Jems 4:14 - Wantoat

¹⁴ Ginu sanga kwepna siwik kakngae dua nataaing. Sike ginu tapduu mateknga kundusim yuke akumning. Unzing minga dakatuta kepdakane epuke tapduu mateknga kundusim yuke wena singgak binga ginda wena sining.

Jems 4:14 Iomraidhean Croise

1 Pita 1:24

Siwan wamu takngatu Anututa yawan ayanikapsa aminu tapatuta natake anzing matakut, “Aminu kuupbamde natapa zongazonga binga singgak. Aminda ina tasibakngakaingge natapa zongazongatane tapuya binga singgak. Zongazongata akupiawan tapuyata apimapik.

Lotutane Kap Taknga 39:5

Gata tasiwi nata tapduu dapaknga siknga yuke akupit. Sike tapduu nata kayuk yuwit taknga gae kaine sanga moo binga singgak. Aminu kuupbam kayuk yuaing kaknga kawi got taknga binga singgak. Unzing, aminu tapatuta waunga genaneta puyapan kuke wena singgak binga.

1 Jon 2:17

Sike sanga wa aminda tasinangge ba tanangge natanggamatakaing kakngata pimanangge singgak. Siwan ngana aminu tapatuta Anutue banip tawake tasiwiu ita kayuu asinggan asinggan yuwik.

Lotutane Kap Taknga 102:3

Dasingge, natane kayuk yutnanga aknga katap sawa kupan takngata enake mateknga yuke asopukaing binga. Siwan natane gupma toknga katapaim binga. Katap yasiwan katapaimu toknga sikaingunin.

Jems 1:10

Sike notninu Jesue amina tapatu sangaapana kaya apatane sanga Anututa kaiwan kungaman kakengu ita apbakngayok. Ginu atnataaing. Zongazonga tapunu take kaamangga zet sopukaing. Ina unzakan sangaapaninda zet sopuning. Siwan meya waakngata aminu waapae apuke kekekangaman ita apbakngawik.

Lotutane Kap Taknga 89:47

Buyambam tapa, butaya gata ninu tapduu dapaknga yuamang aminde natapso. Gata ninu tumukuyak. Siwan ngana ninu kuupbam akungwake asopunim.

1 Pita 4:7

Siwan tapduknga sandetnangge dapaknga gwa singgakge ginda gisae natdetdetzane anggaman natake yutnong. Yuke ginda gisae katak tagwauke Anutue tumuk wamu asinggan ininong.

Lotutane Kap Taknga 78:39

Itanu waaminde anzing natayamukut. Waakwau aminu gupnakan yuke akumnanga unin. Ngan, waakwau got takngata apuke kunggak binga.

Lotutane Kap Taknga 144:4

Ninu unzing waungga genine awiasip akonggak binga. Ninu tapduu dapaknga yuamang. Unzing amindane wee gunzitda tasiwan matekngasim yuke sopunggak binga.