فیلیپیان 4:9 - کتاب مقدس به زبان مازندرانی - گویش غربی

⁹ اونچی گه میجا یاد بَیتِنی و بِدس بیاردنی، میجا بِشنُسِنی و می دِلِه بَئینی رِه، هَینِنِه بِجا بیارین، گه خِدای صِلح و سلامتی شِمِه هَمرا دَرِه.

گیله ماز

⁹ اونچه که می جی یاد بِیتین و قبول هَکوردین و هر اونچه می جی بِشنَوِسّین و یا می دِلِه بَدیِیَین، هَمونِه بِجا بیارین، که خُدای آرامش شیمی هَمرَه دَرِه.

کتاب مقدس به زبان مازندرانی - گویش شرقی

⁹ اونچی مِ جِم یاد بَییتِنی و به دَس بیاردینی و مِ جِم بِشنُسینی و مِ دِله بَدینی ره، اینا ره به جا بیارین، که خِدائه صِلح و سِلامتی شِمه هِمراه دَره.

فیلیپیان 4:9 Iomraidhean Croise

اِنجیلِ مَتّی 1:23

«یَتِه اَذَب کیجا حامِلِه وونِه، یَتِه ریکا زِینِه گه وِرِه عِمانوئیل گِنِنِه،» گه وی مَعنی خِدا اَمِه هَمرا هَسِّه.

اِنجیلِ مَتّی 28:20

و وِشونِه تعلیم هادین گه اونچی شِمارِ دَستور هادامِه رِه، بِجا بیارِن. دِنّین مِن تا آخَرِ زَمون هَمِش شِمِه هَمرا دَرمِه!»

اِنجیلِ مَتّی 7:21

«نا هر کی گه مِنِه 'خِداوند، خِداوند' بُئِه آسِمونی پادشاهی ای دِلِه شونِه، بَلگی فقط اونی شونِه گه می پیری خواسِّه گه آسِمونی دِلِه دَرِه رِه اَنجام بَرِسانِه.

لوقا 6:46

«چِتیِه، مِنِه ’آقا، آقا‘ گِنِنی، ولی اونچی گِمِه رِه عَمَل نَکِنِنی؟

لوقا 8:21

ولی عیسی وِشونی جِواب بُتِه: «می مار و بِرارِن اونانینِه گه خِدایی کَلامِ اِشنُنِنِه و اونِه عَمَل کِنِنِه.»

اِنجیلِ یوحنا 13:17

اِسا گه هَینِنِه دِنِنی، خِش بِحالِ شِما اگه هَینِنِه اَنجام هادین.

اِنجیلِ یوحنا 15:14

اگه اونچی شِمارِ حِکم کِمِّه رِه عَمل هاکِنین، می رَفِقِنِنی.

اِنجیلِ یوحنا 2:5

وی مار نوکَرِنِه بُتِه: «هر چی شِمارِ گِنِه، هاکِنین.»

اعمال رَسولان 9:6

اِسا، پِرِس و شَهری سِه بور. اوجِه تِرِه گِنِنِه چی وِنِه هاکِنی.»

رومی ایشون 15:33

خِدای صِلح و سلامتی شِما هَمه ای هَمرا دَوو. آمین

رومی ایشون 16:20

خِدای صِلح و سلامتی خِیلی زود شِیطانِ شِمِه لینگی بِن لِه کِنِّه. اَمِه خِداوند عیسایی فیض شِمِه هَمرا دَوو.

اوّلین نامِه قُرنتیانی سِه 10:31

پَس هر چی خارِنی و هر چی نوشِنِنی، یا هر کاری کِنِنی، دِشتِ خِدایی جَلالی سِه هاکِنین.

اوّلین نامِه قُرنتیانی سِه 14:33

چون خِدا، هرج و مَرجی خِدا نیِه، بَلگی صِلح و سلامتی ای خِدائِه، هَمونجور گه مِقدَّسینی دِشتِه کلیساهایی دِلِه هَینجورِ.

اوّلین نامِه قُرنتیانی سِه 4:16

پَس شِمِه جا خواهش کِمِّه میجا سَرمَخش بَیرین.

دوّمین نامه قرنتیانِ وَسین 13:11

سَرآخر، اِی بِرارِن، خِشال ووئین. شِمِه فِکر هَین ووئه گه اَی هَم جان بَیرین؛ و همدیرِ تسلّی هادین، همدیری هَمرا هَم نظر ووئین، صِلح و سلامتی ای دِلِه زندگی هاکِنین؛ گه خِدایی مِحبت و صِلح و سلامتی شِمِه هَمرا مونِّه.

فیلیپیان 3:17

اِی بِرارِن، میجا سرمَخش بَیرین، و شِمِه چِش اونانی رِه ووئه گه طبقِ اونچی گه اَمِه جا سِراغ دارِنی، رفتار کِنِنِه.

فیلیپیان 4:7

خِدای صِلح و سلامتی گه هر فهمی جا بالاترِ، شِمِه دِلیشون و فِکریشونِه مَسیحْ عیسایی دِلِه مِحافظت کِنِّه.

اوّل تِسالونیکیان 1:6

شِما اَمِه جا و خِداوندی جا سَرمَخش بَیتِنی، چون خِیلی مِصیبتی دِلِه، خِدایی کلامِ هون خِشالی ای هَمرا گه روح القدس دِنِه، قَبول هاکِردِنی.

اوّل تِسالونیکیان 2:14

چون اِی بِرارِن، شِما خِدایی کلیساها گه یَهودیه ای مَنطقِه ای دِلِه مَسیحْ عیسایی دِلِه دَرِنِه ای جا، سَرمَخش بَیتِنی: چون شِما هَم شی هموطنِنی جا، هَمون عذابارِه بَئینی گه وِشون یَهودیِنی جا بَئینِه،

اوّل تِسالونیکیان 5:23

اِسا خِدای صِلح و سلامتی شِه شِمارِ کامِلاً تقدیس هاکِنِه، و شِمِه روح و جان و تَن، تا اَمِه خِداوند عیسی مَسیحی بیموئَنی موقِه بی‌عیب بَمونِّه.

دوّم تِسالونیکیان 3:4

اَما خِداوندی دِلِه شِمارِ اطمینان دارمی، اونچی گه شِمارِ حِکم کِمّی رِه، بِجا اُرِنی و اَنجام دِنِنی.

دوم تیموتائوس 4:22

خِداوَند تی روحی هَمرا دَوو. خِدایی فیض شِمِه هَمرا دَوو.

یعقوبِ نامه 1:22

ولی خِدایی کَلامِ بِجا بیارین، نا فقط اونِه بِشنُئین؛ شِرِه گول نَزِنین!

پطرسی دِوّمین نامِه 1:10

پَس اِی بِرارِن، ویشتَر تَقلّا هاکِنین تا شی دعوت و اِنتخاب بَووئنِ ثابت هاکِنین، چون اگه هَین صفاتِ کار بَیرین هیچ وَخت دیم نَخارِنی.

اوّل یوحنا 3:22

و هر چی ویجا بَخوایم گیرمی، چون وی اَحکامِ عمل کِمّی و اونچی گه وِرِه خِشال کِنِّه رِه کِمّی.