Jems 1:12 - Wantoat

¹² Siwan aminu gikat nana tapatu aminu tapatuta tasiwan pimapikge tasinggak ngang kakengu ita apbakngayok. Dasingge? Ita akekekake dua pimapanu Anututa waapatane umana yatangenake sanga kayuk asinggan yutnanga aknga asimik. Sanga waaknga aminu Anutue musip gwaang natangamuningu kuupbamde yamunangge gwa yawan kekekakut.

Jems 1:12 Iomraidhean Croise

Lotutane Kap Taknga 11:5

Buyambam tapata aminu noman usanzikgak. Siwan ngana ita inane mama wam sandeke amak tasinangge take siknga nataing aminde asiknga bitanggak.

Lotutane Kap Taknga 119:67

Tupa gata nae kepi yeikngamukuyau atekum. Teke kuwa nanduke gata meya takngatu takngatu atnamukuyak. Nami kake apmau nata gatane wamu atawanggat.

Lotutane Kap Taknga 119:71

Gata meya aknga namukuyakge natapa take singgak. Dasingge? Meya waakngata gatangaman mama wambae take siknga natdekum.

Lotutane Kap Taknga 119:75

Buyambam tapa, na atnataat. Gatane mama wamba noman gan siknga. Sike gata meya nae namukuyau gata asinggan gatangamunangge natake tasikuyak.

Lotutane Kap Taknga 5:11

Siwan ngana aminu kuupbamu gae gepbiatang koke yuaing aminu take nataaingu waaminda apbakngake kap gwaang taike yutning. Gata take siknga kakuya tasinggayakge aminu kuupbamda gae asiknga bakngake gatane umanda yatangenakaing.

Lotutane Kap Taknga 94:12

Buyambamtapa, gata aminu tapatu gikane mama wamba inindamumbinu aminu waapata apbakngayok.

Matyu 10:22

Sike ginda natane umana aknganae gepbiatang yuwawa danduke ginde musia zikaa siknga natandamuning. Natandamuke tasinggawa gikatnana mamin amin tapata kekekake yuwawan tanguwa kupiu kayuk yutnanga aknga pake asinggan yuwik.

Matyu 25:34

“Pekenga buyambamtapa yuke aminu siyaapa saak yutningu anzing yaniwit, ‘Ginu natane Nanata banip kwikwik natandamunggak aminu apnong. Tupa siknga kepat yekapat dua tasike tekut gwekatang Anututa amin panangge tasinggak kaknga ginde gwan tandakngatekut. Kekeknga gepbiatang yutnanga waaknga ginda apu tanong,’ ngang yaniwit.

Wamu Takeaknga Lukga Matakut Taknga 6:22

Ginda na aminbamdane notnaapa nawamba danduke aminbamda musia zikaa natandamuke masa damuke danisapduke umanza aknga wai siknga yawa natake ngana apbaknganong,” ngang yanikut.

Pas Polda Rom Nana Aminde Matayamukut San 5:4

Sike ninda kekekake yusika meya takngatuat kakengu ninda kayuk kaknga ngang dua natapnim. Gwan natdekumang ngang natapnim. Natake ninda dua pimanim ngang natake kekekake natayutnim.

Pas Polda Rom Nana Aminde Matayamukut San 8:28

Ngan. Ninu atnataamang. Anututa natake ninda itane aminabam daknganimde natake ninu yaniwamban ie kukumang aminda musip gwaangu Anutue natangamukamang. Natake sanga ninde apa kaamang kaknga meya ba kwanga ba kake yuwatna Anututa tasiwan sanga wa kuupbamda akgatanimukaing.

1 Korin 2:9

Ngana wamu takngatu Anutue wapatang ayanikapsa aminu tapatuta matakut taknga buya unin aakut. Wamu waaknga anzing matakut, “Sanga kainata dua kake gatu maakngita dua natake gatu musiaatang dua natapbing kakngae Anututa natake aminu inae musip gwaang natangamukaingge tandakngayamukut,” ngang matakut.

1 Korin 8:3

Ngana aminda Anutue musip gwaang natangamiu Anututa aminu waapae natapan itane amina dakngawik.

1 Korin 9:25

Siwan aminu wa sanga akupiawik kaknga tanangge isapmake kukaingu kuupbamda tandakngakaing. Tandakngake tasike wa aminda sanga ina banipda siwan nataaing kaknga yaitapaakusikaing. Kwatai akekekake inae sanga katak tagwauke pimamsat ngang natake tasikaing. Ngan. Wa aminda sanga akupiatnanga akngakan tanangge tasikaing ngana ninda sanga dua kupiawik kaknga tanangge natake tasikamang.

2 Timoti 2:15

Siwan ga Anututa gatane puyaka kawan take siwikge natake gata siakan wam taknga katak siknga yanikapmake tasiyo. Tasike Anutue kaine yutnangge dua maakawiyak.

2 Timoti 4:8

Yanikapmake tasiwa nanduke Anututa natapan take siwan ita sanga takeaknga namunangge yawan yuak. Tapduknga Buyambam tapaninda aminu kuupbam nomana siknga usanziwik gwene ita sanga waaknga atnamik. Unzing aminu asisapmake yapbimbik kapa kupna gwapungaman umana buyambam siwik binga ita sanga takeaknga nae namik. Sike ita na awia apaekan dua namik. Aho. Ita aminu ita apikge take siknga nataaingu kuupbamde kuut sanga takeaknga ayamik.

Hibru 10:32

Siwan ngana ginda tapduu Anututa gindane musipza papan kakaakut gwende natapnong. Ginda Anututane kakaa akngane take sukuking ngana tapduu waomune gindane iwanzata enake sipduine ginde meya buyambam damuking. Dama pake ngana ginda akekekake dua pimaking.

Hibru 11:17

Siwan Anututa Ebraham tasiwan siwan ngana Ebrahamda Anutue natapan kekekawan itane gen gwaamukut. Gwaamuke ita inane waaknga Aisak initakuke Anutue imukut. Ngan. Tupa Anututa Aisau waapae natake ita Ebrahamu anzing inikut, “Aisakgane dongata waak zak sitake kuku aminu kwaapzang aatning aminda gatane donggabam daknganing,” ngang yawan kekekakut. Siwan wamu waakngae natapan siakan siwan Ebrahamda Aisakge anzing natapbut. Nata Anututane gen gwaamuke natane waaknga waapa Anutue imunangge atanguwa kupanu undanga. Anututa gatuna i take tangenawan gweake kayuk yuwik ngang natapan kekekakut. Natapan kekekawan Ebrahamu waapa Anututa wamu wa Aisakgane dongae natake iman takut tapata waaknga awia waapakan initakuke Anutue imunangge tuwanguke tasikut. Tasiwan ngana Anututa yawan Ebrahamu waapata Aisau paa tanguwan kumbut takngane sandeke gatu takut.

Hibru 12:5

Ba asikaya ginda wamu takngatu ginu Anututane waaknga binga dakngakingge yakut takngae gwa botaking ba dasing? Siwan wamu wa anzing, “Ginu natane waaknga! Buyambam tapaninu Anututa gindane natdetdetza papan nomataningge tasiwanu ginda undanga ngang ma natapam. Ngan. Ita meya takngatu ginde damanu ginda musipzaatangu itane kepi atenangge ma natapam.

Hibru 6:15

Siwan Ebrahamda wamu waakngae apbakngake natayuwawan wamdane buya asaakut.

Jems 2:5

Siwan mate notnabam. Nata musip gwaangu ginde natandamuke daniwa natapnong. Aminu sangaapana wena yuaingu asikaya Anututa wa amikat nana kundu dua kapewan ie natapa kekekaning ba dasing? Asikaya ita wa aminu dua kapewan sanga ita aminu inane panangge tasinggak kakngae gepbiatangu kopning ba dasing? Koke aminu sangaapana kwaapzang pake yuaing binga dakngake yuke apbaknganing. Ngan. Sanga waakngae gepbiatang aminu musip gwaangu ie natapning aminda kopningge Anututa gwa yawan kekekakut.

Jems 5:11

Ngan. Wa aminda meya takngatu takngatu pake ngana akekekake yuke dua pimaking. Sike ninda wa aminde apbakngake umana yapangenakamang. Sike ginu aminu tapatu umana Jop ngang inikinggane wamu gwa natapbing. Ita meya kwaapzang pakut ngana musia tapan kekekawan ita dua pimakut. Siwan masande Buyambam tapaninda take siknga i gatangamukut. Ngan. Ginu atnataaing. Buyambam tapaninda asinggan ninde butaya siknga natake ninu akgatanimunggak.

1 Pita 3:14

Siwan ginda sanga takeaknga tasiwawa ngana iwanzata enake gin pasiwa mainingge tasiwanu Anututa gin gatandaman ginda apbaknganing. Unzingge ginu sanga iwanzata gin pasiwa maining kakngae natake ginda ma gwaubam. Ie natake ginda nangaakan ma natapam.

1 Pita 4:13

Aho. Ginda natake Kraisda meya buyambam pakutde ninu kuut ina unzakan pakamang ngang natake apbaknganong. Apbakngake tapduknga Jesuta gatuna apan ita aminu umana buyambam siknga kayaapa ngang anggaman siwik gwene ginda asiknga baknganing.

1 Pita 4:14

Siwan apmaau ginda Kraisde gepbiatang yuke tasiwawa danduke aminu kunduta ginde atdanisapdukaing. Ngana Anututane Waungu umana enane siknga yuak kapata gikat gatake yuaingge natake ginda apbaknganing.

1 Pita 5:10

Sike Setenda gin pasiwan mainingge tasiwawan ginda meya waakngane mateknga kundusim yutning. Yuwawa Anututa ina gin panomanuke kekekandaman ginda ie natapa kekekawan kekeknga siknga yutning. Siwan Anutu waapa musip kwikwikgane yapii unin. Ita ginde natake ginu Kraisde kuke iat gatake yutningge natake ginu yandawamban ie kuking. Kuke ginda iat gatake itane kakaa akngane asinggan yutningge natake gin yandawakut tapa unin.

1 Pita 5:4

Ginda unzing tasike yuwawa aminu ninu kuupbam ninduyuak kapata gatuna apan kanim. Sike tapduu waomune ita ninu itane gepbiatangu tupa kopbumang amin ninipakopan ninda enandangu iat gatake kekeknga asinggan yutnim.

1 Jon 4:19

Siwan Anututa ita gamok ninde butaya natanimukutde ninda yake ie musip gwaang natangamukamang.

Wamu Jonda Mia Kake Matakut San 2:10

Siwan masana tapduu mateknga kundusim yuke gata meya takngatu takngatu apapsa ngana ga ie ma gwaumbim. Ie nata ganiwa natapso. Setenda ga tasiwan siwikge natake ita iwandatane musia pangenawan wa aminda enake aminu gaat nana kundu kaautde pake paku pening. Pewa tapduknga dapakngakan meya waaknga pake yutning. Ngan. Tapduu katau kuut musaat bingakan tapduknga dapaknga siknga meya buyak yutning. Siwan ngana gata Anutue kekeknga yuke tasiwawi kuku tapduknga gata akupiyak gwenda apik. Gata unzing iwan yapbike kekeknga siknga yuwinu nata apbakngake sanga kayuk asinggan yutnanga aknga gae gamit.

Wamu Jonda Mia Kake Matakut San 3:19

“Ga atnataayak. Nata aminu kundue butaya natakengu na wa amindane natdetdetna panomanutnangge natake nata wa amindane waiakngana tapa tapik. Sike nata gatane waiakngaka tapa tapan kake gata musipba tapi tekwambikge musipbaatangu toknga siknga natapso.

Wamu Jonda Mia Kake Matakut San 3:21

“Siwan aminu kekeknga siknga yuke iwana ayapbimbiu nata waapa katewa aminu waapata kekekngana kayaapa dakngake ita naat gatake nitda aminbam kayutzim. Sike tupa naaya kekeknga siknga yuke natane iwana ayapbikumde nata kekekngana kayaapa dakngake nata natane Nanaat gatake yuke nitda aminbam kayuamak.