Hanidabaa Odiya Koiro Maxaafaa 12:30 - Wolaytta Bible

³⁰ Efireema zariyaappe bantta aawatu keettaa asan erettida xalanne wolqqaama asati laatamu sha7anne hosppun xeeta.

Hanidabaa Odiya Koiro Maxaafaa 12:30 Iomraidhean Croise

Doomettaabaa 6:4

He wodenne hegaappe guyyiyan Xoossaa naati asaa macca naata ekkin, naati yelettido wode, wogga adussa asati sa7aa bollan de7idosona. Etinne beni wode olau minonne erettida asa.

Sameela Maxaafaa Naa77anttuwaa 2:8

Saa7oola olanchchatu gadaawai Neera na7aa Abaneeri Saa7oola na7aa Yaabustta ekkidi, Maahinaima giyo sohuwaa efiis.

Sameela Maxaafaa Naa77anttuwaa 2:9

Efiidi Gala7aade, Aseera, Iziraa7eela, Efireema, Biniyaamanne Israa7eela biittaa ubbaa bollan kawoyiis.

Sameela Maxaafaa Naa77anttuwaa 3:19

Abaneeri Biniyaama zaretuyyo dumma haasayiis; hegaappe guyyiyan, Israa7eela asainne Biniyaama asai ubbai oottanau koyido ubbabaa Daawitayyo yootanau Kebroona katamaa biis.

Hanidabaa Odiya Koiro Maxaafaa 12:29

Biniyaama zare gidiya Saa7oola dabboti heezzu sha7u asa. SHin Biniyaama zariyaappe dariya bagga asai Saa7oola keettaa asau he wodee gakkanaashin ammanettiyaageeta.

Hanidabaa Odiya Koiro Maxaafaa 12:31

Daawita kawoyanau baanau doorettida Minaase zariyaappe baggati tammanne hosppun sha7a.