Jems 1:26 - Wantoat

²⁶ Siwan aminu tapatuta na yangga aminu gwa dakngake yuat ngang natake ngana inae katak dua tagwauke wamdekan yawiu waapa kem nataak kapanin. Ita yangga amin gwa dakngakut ngana buya dua tasiwan aakgak.

Jems 1:26 Iomraidhean Croise

Lotutane Kap Taknga 141:3

Buyambam tapa, gata natane gena daka kakuya katak tasiyo. Ngan, nata wamu yawiu katak kayuyo.

Lotutane Kap Taknga 32:9

Gata ikwawa gamanu hos ba dongki binga dua dakngawim. Sike ikwawa wa gweayau natdetdetna wena. Unzingge gata ainu napna mamaya dakau genane peyo. Peke nap takngaat peke panomanuwawi wanggwak kuson. Sike gata unzing dua tasiwinu gata natapiak kaknga dua tawasan.”

Lotutane Kap Taknga 34:13

Sike gata unzing yutnangge natakengu, ayok. Gata wamu waiaknga dua yawim. Siwan gatuka kem wamu dua yawim.

Matyu 15:9

Wa aminu aminde mama wam yake Anututane wam ngang yakaing. Unzingge wa aminu nae moo siknga kem nanimbakngakaing,’ ngang Aisaiata yakut,” ngang Jesuta yanikut.

Wamu Takeaknga Makga Matakut Taknga 7:7

Sike wa aminu nae kem siknga tanziyuk nanimbakngake mama wamu kepdakane nana amindane yanindamuyuk wamu waaknga Anututane ngang kem yanikaing,’ ngang Aisaiata tupa siknga matakut.

Wamu Takeaknga Lukga Matakut Taknga 8:18

Siwan ginu katak siknga gwautnong. Ginda wamu katak natapnong. Mamin amindaka natdetdetna nomana pake yuwawa Anututa natdetdetna kunduat ayamik. Sike mamin amindaka buyami natake natdetdetninu gwa pakamang ngang gutonga yawanu natdetdetna wa paking kaknga Anututa akaiwan kuyamik,” ngang yanikut.

1 Korin 15:15

Siwan kepi Anututa aminu gwa kumbingu gatu pangenatnanga aknga wena siwanu ninda natake ita Krais akumbut katangga gatu dua tangenakut ngang ninda natapna siakan siyok. Natapna siakan siwanu ginda ninu Anututa Jesu atangenakut ngang yakumang aminde natapa aminu Anutue wam takusopuke kem wam yakaing amin siwik.

1 Korin 15:2

Siwan ginda wamu take waaknga gitna siknga take yuwawa wamu waakngata gin gatandamuke gindane waiakngasa sandekgak. Sike ngana ginda katak dua natdeke Jesue natapa kekekawanu wamu waakngata ginu gatandamunanga dua.

1 Korin 3:18

Siwan aminu gikat nana tapatuta sanga musia enayaaknga tawake tasinggak kakngae natake nata natdetdetna kayaapa dakngake tasinggat ngang kem natapsak. Ngana ita unzing natakengu natdetdeu waaknga ateyok. Ateke ita natdetdetna kayaapa binga dakngawik.

Galasia 2:6

Kekekake yuwatna aminu umana kaya akwakga wamu takngatusimu nata ninane wapat ngwakngake gin daniwitde dua naniking. Sike Anututa sanga ninda tasike aminu kundutane umana yapangenakamang kakngae natapan moo binga singgak. Ina unzakan nata aminu wa umana kaya akwakge natake ie dua gwaukum.

Galasia 2:9

Siwan Anututa musia kwikwiknga nae natangamuke puya wa namukut takngata anggaman siwan kaking. Kake Jems gatu Sifas gatu Jon ngangga naat gatu Banabaskat musipminu buya takngatukan natake notna notna dakngake ninda katakngin ipbumang. Ipmake nitda aminu keu komduine nana aminde kuwatda wa aminda Judia nana aminde kuningge yawa kekekakut. Sike aminu Anutue aminabam dakngake yukingga wa aminde natake nindane tupan amin takwak ngang yaking.

Galasia 3:4

Asikaya meya kwaapzangu ginde apbing kaknga buya dua aakut ba dasing? Aho. Nata natake buya asaakut ngang nataat.

Galasia 6:3

Siakan. Aminu tapatuta notna gatayamunangge dua natake ita inane musiaatang apiapit wam yawiu waapata kem natake aminu moo amin binga dakngake yuwik.

Efesas 4:29

Siwan wamu wai takngatu ginda dua siknga yawam. Aho. Wamu take akngakan yanong. Yake ginda notza gatayamunangge natake wamu wa amindane musia papa kekekananga akngakan yaninong.

Efesas 5:4

Unzingge sanga wai kuupbamu ginda apbitapenong. Wamu yapiina wena aknga ginda moo siknga ma yawam. Wamu wa binga Anututane aminabamda yananga dua. Wena. Ginda wamu wa binga teke gindane musipzaatangu apbakngake wamu take akngakan yanong.

Kolosi 4:6

Siakan. Ginda wamu kaa sikngakan yanike tasiwawa natake wa aminda ginde natapa amin gwaang siknga siyok. Siwan wa amikat nana tapatuta yakwaik wamu takngatu gin danikwaiwanu ginda gisae tagwauke wamu takekan yake ininong.

Jems 1:19

Siwan mate notnabam. Nata ginde musip gwaang natandamuke anzing daniwa natapnong. Wamu takeaknga natapnangge ginu maak gwaang panong. Pake ngana wamu katak siknga dua natake zetgaman kuke aminu kundue ma yanikapam. Siwan aminda wamu wa yanikapning kaknga zet dua papa kakengu ginu wikake tasike musipza toknga zet ma natapam.

Jems 1:22

Siwan ginu natdetdetzane anggaman natake kemu ma natapam. Anututane wamna moo siknga ma natapam. Aho. Maak gwaang pake wamu waaknga natake tawake tasinong.

Jems 2:20

Siwan ngana gatane natdetdetda dapaknga singgak ba dasing? Aminu tapatuta Jesue puya aknga dua tasike ngana na ie natapa kekekanggak ngang yawanu natdetdeu wa Jesue nataak kakngata dua gatangamik. Aho. Songa siwan buya dua aawik. Sike gata natdetdeu waaknga gitna tapiyakge natake ganiwa natapso ngang iniwit.

1 Pita 3:10

Ginu wamu takngatu Anututane wapatang ayanikapsa aminu tapatuta tupa siknga matakut taknga atnataaing. Ita anzing matakut, “Aminu tapatuta ayutnangge take siknga natake sanga inane gupna gatangamunanga panangge natapiu waapata wamu wai ayanggak kaknga ateyok. Ateke ita kem wamu asinggan yanggak kaknga apbitateyok.