Jems 1:11 - Wantoat

¹¹ Ngan. Sangaapana kayaapata sanga kunduat panangge tasisika ngana akupik. Unzing gunzitda akoke gunzitdane toknga akngata zongazonga tapun yasiwan zetzet kupiake pimakaing binga waapata kupik.

Jems 1:11 Iomraidhean Croise

Lotutane Kap Taknga 102:11

Na kayuu dapaknga siknga yuat. Unzing gunzitda bangee pukunggak binga. Siwan na zongazonga akupiakaingga binga yuat.

Lotutane Kap Taknga 102:4

Siwan Anutu, ga nandutewi meya takngatu kakumu wa unzing, zongazongata akupiakaing binga sikum. Siwan natane musipmaatangu nanamu natapnanga dua sikut.

Lotutane Kap Taknga 103:15

Sike ninu amindane kayuk yutnanga aknganinu dapaknga siknga zonga zongata yuaing binga. Ninu zonga zongatane palawa gwenduta binga dapaknga yuke akumnim.

Lotutane Kap Taknga 37:2

Dasingge? Tapduu matekngasim yukengu wai aminu zongazongata kupiakaing binga sining, ba katau dakatutane tatakngita kupiakaing binga kungwake pimaning.

Lotutane Kap Taknga 39:6

Aminu kuupbam gunzit siwan katapdane wee kepdakane kaamang binga. Sike waaminu puyambam pasike sanga kwaapzang pakaing. Siwan ngana puyambamu pasikaingu buyana wena singgak. Sike aminbamda sangabam pandakngake unekan peaing. Siwan ngana akupanu sanga wa maminda papik?

Lotutane Kap Taknga 90:6

Wa unzing, zongazonga tembana kana kayuk siknga siwan tapuya kana zitziknga siknga sikaing binga singgak. Siwan ngana bangee kananu akupiakaing.

Matyu 13:6

Akopa ngana gunzitda akoke yasiwan zuna wa muyakngi wena siwan kungwake akupiaking.

Matyu 20:12

‘Masan apuingga tapduknga dapakngakan puya pasiing. Siwan ninu tembana siknga puya buyambam pasiwatna gunzitda toknga siknga nisiwawan pasimang. Siwan ngana masan apuikat nikat nindupi puyaninu unzakan binga siwan nimunggayak,’ ngang kaanga iniking. Iniwa puya toikga yake anzing yanikut, ‘Waatdakana. Na wai dua ginde tasindamunggat. Ginu puya pasiwa nata mani sandu sandu damit ngang tembana gwa danit. Daniwa ginu ayom undang nimuyo ngang dua ba yaing?

Matyu 6:30

“Siwan zongazonga puyaangaatang apman akoke yuaingu kwepna zike katapatang saning. Sike zongazongata mani dua pasikaing ngana Anututa tasiwan kana take singgak. Siwan ngana Anututa gataniman dua dapnim ngang ginda dua natapa kekekawan

Wamu Takeaknga Makga Matakut Taknga 4:6

Akopa ngana gunzitda akoke yasiwan zuna wa muyakngi wena siwan kungwake akupiaking.

1 Korin 7:31

Ngan. Aminu sanga kepdakane nana akngae bakngake pakaingu wa aminda sanga waakngae asiknga bakngake kwaapzang panangge dua natapam. Ninu atnataamang. Sanga kepdakane nana asinggan kaamang kaknga wena sinanggenggak. Wena siwan inata kundu dakngawik.

1 Pita 1:4

Ngan. Sanga kayuk asinggan yutnanga aknga take yusika ninda natake Anututa apmea ninu waiakngane gatukande sandewik ngang nataamang. Nin sandetnangge natake ita nomana siknga tasiwan waiaknganinu wena siknga siwan ninda asinggan asinggan take siknga yutnim. Siwan Anututa ninde unzing tasinimunangge natayuak.

1 Pita 5:4

Ginda unzing tasike yuwawa aminu ninu kuupbam ninduyuak kapata gatuna apan kanim. Sike tapduu waomune ita ninu itane gepbiatangu tupa kopbumang amin ninipakopan ninda enandangu iat gatake kekeknga asinggan yutnim.