فیلیپیان 4:3 - کتاب مقدس به زبان مازندرانی - گویش غربی

³ اَرِه، وَفادارِ همکار، تیجا هَم خوایمِه گه هَین دِتا زَنارِه کِمَک هاکِنی، چون وِشون، اَکْلیمِنتُس و بقیِه همکارانی هَمرا گه وِشونی اِسم حیاتی دَفتری دِلِه بَنوِشت بَوِه، می دوشادوش اِنجیلی کاری سِه زحمت بَکِشینِه.

گیله ماز

³ وَ تی جی هَم اِی وَفادارِ همکار، خواهِش کانَم که این دُتا زِنا رِه کُمَک هَکُنی، چون اَکْلیمِنتُس و دیگر همکارانِ هَمرَه که اوشانه اِسم زندگی یه دَفترِ دِلِه بَنوِشتِ هَبا، می دوشادوش اِنجیلِ کارِ وَسین تَقَلّا هَکُردَن.

کتاب مقدس به زبان مازندرانی - گویش شرقی

³ اَره، وِفادارِ همکار تِ جِم هم خوامبه که این دِتا زِنا ره کُمِک هاکانی، چوون وِشون اَکْلیمِنتُس و بَقیه همکارونِ هِمراه که وِشون اسم، حیاتِ دفترِ دِله بَنوِشته بَییه، مِ دوشادوش اِنجیلِ کارِ وِسه زَحمِت بَکِشینه.

فیلیپیان 4:3 Iomraidhean Croise

لوقا 10:20

ولی هَینِسه خِشحالی نَکِنین گه پَلیدِ ارواح شِمِه جا اِطاعَت کِنِنِه، بَلگی هَینِسه خِشال ووئین گه شِمِه اِسم آسِمونی دِلِه بَنوِشت بَوِه.»

رومی ایشون 12:1

پَس اِی بِرارِن، خِدایی رَحمتایی خاطری، شِمِه جا خواهِش کِمِّه گه شی تَنِ هِتی زینِّه قِروونی ای تَرا، مِقَدَّس و خِدایی بابِ دِل، پیشکَش هاکِنین گه شِمِه روحانی عبادَت همینِه.

رومی ایشون 16:12

تْریفینا و تْریفوسایی سِه، هون خادِمنی گه خِداوندی خِدمتی دِلِه زحمت کَشِنِنِه رِه، سَلام بَرِسانین. و پِرسیسم گه می عزیزِ رَفِق، گه خِداوندی دِلِه خِیلی زحمت کَشِنِه رِه، سَلام بَرِسانین.

رومی ایشون 16:9

اَمِه هَمکارِن اوربانوسِ مَسیحی دِلِه، و می عزیزِ رَفِق، اِستاخیسِ سَلام بَرِسانین.

فیلیپیان 1:12

اِی بِرارِن، خوایمِه دِنّین اونچی گه می سَر بیمو، در اَصل اِنجیلی تَرَقی ای باعث بَوِه،

فیلیپیان 1:16

هون دِوّمی دَسِه مِحبتی جا هَینجور کِنِنِه، چون دِنِنِه گه مِن اِنجیلی دِفاع هاکردنی سِه مِنِه ایجِه بِشتِنِه.

فیلیپیان 1:27

فقط بِلین شِمِه زندگی ای رَوش، مسیحی اِنجیلی لایق ووئه، اونجور گه چی بیئِم و شِمارِ بَوینِم و چی نیئِم، شِمِه جا بِشنُئِم گه یَتِه روحی دِلِه پابرجانی و یَتِه فِکری هَمرا اِنجیلی ایمونی سِه، دوش به دوش هَم تَقَّلا کِنِنی،

فیلیپیان 1:5

هون همکاری ای سِه گه مسیحی اِنجیلی کاری دِلِه، از اوَّلین روز تا اَمرِز، شریک وِنی.

فیلیپیان 1:7

مِن هَین حقِّ دارمِه گه شِما هَمه ای خَوَری هَینجور حِسّی دارِم، چونگه می دِلی دِلِه جا دارِنی، چون شِما هَمه می هَمرا خِدایی فیضی دِلِه شریکِنی، هَم می زیندون دَکِتنی دِلِه، هَم اِنجیلی دِفاع هاکِردَنی جا، و هَم اونی حَیقتِ ثابت هاکِردن.

فیلیپیان 4:2

اِفُودیه ای جا خواهِش کِمِّه و سینتیخی ای جا خواهش کِمِّه گه خِداوندی دِلِه همفکر ووئِن.

کولُسیان 1:7

هَمونجور گه شِما اونِه اَمِه عزیزِ همخِدمت اِپافْراسی جا یاد بَیتنی. اونیگه شِمِه طرفی جا مسیحی وفادارِ نوکَرِ.

یوحنایِ مکاشفه 13:8

و دِشتِه اونانیگه زَمینی سَر دَرِنِه و هون وحشی جانِوَرِ پرسش کِنِنِه - یَعنی هر کَس گه وی اِسم، وَرکایی حیاتی دَفتری دِلِه بَنوِشت نَوِه، همون وَرکا گه پِش از هَینگه دِنیا خلق بَوو قِروونی بَوِه وِه.

یوحنایِ مکاشفه 17:8

هون وحشی جانِوَر گه بَئی، دَوِه، اَلَن دِ دَنیِه، و خِیلی زود هاویه ای چاهی جا دیرگا اِنِه و هَلاکتی سمت شونِه. و اونانیگه زَمینی سَر دَرِنِه گه وِشونی اِسم از موقِه ای گه دِنیا خلق بَوِه حیاتی دفتری دِلِه بَنوِشت نَوِه، هون وحشی جانِوَری بَئیَنی جا تَعَجِب کِنِنِه، چون وی دَوِه، اَلَن دَنیِه، و خِیلی زود اِنِه.

یوحنایِ مکاشفه 20:12

و مِردِگونِ بَئیمِه، گَت تا کِچیک، هون تَختی پِش اِسّاوِنِه و دفتریشون وا بَوِنِه. اَزما یَت دییَر دفتر وا بَوِه گه حیاتی دفتَر وِه و مِردِگون هون چیایی هَمرا گه هون دفتریشونی دِلِه بَنوِشت بَوِه وِه، و طبقِ اونچی گه هاکِرد وِنِه داوری بَوِنِه.

یوحنایِ مکاشفه 20:15

و هر کَس گه وی اِسم، حیاتی دفتَری دِلِه بَنوِشت نَوِه وِه، تَشی دریاچه ای دِلِه دیم بَدا بَوِه.

یوحنایِ مکاشفه 21:27

ولی هیچ ناپاکی و هیچکَس گه وی کارا نِفرت انگیز و دِرویی جا ووئه، اَصلاً وی دِلِه نَشونِه، بلگی فقط اونانی اِسم گه ورکائی حیاتی دفتری دِلِه بَنوِشت بَوِه، وی دِلِه شونِنِه.

یوحنایِ مکاشفه 3:5

هر کی گه پیروز بَوو، هَینجور اِسبی لیواس کِنِّه و مِن وی اِسمِ هیچ وخت حیاتی دفتری جا پاک نَکِمِّه، و شی پیر و وی فِرِشتگونی وَر وی اِسمِ شی زِوون اُرمِه.