

Asttiri Maxaafaa 1:13

Hegaa gishshau, kawoi gita maatai de7iyo laappun Parssenne Meedoona sunttata xeesidi gelissiis. Eti Karshshaana, SHetaara, Adimaata, Tarsseesa, Mereesa, Marssananne Mamukaana geetettoosona. He asati aadhdhida eranchchanne he biittaa higgiyaanne de7uwaa wogaa minttidi eroosona. Hagaa malabaassi kawoi ubba wodekka eta oichchees.

Leemiso Maxaafaa 14:8

Cincca asi ba oottiyoogaa eriyo gishshau, aadhdhida eranchcha gidees; shin eeyya asi ainne erennankka eriyaabaa milatiyo gishshau eeyya gidees.

Leemiso Maxaafaa 24:5

Wozannaama urau gita wolqqai de7ees; eranchcha asikka minotettaa gujjees.

Eranchchaa Maxaafaa 7:19

Aadhdhida eratettai aadhdhida eranchchatuyyo immiyo wolqqai tammu katamata haariya asatau wolqqaappe darees.

Eranchchaa Maxaafaa 9:18

Aadhdhida eratettai olaa miishshaappe lo77o; shin issi nagaranchcha asi daro lo77obaa moorees.

Isiyaasa 33:6

I intteyyo intte wodiyaa minttiyaagaa, intte kumetta atotettaa, aadhdhida eratettaanne eraa gidana; GODAASSI yayyiyoogee au aqo gidana.

Mikiyaasa 6:9

GODAASSI yayyiyoogee aadhdhida eratetta. Yerusalaame katamaa asaa GODAI hagaadan yaagees; “Qaxxayana gatimaanne he gatimaa giigissidaageekka oonakko akeekite.

Maatiyoosa 16:3

wonttimaatti qassi, ‘Saloi zo77idi gubbanido gishshau, hachchi irai bukkana’ yaageeta; saluwaa xeellidi, sa7ai hananabaa eranau danddayeeta; shin ha wodiyaa malaataa shaakki eranau danddayekketii?

Efisoona 5:17

Hegaa gishshau, Godai koyiyoobai aibakko akeekiteppe attin, eeyyoppite.

Zaarettido Wogaa 33:17

Yooseefi koiro yelettida korimadan mino; a kaceti menttaa kaciyaadan minnona. A kaceti sha7an qoodettiya Minaase zareta; tammu sha7an qoodettiya Efireema zareta. He kacetun i kawotettata qaicana; biittaa gaxaa gakkanaashin eta i sugana” yaagiis.