Jems 3:9 - Wantoat

⁹ Sike ninda wam yake Naninu Buyambam tapanindane umana yatangenakamang. Siwan Anututa amin tumuke iat musia takngatukan natapningge natake tasikut ngana ninda wamdekan yake amin yanisapdukamang.

Jems 3:9 Iomraidhean Croise

Lotutane Kap Taknga 10:7

Ita wamu wai yake aminu kundue asinggan yanisapdukgak. Yanisapduke ita kem wam gatu gwaut wamu aminu kundue yanikapmanggak. Siakan, ita wamu waiaknga aknga yake gutonga kwaapzang pasinangge yanggak.

Lotutane Kap Taknga 108:1

Anutu, natane musipmaatangu nata gae baniu kekeknga singgat. Siwan nata apmanu kau kumzang taike umanda yatangenawit.

Lotutane Kap Taknga 145:1

Anutu, gata natane king kapana. Nata umanda kopsa akngae ayakapit. Siwan asinggan asinggan nata gatane umandae yatangenawit.

Lotutane Kap Taknga 145:21

Sike na Buyambam tapatane umana asinggan yatangenawit. Siwan ginu sangabamu ita pasikuu, gikaa itane umana asinggan asinggan initangenatnong.

Lotutane Kap Taknga 16:9

Unzingge musipmane natapa take siknga singgak. Siwan natane waung ngaaya asiknga baknganggak. Unzing na mateknga simpaa sanga tapatue dua gwaumbit.

Lotutane Kap Taknga 30:12

Unzingge nata gena dua umumbit. Aho, nata musipmaatangu kau umanda yatangenatnangge ataiwit. Buyambam tapa, ga natane Anutuna. Nata gae gaak wamu asinggan asinggan ganimbakngawit.

Lotutane Kap Taknga 34:1

Siwan nata Anutue asinggan inimbakngawit. Asinggan nata itane umana yatangenawit.

Lotutane Kap Taknga 35:28

Unzingge gatane noman takngaka yakapmake umanda aknga kwakngaom gatu zikaane ngang asinggan yatangenawit.

Lotutane Kap Taknga 51:14

Anutu, ga Anutu na takuyak tapanin, gata musip kwikwik natangamuke ma nuwi kupam. Unzing tasingami nata gae kap taike gata nae nomana aknga tasikuyak takngae natake kap taiwit.

Lotutane Kap Taknga 57:8

Na dapunu pekgau ateke enawit. Enake nata gwamemingu gitaat gatu kuleleat zipit. Gakngau waaknga tasiwawa kawakawik.

Lotutane Kap Taknga 59:12

Asingganu genata wamu wai yake waiaknga tasinangge yakaingunin. Undanga, kapewi yamandeu sike gatane umandaenu asapduke kemu asinggan yakaingge meya panong.

Lotutane Kap Taknga 62:4

Na umana kopsaapa, siwan ngana natane umana kopsa waaknga atasiwan maiwikge tasikaing. Ginu kem wamde take siknga nataaing. Ginda wamu geyangga yake takeaknga Anututa nae take tasiwikge yakapmakaing. Siwan ngana musip zaatangu ginda anzing yakaing, “Ninda nataamangu Anututa asiknga tasiwan maiwik,” ngang yakaing.

Lotutane Kap Taknga 63:4

Siwan nata ga ganimbakngake gatane umanda yatangenake yusika nata akupit. Sike nata ninane kataknga tangenake gae ganimbakngake tumuk wamu ganiwit.

Lotutane Kap Taknga 71:24

Unzingge gata noman taknga tasinggaakge aminbamu genaneta tapduu gwendu tembanata kuku bangee yanikapit. Dasingge, aminda na tasiwan maiwitde tasiking, ngana gata waaminu yaipakepuke pasiwi apmaakaking.

Matyu 26:74

apaa siknga anzing yakut, “Siakande dua daniwa Anututa tokngabam atnamanu noman siwik. Na aminu waapae dua nataat. Wena siknga,” ngang yawana taakga wamu yakut.

Matyu 5:44

Ngana nata daniwa natapnong. Ginda musip gwaangu iwanzae natayamunong. Siwan ginda tumuk wamu Anutu iniwa natake aminu ginde wai pasindamukaingge gatayamik,” ngang yanikut.

Aposel 2:26

Unzing na toikgakge banipmaatang tatanga nataat. Natake kumzang inimbaknganggat. Sike na akumnanga amin dakngake yuat ngana kungwake gatu asenawit ngang natapa siakan singgak.

Pas Polda Rom Nana Aminde Matayamukut San 3:14

Aminu kuupbamda musia zikaa natake kaanga wamu asinggan yakaing.

1 Korin 11:7

Sike ngana Anututa tupa siknga wawi tapatu tumuke tewan wawita itane gepbiatang koyuke sanga kuupbamde kuyana dakngakut. Unzing Anututa sanga kuupbamdane yapii dakngake yuak binga wawita kuyana dakngakut. Unzingge wawi tapatuta tumuk wam yake ba Anutue wam yanikapnangge natakengu ita kupna asukgwike yayok. Siwan Anututa maya tapatu tumuke tewan ita wawie gepbiatang yukut.

Efesas 1:3

Ninda umana Nanin Anutuat gatu Buyambam tapaninu Jesu Kraiskatdane aknga yapangenatnim. Dasingge? Anutu sanga Kraisda nin gatanimukut takngane ita nin pasiwan ninda itane gepbiatang koke kekeknga yutnimde tasinimukut.

Jems 1:27

Siwan aminu tapatuta Anutue siakande siknga inimbaknganangge natakengu ita sanga Nanin Anututa take nataak kakngae natake anzing tasiyok. Toitoit gatu maya kombakobat ngangga meya takngatu kawanu ita akgatayamuyok. Gatu ita sanga waiaknga aminu Anutue masa imukaingga tasikaing kakngae apbitateyok.

Jems 3:10

Ngan. Aminu tapatutakan genaneta wamu take akngaat gatu waiakngaat ngang yanggak. Mate! Sanga wa ninda tasinanga dua aknga ngana tasina take dua singgak.

1 Pita 1:3

Nanin Anutu Buyambam tapaninu Jesu Kraisdane Anutu unin. Sike ninda ie asiknga inimbaknganim. Dasingge? Ita ninde butaya siknga natake nin gatanimunangge natake ita Jesu Krais akumbut katangga gatu tangenakut. Sike wa tangenakut takngata ninu take siknga gatanimukut. Gataniman ninda sanga kayuk asinggan yutnanga aknga gwa takumang. Take yusika ninda sanga take siknga Anututa ninde tasinimunangge yakut takngae apbakngake natayuamang.